Ruth 2:19 - Marahay na Bareta Biblia

¹⁹ Hinapot siya ni Naomi, “Saen mo sinirot an mga trigong ini? Kiisay kang oma nagtrabaho? Bendisyonan logod nin Dios an tawong nagmakulog saimo.” Kaya isinabi ni Ruth ki Naomi na duman siya nanirot sa omang sadiri kan lalaking an ngaran Boaz.

Ruth 2:19 ပူးပေါင်းရင်းမြစ်များ

1 Mga Hade 7:21

Ibinugtak ni Huram an duwang bronseng harigi sa atubangan kan laogan kan Templo: an nasa habagat nginaranan niyang Jakin asin an nasa amihan nginaranan niyang Boaz.

Salmo 41:1

Paladan an tawong may pagmakulog sa mga dukha; tinatabangan siya nin Kagurangnan sa aldaw nin kasakitan.

Salmo 41:2

Inaampon siya nin Kagurangnan asin pinapadanay an buhay; inaapod na paladan digdi sa daga; dai siya itinatao sa kapangyarihan nin saiyang kaiwal.

Salmo 44:1

O Dios, nadangog mi kan samong mga talinga— sinabi samo kan samong mga ginikanan, an mga ginibo mo kan panahon ninda, kan mga aldaw na haloy nang nakaagi:

Ruth 2:10

Duminuko si Ruth sa pagtao nin galang dangan hinapot si Boaz, “Tano ta may pagmalasakit ka sako? Tano ta pinapahilingan mo nin marahay na boot an sarong dayuhan?”