Roma 9:4 - Marahay na Bareta Biblia

⁴ Sinda an mga Israelita; ginibo niya sindang mga aki niya asin ipinahayag sainda an saiyang kamurawayan. Nakipagtipan siya sainda; itinao niya sainda an Katogonan. Yaon sainda an tunay na pagsamba; inako ninda an mga panuga nin Dios.

Roma 9:4 ပူးပေါင်းရင်းမြစ်များ

Genesis 15:18

Sa oras na idto nakipagtipan an Kagurangnan ki Abram asin nagtaram, “Nanunuga ako na itatao ko sa saimong mga kapagarakian an bilog na dagang ini, magpoon sa Egipto sagkod sa Salog nin Eufrates,

Genesis 17:10

Ini an sakong tipan na ootobon mo asin kan saimong mga kapagarakian: kaipuhan na serkomsisyonon an gabos na lalaki sa saindo.

Genesis 17:2

Makikipagtipan ako saimo asin tatawan taka nin dakul na kapagarakian.”

Genesis 17:7

“Ootobon ko an panuga ko saimo asin sa saimong mga kapagarakian sa mga maabot na henerasyon bilang sarong daing kataposan na tipan. Ako an magigin Dios mo asin kan saimong mga kapagarakian.

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

1 Mga Hade 8:11

kaya an mga padi dai nakatagal sa paglingkod sa laog kan Templo. Napano an Templo kan kamurawayan nin Kagurangnan.

Nehemias 13:29

Giromdoma, Dios ko, kun paano dinigtaan kan mga tawong idto an katongdan nin pagkapadi asin an tipan na ginibo mo sa mga padi saka sa mga Levita.

Salmo 147:19

An saiyang tataramon ipinapahayag niya ki Jacob, ki Israel an saiyang mga togon asin pagboot.

Salmo 63:2

Magpahiling ka sako sa santwaryo; pahilingan sako an saimong kapangyarihan asin kamurawayan.

Salmo 73:1

Marahayon nanggad an Dios sa mga matanos, sa mga tawong malinig an puso.

Salmo 78:61

Itinugot niyang masakop kan satong mga kaiwal an Kaban nin Tipan, an tanda kan saiyang kapangyarihan asin kamurawayan.

Salmo 89:3

Ika nagtaram, “Ako nakipagtipan sa tawong sakong pinili; ako nanuga ki David na sakong sorogoon:

Salmo 89:34

Dai ko lalapason an sakong tipan, o liliwaton an tataramon na nagluwas sa sakong ngoso.

Salmo 90:16

An saimong mga gibo ipahiling mo sa saimong mga sorogoon; an saimong kapangyarihan ipahiling mo sa samong kapagarakian.

Exodo 12:25

Ipagpadagos nindo an paggibo kaini kun yaon na kamo sa dagang ipinanuga saindo nin Kagurangnan.

Exodo 34:27

Nagtaram an Kagurangnan ki Moises, “Isurat mo an mga tataramon na ini huli ta iyo ini an kakosogan kan pakikipagtipan ko saimo asin sa Israel.”

Exodo 4:22

Kaya sabihan mo siyang ako, an Kagurangnan, nagtaram kaini, ‘An Israel iyo an matua kong aking lalaki.

Exodo 40:34

An Tabernakulo tinahoban kan panganoron asin napano iyan kan nakakasulang liwanag nin Kagurangnan.

Isaias 41:8

“Alagad ika, Israel, na sakong sorogoon, ika an banwaan na sakong pinili, an kapagarakian ni Abraham, na sakong katood.

Isaias 46:3

“Dangoga nindo ako, mga kapagarakian ni Jacob, gabos na natada sa sakong banwaan. Inataman ko kamo poon kan kamo mamundag.

Isaias 5:2

Kinalot niya an daga asin hinale an mga gapo, dangan tinanoman nin mga piling balagon. Nagpatindog siya nin sarong bantayan sa tahaw kaiyan, asin naggibo nin kalot na pagpupugaan kan mga ubas. Naghalat siyang maghinog an mga ubas alagad kan ini mahinog, maalsom an lambang saro.

Isaias 60:19

“An aldaw bako na an magigin ilaw mo sa maghapon o an bulan an magliliwanag saimo sa bilog na banggi. Ako, an Kagurangnan, an saimong magigin liwanag sagkod lamang; an liwanag nin sakong kamurawayan iyo an magigin ilaw mo.

Jeremias 31:20

“Israel, ika an aki kong namomotan, an aki na sakong nawiwilihan. Kun nasasambit ko an saimong ngaran, ginigiromdom taka na may pagkamoot. Hinihidaw taka kaya maheherakan taka.

Jeremias 31:33

Siring kaini an gigibohon kong tipan sa mga taga Israel: Ibubugtak ko an sakong togon sa saindang isip saka isusurat ko iyan sa saindang puso. Ako an magigin Dios ninda, asin sinda an magigin banwaan ko.

Jeremias 31:9

Nagtatangis na mabalik an sakong banwaan; namimibi mantang sakong pinapangenotan. Dadarahon ko sinda sa mga sapang may tubig, sa sarong patag na agihan tanganing dai sinda madapa. Huli ta saro akong ama para ki Israel asin si Efraim an aki kong matua.”

Ezekiel 1:28

na igwa kan gabos na kolor kan bulalangaw. Iyo ini an nakakasulang liwanag na nagpapahiling kan kamurawayan nin Kagurangnan.

