Ruth 1:13 - Marahay na Bareta Biblia

¹³ makakahalat pa daw kamo sagkod na dakula na sinda? Sinda kaya an makapugol sa dai nindo pagpaagom sa iba? Mga aki ko, aram nindong imposible iyan. Pinadusahan ako nin Kagurangnan, asin nakakamati ako nin kamondoan para saindo.”

Ruth 1:13 ပူးပေါင်းရင်းမြစ်များ

Genesis 38:11

Dangan sinabihan ni Juda si Tamar na saiyang manugang, “Magbalik ka sa harong kan saimong ama asin magdanay ka sa pagkanibalo sagkod na magdakula an aki kong si Shela.” Sinabi niya ini huli ta natakot siyang magadan man si Shela arog kan mga tugang kaini. Kaya nagpuli si Tamar asin nag-erok sa harong kan saiyang ama.

An Libro ni Job 19:21

Kaherakan nindo ako, kaherakan nindo ako, o mga katood ko, huli ta hinampak ako kan kamot nin Dios!

Salmo 32:4

Aldaw-banggi mo akong pinadusahan, Kagurangnan; an sakong kosog naalang siring sa ambon na pinamara kan init nin aldaw.

Salmo 38:2

Huli ta linugad mo ako kan saimong mga pana; hinampak mo ako kan saimong kamot.

Deuteronomio 2:15

Kinalaban sinda nin Kagurangnan sagkod na magadan sinda gabos.

Hukom 2:15

Kun nakikilaban sinda, kinakalaban sinda nin Kagurangnan siring sa saiyang sinabi; kaya dakula an saindang kahaditan.

Ruth 1:12

Magpuli na kamo, huli ta gurang na ako para magpaagom giraray. Maski isipon ko na igwa pa akong paglaom, asin magpaagom ako ngunyan na banggi dangan mangaki nin mga lalaki,

Ruth 1:14

Naghibi na naman sinda. Dangan hinadokan ni Orpa si Naomi asin nagpaaram, alagad namugol si Ruth sa saiyang panugangan.

Ruth 1:21

Dakul akong sadiri paghale ko digdi, alagad ibinalik ako nin Kagurangnan na mayo nin ano man. Tano ta pag-apodon nindo akong Naomi kun arog kaini na pinadusahan ako nin Kagurangnan na Makakamhan asin tinawan ako nin kasakitan?”

1 Samuel 5:11

Kaya ipinaapod giraray ninda an limang hade kan mga Filisteo dangan sinabihan, “Balikan nindo an Kaban nin Tipan nin Israel sa dating lugar kaiyan, tanganing dai kami magkagaradan sagkod an samong mga pamilya.” Nagkaigwa nin dakulang takot sa bilog na syudad huli ta makuri an padusa nin Dios.