Roma 9:5 - Marahay na Bareta Biblia

⁵ Gikan sinda sa bantog na mga Patriarka; sa rasa ninda gikan si Cristo kan siya magin tawo. Pag-omawon sagkod pa man an Dios na nagsasakop kan gabos! Amen.

Roma 9:5 ပူးပေါင်းရင်းမြစ်များ

Genesis 12:3

Bebendisyonan ko an mga mabendisyon saimo, Asin isusumpa ko an mga masumpa saimo; Sa paagi mo, bebendisyonan ko man an gabos na nasyon sa daga.

Genesis 49:10

Dai mahahale an setro ki Juda, Asin sa mga kapagarakian niya, Sagkod na umabot an kagsadiri kaiyan Asin sa saiya makuyog an mga banwaan.

1 Mga Hade 1:36

Nagsimbag si Benaias, “Masusunod an saimong kabotan, asin patotoohan logod iyan nin Kagurangnan na saimong Dios!

1 Mga Cronica 16:36

Pag-omawon an Kagurangnan, an Dios nin Israel, ngunyan asin sagkod pa man!” Dangan an mga tawo nagsabi, “Amen!” asin nag-omaw sa Kagurangnan.

Salmo 103:19

An saiyang trono ibinugtak nin Kagurangnan sa kalangitan; an gabos sakop kan saiyang kahadean.

Salmo 106:48

Pag-omawon an Kagurangnan, an Dios nin Israel, ngunyan asin sagkod pa man! Gabos na banwaan magsabing, “Amen!” Omawon an Kagurangnan!

Salmo 41:13

Pag-omawon an Kagurangnan, an Dios nin Israel; ngunyan asin sagkod pa man! Amen! Amen!

Salmo 45:6

An banal mong trono magdadanay sagkod lamang. Setro nin katanosan an setro nin saimong kahadean;

Salmo 72:19

Omawon sagkod lamang an saiyang mamurawayon na ngaran! An bilog na daga mapano logod kan saiyang kamurawayan. Amen! Amen!

Salmo 89:52

Pag-omawon an Kagurangnan sagkod pa man! Amen! Amen!

Isaias 11:1

May maluwas na sarong supang sa pungo ni Jesse, asin sarong sanga an matalubo hale sa saiyang mga gamot.

Isaias 7:14

Kaya an Kagurangnan mismo an matao saindo nin tanda: may sarong daraga na mangingidam asin mangangaki nin lalaki asin aapodon niyang Immanuel.

Jeremias 28:6

“Amen! Gibohon logod iyan nin Kagurangnan; magkatotoo logod an propesiya mo asin ikabalik sa lugar na ini hale sa Babilonia an gabos na kayamanan kan templo asin an gabos na tawong dinara duman bilang mga bihag.

Mikas 5:2

Nagsasabi an Kagurangnan, “Betlehem Efrata, ika an pinakasadit na banwa sa Juda, alagad hale sa saimo maluwas para sa sako an saro na iyo an magigin lider nin Israel, na an ginikanan masososog pa sa mga suanoy na panahon.”

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Mateo 6:13

Hare kami pabayae na madaog nin sogot, alagad agawon mo kami sa maraot.’

Lukas 20:44

Kun ‘Kagurangnan’ an apod saiya ni David, paano siyang magin aki ni David?”

Juan 10:30

Ako asin an Ama saro.”

Mga Gibo 20:28

Kaya ingati nindo an saindong sadiri asin an bilog na katiriponan na ipinapaataman saindo kan Espiritu Santo. Magin pastor kamo kan simbahan nin Dios, na nagin sadiri niya huli kan kagadanan nin saiyang Aki.

Mga Gibo 3:13

An Dios ni Abraham, ni Isaac asin ni Jacob, an Dios kan satong mga ginikanan iyo an nagpamuraway sa saiyang Sorogoon na si Jesus, na saindong itinao saka pinagnegaran sa atubangan ni Pilato, kan boot siyang patalingkasan kaini.

Roma 1:25

Tinalikodan ninda an katotoohan manongod sa Dios dangan nagtubod sinda sa kaputikan. Sinamba ninda saka pinaglingkodan an linalang, bako an Kaglalang na iyo an dapat omawon sagkod pa man! Amen.

Roma 1:3

An Marahay na Baretang iyan manongod sa saiyang Aki, an Kagurangnan tang Jesu-Cristo. Bilang tawo, si David an saiyang ginikanan

Roma 10:12

Mayo nin kalaenan an mga Judio asin an mga pagano; an Kagurangnan iyo an Kagurangnan kan gabos, saka tinatawan niya nin dakul na biyaya an gabos na nag-aapod saiya.

Roma 11:28

Isinikwal kan mga Judio an Marahay na Bareta, kaya sinda nagin kaiwal nin Dios dahel sa saindo. Alagad namomotan sinda nin Dios huli sa mga ginikanan ninda na pinili niya.

1 Corinto 14:16

Kun nagpapasalamat ka sa Dios sa espiritu sana, paanong makasimbag nin “Amen” an tawong mayo nin balaog na arog saimo, dahel ta dai niya aram kun ano an sinasabi mo?

2 Corinto 11:31

An Dios asin Ama ni Jesus na Kagurangnan—omawon logod an ngaran niya sagkod lamang—nakakaaram na dai ako nagpuputik.

Deuteronomio 10:15

Alagad labi-labi an pagkamoot nin Kagurangnan sa saindong mga ginikanan, kaya pinili niya kamo embes na an ibang mga tawo, asin sagkod ngunyan, kamo an saiyang sadiring banwaan.

1 Timoteo 3:16

Mayong makakanegar na totoong dakulang misteryo an satong relihiyon: Nagpahiling siya kan siya nagin tawo, pinatotoohan siya kan Espiritu Santo, asin nahiling kan mga anghel. Ipinaghulit siya sa mga nasyon, tinubod sa bilog na kinaban, dinara sa kamurawayan.

1 Timoteo 6:15

Sa tamang panahon, ihahayag siya nin Dios—an Dios na banal saka iyo sanang Kagsakop, Hade nin mga hade, asin Kagurangnan nin mga kagurangnan.

2 Timoteo 2:8

Giromdoma si Jesu-Cristo na binuhay liwat sa mga gadan, gikan ki David. Iyan an Marahay na Bareta na ipinaghuhulit ko.

Hebreyo 7:24

Alagad huli ta si Jesus nabubuhay sagkod lamang, an saiyang pagkapadi yaon saiya sagkod pa man.

1 Juan 5:20

Aram man nyato na an Aki nin Dios nagdigdi saka nagtao sato nin pakasabot, nganing mamidbidan ta an totoong Dios. Yaon kita sa totoong Dios, sa saiyang Aki na si Jesu-Cristo. Iyo ini an totoong Dios, asin an buhay na daing kataposan.

Kapahayagan 1:18

an Nabubuhay! Nagadan ako, alagad ngunyan, buhay ako sagkod pa man. May kapangyarihan ako sa kagadanan asin sa Hades.

Kapahayagan 22:16

“Ako, si Jesus, an nagsugo kan sakong anghel na magpahayag kan mga bagay na ini saindo sa mga simbahan. Gikan ako sa pamilya ni David; ako an maliwanag na bitoon na makaaga.”

Kapahayagan 22:20

An nagsasaksi kan gabos na ini nagsasabi, “Totoo nanggad! Madali na akong umabot!” Mangyari logod iyan. Madya na, Kagurangnan na Jesus!

Kapahayagan 5:14

An apat na buhay na linalang nagsimbag, “Amen!” Dangan an mga kamagurangan nagdapa saka nagsamba saiya.