Ruth 2:15 - Marahay na Bareta Biblia

^15-16 Kan maghale na siya tanganing ipadagos an panirot, pinagbotan ni Boaz an saiyang mga paraani, “Pabayae nindo siyang manirot maski sa mga may ginuygoy asin dai nindo siya pagsawayon. Laen pa kaiyan, magbulnot kamo nin mga uhoy sa mga ginuygoy asin iwalat nindo tanganing mapurot niya.”

Ruth 2:15 ပူးပေါင်းရင်းမြစ်များ

Levitico 19:9

“Kun mag-ani kamo kan saindong mga oma, dai nindo pag-anihon an yaon sa mga gilid kan oma, asin dai na nindo pagbalikan an mga natada.

Levitico 23:22

“Kun mag-ani na kamo kan saindong oma, dai nindo pag-anihon an mga nasa gilid kan saindong oma, asin dai na kamo magbalik tanganing anihon pa an mga natada; iwalat nindo iyan para sa mga dukha asin sa mga dayuhan. Ako an Kagurangnan na saindong Dios.”

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.

Ruth 2:14

Sa oras nin pagkarakan, nagsabi si Boaz ki Ruth, “Madya asin kumua ka nin tinapay, dangan isawsaw mo sa arak.” Kaya nagtukaw si Ruth sa kataed kan mga paraani, asin tinawan siya ni Boaz nin sinanlag na trigo. Nagkakan si Ruth sagkod na nabasog, asin may natada pa siyang pagkakan.