Oseas 11:1

Nagsasabi an Kagurangnan, “Kan an Israel aki pa, namotan ko siya, asin bilang aki kong lalaki inapod ko siya paluwas sa Egipto.

Mga Bilang 7:89

Kan maglaog si Moises sa Tabernakulo tanganing makipag-olay sa Kagurangnan, nadangog niya an Kagurangnan na nagtataram saiya hale sa ibabaw kan takop kan Kaban nin Tipan, sa tahaw kan duwang kerubin na nasa ibabaw kan Kaban nin Tipan.

Mateo 21:33

“Dangoga nindo an saro pang parabola,” an sabi ni Jesus. “Igwa nin sarong kagsadiri nin daga na nagtanom sa saiyang ubasan; kinudal niya iyan, saka naggibo nin gilingan nin ubas. Nagtugdok pa siya nin sarong bantayan. Dangan ipinaataman niya an ubasan na ini sa mga tumatawo asin nagduman siya sa ibang lugar.

Juan 1:17

An Katogonan itinao nin Dios sa paagi ni Moises, alagad an biyaya asin katotoohan nag-abot sa paagi ni Jesu-Cristo.

Juan 1:47

Nahiling ni Jesus si Natanael na nagdadangadang, asin nagsabi siya, “Uya an tunay na Israelita na mayo nin pagsagin-sagin!”

Mga Gibo 2:39

Huli ta para saindo an panugang ini nin Dios, saka sa mga aki nindo asin para sa mga nasa harayo—sa gabos na inaapod kan Kagurangnan tang Dios.”

Roma 3:2

Kadakul! Enot, sa mga Judio ipinaniwala nin Dios an saiyang mensahe.

Roma 8:15

Huli ta dai nindo inako an espiritu nin kaoripnan tanganing matakot giraray kamo, kundi inako nindo an espiritu nin pagigin aki nin Dios, dangan sa paagi kan kapangyarihan kan Espiritu nin Dios, makakaapod kita saiya, “Ama, Ama ko!”

Roma 9:6

Alagad dai ko sinasabi na an panuga nin Dios dai naotob; huli ta bakong gabos na gikan ki Israel kabilang sa banwaan nin Dios.

2 Corinto 11:22

Mga Hebreyo sinda? Iyo man ako. Mga Israelita sinda? Iyo man ako. Kapagarakian sinda ni Abraham? Iyo man ako.

Galacia 3:16

Ngunyan, an Dios nanuga ki Abraham, saka sa saro kan saiyang kapagarakian. Dai sinabi sa kasuratan, “asin sa saiyang mga aki,” na an boot sabihon, sa dakul na tawo. An sinabi, “asin sa saiyang aki,” na an kahulogan saro sanang tawo, na iyo si Cristo.

Efeso 2:12

Giromdomon nindo na kan panahon na idto, suhay kamo ki Cristo, mga dayuhan saka bakong kaayon sa banwaan na pinili nin Dios. Mayo kamong kabtang kaidto sa mga tipan asin mga panuga nin Dios. Namuhay kamo sa kinaban na ini na mayong paglaom asin mayong Dios.

Deuteronomio 14:1

“Kamo an banwaan nin Kagurangnan na saindong Dios. Kaya kun kamo magmondo para sa gadan, dai nindo paglugadan an saindong hawak o pag-arisan an saindong angog siring kan ginigibo nin iba.

Deuteronomio 29:1

Iyo ini an mga tataramon kan tipan na ipinagboot nin Kagurangnan ki Moises na gibohon sa mga Israelita sa daga nin Moab; kadagdagan an mga ini sa tipan na ginibo nin Kagurangnan sainda duman sa Bukid nin Sinai.

Deuteronomio 29:14

Nakikipagtipan an Kagurangnan bako sana sa saindo na yaon digdi.

Deuteronomio 31:16

Dangan nagtaram an Kagurangnan ki Moises, “Madali ka nang magadan; pagkagadan mo, masamba an banwaan na ini sa mga dios-dios sa dagang lalaogon ninda. Tatalikodan ninda ako asin lalapason an tipan na ginibo ko sainda.

Deuteronomio 4:13

Ipinahayag niya saindo an saiyang tipan, na ipinagboot niyang otobon nindo, an Sampolong Togon na isinurat niya sa duwang tablang gapo.

Deuteronomio 7:6

Gibohon nindo iyan huli ta sadiri kamo nin Kagurangnan na saindong Dios. Hale sa gabos na banwaan sa kinaban, pinili niya kamo na magin saiyang sadiring banwaan.

Hebreyo 9:1

An enot na tipan igwang mga pagsusundon sa pagsamba, asin igwa nin sarong santwaryo na gibo nin tawo.

Hebreyo 9:10

An gibo nindang iyan manonongod sana sa kakanon, inomon, saka manlaen-laen na rito nin paglinig, na gabos sana para sa hawak asin mahalaga sana sagkod na dai pa ibinubugtak nin Dios an sarong bagong sistema.

Hebreyo 9:3

Nasa likod kan ikaduwang kurtina an ikaduwang kabtang na inapod Kabanal-banaleng Lugar.

Hebreyo 9:5

Sa ibabaw kan kaban iyo an mga kerubin, na nagpapamidbid na yaon duman an Dios. Unat an mga pakpak ninda na nakatahob sa takop. Alagad bako ngunyan an panahon sa pagpaliwanag kan mga bagay na ini.

Hebreyo 9:6

Arog kaiyan an pagkakahusay kan mga bagay na nasambit. Aroaldaw, an mga padi minalaog sa enot na kabtang kan tolda sa pag-otob kan saindang mga katongdan.