Roma 9:3 - Marahay na Bareta Biblia

³ para sa mga tugang ko, an mga karasa ko. Mawot ko pang maldisyonon ako nin Dios asin isuhay ki Cristo para sainda.

Roma 9:3 ပူးပေါင်းရင်းမြစ်များ

Genesis 29:14

asin nagsabi ini, “Tunay nanggad na laman ka nin sakong laman asin dugo nin sakong dugo.” Duman na nag-erok si Jacob sa laog nin sarong bulan.

2 Samuel 18:33

Inabotan nin makuring kamondoan an hade. Nagsakat siya sa kwartong nasa itaas kan trangkahan asin naghibi. Mantang naglalakaw siya, nasasambit niya an, “O aki ko! Aki kong Absalom, aki ko! Ako na kuta an nagadan embes na ika, aki ko! Absalom, aki ko!”

Esther 8:6

Huli ta paano ko matatagalan an paghiling sa kasakitan na maabot sa sakong banwaan? Paano ko matatagalan an paghiling kan pagkatunaw kan sadiri kong mga kadugo?”

Exodo 32:32

Nakikimaherak ako na patawadon mo sinda kan saindang mga kasalan; alagad kun dai mo sinda mapapatawad, paraon mo na man an sakong ngaran sa libro na sinuratan mo kan mga ngaran kan saimong banwaan.”

Mga Gibo 13:26

“Mga tugang, mga kapagarakian ni Abraham asin kamong mga may pakatakot sa Dios, sa sato ipinadara an mensaheng ini nin kaligtasan!

Mga Gibo 22:5

Makakapagsaksi an Halangkaw na Padi saka an bilog na Konseho na totoo ining sinasabi ko. Tinawan ninda ako nin surat para sa mga tugang na Judio duman sa Damasco. Kaya nagduman ako nganing dakopon an mga paratubod dangan darahon digdi sa Jerusalem nganing padusahan.

Mga Gibo 28:21

Nagsabi sinda saiya, “Mayong surat na nag-abot samo hale sa Judea dapit saimo. An mga tugang na nagdigdi dai nagbareta dapit saimo o nagsabi nin maraot tumang saimo.

Roma 1:3

An Marahay na Baretang iyan manongod sa saiyang Aki, an Kagurangnan tang Jesu-Cristo. Bilang tawo, si David an saiyang ginikanan

Roma 11:1

Kaya ini an hapot ko: Isinikwal na daw nin Dios an sadiri niyang banwaan? Dai! Israelita man ako; si Abraham an sakong ginikanan asin kabilang ako sa tribu ni Benjamin.

Roma 11:14

tanganing mapaimon ko an kapwa ko Judio asin ikaligtas ko an iba sainda.

Roma 16:11

Ikomusta nindo ako ki Herodion na kapwa ko Judio, saka sa pamilya ni Narciso na nagtutubod sa Kagurangnan.

Roma 16:21

Ipinapakomusta kamo diyan ni Timoteo na kaiba ko sa paglingkod, siring man ni Lucio, ni Jason, asin ni Sosipater, na mga kapwa ko Judio.

Roma 16:7

Komusta man ki Andronico asin ki Junias, mga kapwa ko Judio na nabilanggo kaiba ko; midbid sindang marahay kan mga apostol, asin enot sinda sako na nagtubod ki Cristo.

Roma 9:2

kun nagsasabi ako na makuring gayo an kamondoan ko asin mayong kataposan an kulog sa puso ko

1 Corinto 12:3

Kaya boot kong maaraman nindo na mayo nin siisay man na nagtataram sa kapangyarihan kan Espiritu Santo na makakasabi, “Maldisyonon si Jesus!” Mayo man nin makakasabi, “Si Jesus an Kagurangnan!” kun dai siya ginigiyahan kan Espiritu Santo.

1 Corinto 16:22

An siisay man na dai namomoot sa Kagurangnan, maldisyonon man logod! Maranatha—madya, samong Kagurangnan!

2 Corinto 12:15

Ikakaogma kong uboson an gabos kong pagsadiri, sagkod na idusay an buhay ko, tanganing matabangan ko an saindong kalag. Magluya daw logod an pagkamoot nindo sako huli ta orog ko kamong namomotan?

Galacia 1:8

Maski kami, o sarong anghel na hale sa langit an maghulit saindo nin marahay na bareta na laen man kan ipinaghulit mi na saindo, mapa impyerno logod siya!

Galacia 1:9

Sinabi mi na ini kaidto, alagad ngunyan sinasabi ko giraray: kun igwa nin maghulit saindo nin marahay na bareta na laen man kan Marahay na Baretang inako nindo, mapa impyerno logod siya!

Galacia 3:10

An mga nagsasarig sa pagkuyog kan Katogonan nasa pag-alaman nin maldisyon. Huli ta nasusurat, “An siisay man na dai naggigibo kan gabos na nasusurat sa libro kan Katogonan nasa pag-alaman nin maldisyon!”

Galacia 3:13

Ilinigtas kita ni Cristo sa maldisyon na dara kan Katogonan. Siya an minaldisyon embes na kita, huli ta nasusurat, “An siisay man na binitay sa kahoy minaldisyon.”

Efeso 6:5

Mga oripon, kuyogon nindo an saindong mga kagurangnan digdi sa daga, na may paggalang, pagkatakot asin kaimbodan nin puso, na garo si Cristo an pinaglilingkodan nindo.

Deuteronomio 21:23

dai iyan dapat pagpaagahan. Kaipuhan ilubong an bangkay sa aldaw man sanang iyan, huli ta an bangkay na nabibitay sa kahoy nagdadara sa daga kan maldisyon nin Dios. Ilubong nindo an bangkay tanganing dai madigtaan an daga na itatao saindo nin Kagurangnan na saindong Dios.

1 Samuel 14:24

Maluluya na an mga Israelita kan aldaw na idto, huli ta nagboot si Saul: “Maldisyonon an siisay man na magkakan nin ano man sa aldaw na ini bago ako makabalos sa sakong mga kaiwal.” Kaya mayo nin siisay man na nagkakan kan aldaw na idto.

1 Samuel 14:44

Sinabihan ni Saul si Jonatan, “Gadanon logod ako nin Dios, kun dai taka ipagadan.”