Ruth 2:10 - Marahay na Bareta Biblia

¹⁰ Duminuko si Ruth sa pagtao nin galang dangan hinapot si Boaz, “Tano ta may pagmalasakit ka sako? Tano ta pinapahilingan mo nin marahay na boot an sarong dayuhan?”

Ruth 2:10 ပူးပေါင်းရင်းမြစ်များ

Genesis 18:2

nagtingkalag siya asin nahiling niya an tolong lalaki na nagtitindog duman. Sinabat niya tolos sinda, nagdapa sa daga

2 Samuel 19:28

An gabos na kaayon sa pamilya nin sakong ama maninigo kutanang gadanon kan mahal na hade, alagad ipinag-iba mo ako sa mga nagkakarakan sa saimong lamesa. Mayo akong deretso na maghagad pa nin ibang karahayan sa mahal na Hade.”

2 Samuel 7:18

Dangan naglaog si Hadeng David sa Tabernakulo, nagtukaw, asin namibi sa Kagurangnan, “Siisay man ako, O Kagurangnan Dios, saka ano an sakong pamilya, ta ginibo mo an mga bagay na ini sako?

2 Samuel 9:8

Nagduko giraray si Mefiboset dangan nagsabi, “Kagurangnan, ako garo sarong gadan na ayam! Tadaw ta marahayon ka sako?”

Levitico 19:34

Gibohon nindo sainda an ginigibo nindo sa kapwa nindo Israelita. Kamotan nindo sinda siring kan pagkamoot nindo sa saindo man sana. Giromdomon nindo na kamo nagin mga dayuhan man sa Egipto. Ako an Kagurangnan na saindong Dios.

Mateo 25:35

Huli ta kan ako nagutom pinakakan nindo; kan ako napaha pinainom nindo; kan ako dayuhan pinadagos nindo;

Lukas 1:43

Siisay ako na pagsongkoon kan ina nin sakong Kagurangnan?

Lukas 1:48

huli ta hiniling niya an kapakumbabaan nin saiyang oripon! Poon ngunyan aapodon akong paladan kan gabos na kapagarakian,

Roma 12:10

Magkaminorootan kamo bilang mga magturugang ki Cristo; danay kamong mangenot sa pagtaong galang sa gabos.

Ruth 2:11

Nagsimbag si Boaz, “Nabaretaan ko an gabos mong ginibo para sa saimong panugangan na babae poon na magadan an saimong agom. Naisihan kong binayaan mo an sadiri mong mga magurang asin an sadiri mong banwaan, dangan nagdigdi ka tanganing mag-erok sa kaibahan nin mga tawong dai mo man lamang midbid.

Ruth 2:13

Nagsimbag si Ruth, “Maboot ka sako. Natawan mo ako nin kaalingan huli sa marahay na pakipag-olay mo sako, maski ngani dai ako makapantay sa saimong mga sorogoon.”

Ruth 2:19

Hinapot siya ni Naomi, “Saen mo sinirot an mga trigong ini? Kiisay kang oma nagtrabaho? Bendisyonan logod nin Dios an tawong nagmakulog saimo.” Kaya isinabi ni Ruth ki Naomi na duman siya nanirot sa omang sadiri kan lalaking an ngaran Boaz.

Ruth 2:2

Sarong aldaw, nagsabi si Ruth ki Naomi, “Tugote akong magduman sa oma tanganing manirot kan mga nagkawaralat na trigo kan mga paraani. May paglaom ako na manunumpongan ko an tawong matugot sako na magtrabaho sa hurihan niya.” Nagsimbag si Naomi, “Lakaw na, aki ko.”

Ruth 2:9

tandaan mo kun saen sinda nag-aani asin magsunod ka sainda. Pinagbotan ko an mga kalalakihan na dai ka pag-anohon. Dangan kun mapaha ka, uminom ka kan tubig sa mga tapayan na pinano kan sakong mga sorogoon.”

1 Samuel 25:23

Kan mahiling ni Abigail si David, hidali siyang naglusad sa saiyang asno asin nagdapa sa daga,