Ruth 1:16 - Marahay na Bareta Biblia

¹⁶ Alagad nagsimbag si Ruth, “Dai mo ako pagsabihan na bayaan taka; tugote akong umiba saimo. Saen ka man magduman, maduman ako; saen ka man mag-erok, duman ako maerok. An saimong banwaan magigin banwaan ko, asin an saimong Dios magigin sakuyang Dios.

Ruth 1:16 ပူးပေါင်းရင်းမြစ်များ

2 Samuel 15:21

Alagad nagsimbag si Ittai, “Mahal na hade, isinusumpa ko saimo sa ngaran kan buhay na Kagurangnan na danay akong maiba saimo minsan saen, sa buhay man o sa kagadanan.”

Salmo 45:10

Nobya kan hade, hinanyoga an sakong sasabihon— lingawan mo an saimong banwaan asin an saimong mga kadugo.

Mga Talinhaga 17:17

An katood namomoot sa gabos na panahon, asin tugang siyang minadamay sa oras nin kasakitan.

Isaias 14:1

Maheherakan giraray nin Kagurangnan an saiyang banwaan nin Israel asin pipilion niya sinda bilang saiyang sadiri. Tutugotan niya sindang mag-erok giraray sa saindang daga, asin maabot an mga dayuhan dangan maerok sa kaibahan ninda.

Daniel 2:47

Nagsabi an hade, “Totoo mananggad na an saimong Dios iyo an pinakadakula sa gabos na dios, an Kagurangnan kan mga hade, asin an nagpapahayag kan mga misteryo. Aram ko ini huli ta ikinapaliwanag mo an misteryong ini.”

Daniel 3:29

“Kaya ipinagboboot ko ngunyan na an siisay man sa arin man na nasyon, rasa, o lengwahe na magtaram tumang sa Dios ni Sadrak, Mesak, asin ni Abednego, pepedasohon, asin gagabaon an saiyang harong; huli ta mayo nin ibang dios na pwedeng magligtas sa siring kaining paagi.”

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Oseas 13:4

Nagsasabi an Kagurangnan, “Ako an Kagurangnan na saindong Dios, na nangenot saindo paluwas sa Egipto. Mayo kamo nin ibang Dios kundi ako sana. Ako sana an saindong paraligtas.

Zacarias 8:23

Sa mga aldaw na iyan, an sampolong dayuhan madolok sa sarong Judio dangan masabi, ‘Tugote kaming makiiba saindo, huli ta nadangog ming nasa saindo an Dios.’”

Mateo 8:19

May sarong paratukdo kan Katogonan na nagdolok saiya asin nagsabi, “Maestro, andam akong mag-iba saimo maski saen ka magduman.”

Juan 13:37

Naghapot si Pedro, “Kagurangnan, tadaw ta dai ako makakasunod saimo ngunyan? Idudusay ko an sakong buhay para saimo!”

Mga Gibo 21:13

Alagad nagsimbag siya, “Tadaw ta nagtatangis kamo asin pinapaluya nindo an boot ko? Andam ako bako sanang magpabilanggo kundi maski magpagadan sa Jerusalem dahel sa Kagurangnan na Jesus.”

1 Tesalonica 1:9

huli ta sinda mismo an nagbabareta kun paano nindo kami inako kan dalawon mi kamo; kun paano an pagtalikod nindo sa mga dios-dios tanganing makapaglingkod kamo sa totoo saka buhay na Dios,

Josue 24:18

Sa samong pagdangadang, pinahale nin Kagurangnan an mga Amoreong nag-erok sa dagang ini. Kaya maglilingkod man kami sa Kagurangnan; siya an samong Dios.”

Kapahayagan 14:4

Ini an mga lalaking dai nadigtaan nin mga babae, huli ta mga mabini sinda; sinda an nagsusunod sa Kordero saen man siya magduman. Sinda an mga tinubos hale sa gabos na katawohan bilang enot na mga bunga para sa Dios saka sa Kordero.

Ruth 1:15

Kaya sinabihan siya ni Naomi, “Ruth, nagbalik na an saimong bilas sa saiyang banwaan asin sa saiyang dios. Magpuli ka na kaiba niya.”

Ruth 1:17

Saen ka man magadan, duman ako magagadan, asin duman ako ilulubong. Mapasako logod an pinakamagabat na padusa nin Kagurangnan kun tutugotan kong ikasiblag ako saimo kan ano man na bagay maski kan kagadanan.”

Ruth 2:6

Nagsimbag an namamahala, “Siya an babaeng dayuhan na nag-iba ki Naomi hale sa Moab.

Ruth 4:15

Namomotan ka kan saimong manugang asin orog pa siya ki sa pitong aking lalaki; tinawan ka niya nin sarong makoapo. Ini an magtatao saimo nin bagong kosog asin mag-aataman saimo sa saimong paggurang.”