Ruth 3:10 - Marahay na Bareta Biblia

¹⁰ “Bendisyonan ka logod nin Kagurangnan,” an sabi ni Boaz. “Orog na kaimbodan sa pamilya an ipinahiling mo ngunyan ki sa ginibo mo sa saimong panugangan na babae. Pwede ka kutang maghanap nin hoben pang lalaki, mayaman man o dukha, alagad dai mo ginibo iyan.

Ruth 3:10 ပူးပေါင်းရင်းမြစ်များ

Genesis 24:31

dangan nagsabi, “Madya sa harong, ika, na benendisyonan nin Kagurangnan. Tano ta nagtitindog ka digdi sa luwas? Inandam ko na an kwarto para saimo asin an lugar para sa mga kamelyo.”

Ruth 1:8

sinabihan niya an duwa, “Magpuli na kamo sa harong kan saindong mga ina. Magin marahay logod saindo an Kagurangnan siring na kamo nagin marahay sako sagkod sa mga nagadan.

Ruth 2:11

Nagsimbag si Boaz, “Nabaretaan ko an gabos mong ginibo para sa saimong panugangan na babae poon na magadan an saimong agom. Naisihan kong binayaan mo an sadiri mong mga magurang asin an sadiri mong banwaan, dangan nagdigdi ka tanganing mag-erok sa kaibahan nin mga tawong dai mo man lamang midbid.

Ruth 2:20

“Bendisyonan logod nin Kagurangnan si Boaz,” an olay ni Naomi. “Inootob nanggad nin Kagurangnan an saiyang mga panuga sa mga nabubuhay asin sa mga gadan.” Nagpadagos siya, “An tawong iyan harani ta pang kadugo; saro siya sa may katongdan na mag-ataman sato.”

Ruth 2:4

Dangan pakalihis nin nagkapirang oras, nag-abot si Boaz hale sa Betlehem. “Mapasaindo an Kagurangnan,” an sabi niya sa mga paraani. “Bendisyonan ka logod nin Kagurangnan,” an simbag ninda.

Ruth 3:9

“Siisay ka?” an hapot ni Boaz. “Ako si Ruth,” an simbag niya. “Huli ta harani ka pang kadugo, katongdan mo an pag-ataman sako.”

1 Samuel 15:13

Dinuman ni Samuel si Saul na nagsabi saiya, “Bendisyonan ka logod nin Kagurangnan, Samuel! Kinuyog ko an kabotan nin Kagurangnan.”