Ruth 2:8 - Marahay na Bareta Biblia

⁸ Dangan sinabihan ni Boaz si Ruth, “Dangoga ining hatol ko: Dai ka manirot sa ibang oma kundi digdi sana. Magtrabaho ka kaiba kan mga babae digdi;

Ruth 2:8 ပူးပေါင်းရင်းမြစ်များ

2 Mga Hade 5:13

Alagad nagrani saiya an mga sorogoon niya asin nagsabi, “Kagurangnan, kun pagbotan ka kan propeta na gumibo nin sarong dakulang bagay, dai mo daw gigibohon iyan? Kaya tadaw ta dai ka maghugas siring kan saiyang sinabi tanganing maomayan?”

Levitico 19:9

“Kun mag-ani kamo kan saindong mga oma, dai nindo pag-anihon an yaon sa mga gilid kan oma, asin dai na nindo pagbalikan an mga natada.

Mateo 9:2

Dinara saiya kan nagkapirang tawo an sarong lalaking paralitiko na nakahigda. Kan mahiling ni Jesus an saindang makosog na pagtubod, sinabihan niya an paralitiko, “Aki ko, pakosoga an boot mo! Pinapatawad na an mga kasalan mo.”

Mateo 9:22

Nagbirik si Jesus, nahiling an babae saka nagsabi, “Pakosoga an boot mo, aki ko! An saimong pagtubod iyo an nagpaomay saimo.” Kan oras man sanang idto narahay an babae.

Filipos 4:8

Sa kataposan, mga tugang, panoa nindo an saindong mga isip kan mga bagay na marahay saka maninigong omawon: mga bagay na totoo, noble, matanos, malinig, maninigong kamotan asin galangan.

Ruth 2:7

Nakiolay siya sako na tugotan kong magsunod sa mga paraani asin siroton an mga natada. Nagtrabaho siya poon pa kasubagong aga, asin ngunyan pa sana nag-ontok tanganing magpahingalo sa payag sa kadikit na panahon.”

Ruth 2:9

tandaan mo kun saen sinda nag-aani asin magsunod ka sainda. Pinagbotan ko an mga kalalakihan na dai ka pag-anohon. Dangan kun mapaha ka, uminom ka kan tubig sa mga tapayan na pinano kan sakong mga sorogoon.”

1 Samuel 3:16

Alagad inapod siya ni Eli, “Samuel, aki ko!” “Uya po ako,” an simbag ni Samuel.

1 Samuel 3:6

Inapod giraray nin Kagurangnan si Samuel. Nagbangon siya, nagduman ki Eli dangan nagsabi, “Inapod mo po ako, asin uya ako.” Alagad nagsimbag si Eli, “Dai taka inapod, aki ko; magbalik ka sa saimong higdaan.”