Ruth 2:13 - Marahay na Bareta Biblia

¹³ Nagsimbag si Ruth, “Maboot ka sako. Natawan mo ako nin kaalingan huli sa marahay na pakipag-olay mo sako, maski ngani dai ako makapantay sa saimong mga sorogoon.”

Ruth 2:13 ပူးပေါင်းရင်းမြစ်များ

Genesis 32:6

Kan magbalik ki Jacob an mga sinugo, nagsabi sinda, “Nakaolay mi an tugang mong si Esau. Pasiring na siya digdi sa pagsabat saimo kaiba an kwatro syentos kan saiyang mga tawohan.”

Genesis 33:10

Nagsimbag si Jacob, “Bakong siring kaiyan; kun talagang marahay na an boot mo sako, akoon mo an sakong regalo. Huli ta, kan mahiling ko an lalawogon mo, garo man sanang nahiling ko an lalawogon nin Dios, orog na ngunyan na inako mo ako sa marahay na boot.

Genesis 33:15

“Kun siring mawalat ako nin nagkapira sa mga tawohan ko,” an sabi ni Esau. Alagad nagsimbag si Jacob, “Dai na kaipuhan huli ta gusto ko sanang makua an marahay mong boot.”

Genesis 33:8

Naghapot si Esau, “Ano an kahulogan kaidtong nasabatan kong sarong grupo?” “Mga regalo ko idto saimo tanganing makua ko an saimong marahay na boot,” an simbag ni Jacob.

Genesis 34:3

Alagad nagayonan si Shekem ki Dina kun kaya tinuboan siya nin pagkamoot sa aking babae ni Jacob. Hiningowa ni Shekem na mahulog man an boot kaini saiya.

Genesis 43:14

Gibohon logod kan Makakamhan na Dios na maherak saindo an lalaki tanganing ibalik niya saindo si Benjamin asin an saro pa nindong tugang. Kun mawawara an sakong mga aki, dai akong magiginibo.”

2 Samuel 16:4

Sinabihan kan hade si Ziba, “Poon ngunyan, saimo na an gabos na pagsadiri ni Mefiboset.” Nagsimbag si Ziba, “Sorogoon mo ako; padagos mo logod akong mawilihan, Mahal na hade.”

Mga Talinhaga 15:33

An pagkatakot sa Kagurangnan nagtutukdo nin kadonongan, asin an kapakumbabaan nagbubunga nin kaomawan.

Oseas 2:16

Dangan aapodon niya giraray ako na saiyang agom—dai na niya nanggad ako aapodon na saiyang Baal.

Filipos 2:3

Dai kamo maggibo nin anoman para sana sa sadiring karahayan o tanganing maghambog; kundi sa kapakumbabaan, ibilang nindo na mas marahay an iba ki sa saindo.

Hukom 19:3

Nagdesider an lalaki na sosogon siya asin pakiolayan na umiba giraray saiya. Kaya ipinag-iba niya an saiyang sorogoon asin an duwang asno. Pag-abot duman, pinadagos siya kan babae asin kan mahiling siya kan ama kaini, maogma siyang sinabat.

Ruth 2:12

Balosan ka logod nin Kagurangnan huli kan saimong ginibo. Magkaigwa ka logod kan maninigong kabayadan hale sa Kagurangnan, an Dios kan Israel, na dinolok mo tanganing magpaataman.”

Ruth 2:14

Sa oras nin pagkarakan, nagsabi si Boaz ki Ruth, “Madya asin kumua ka nin tinapay, dangan isawsaw mo sa arak.” Kaya nagtukaw si Ruth sa kataed kan mga paraani, asin tinawan siya ni Boaz nin sinanlag na trigo. Nagkakan si Ruth sagkod na nabasog, asin may natada pa siyang pagkakan.

1 Samuel 1:18

“Danay mo logod akong kawilihan,” an simbag ni Hanna. Dangan naghale na siya asin nagkakan; bako na siyang mamondo.

1 Samuel 25:41

Nagdapa sa daga si Abigail dangan nagsabi, “Sorogoon niya ako, asin andam ako sa paghanaw kan mga bitis kan saiyang mga sorogoon.”