Roma 9:29 - Marahay na Bareta Biblia

²⁹ Siring kaini an sinabi ni Isaias kaidto, “Kun an Kagurangnan nin mga hukbo dai nagwalat sato nin nagkapirang kapagarakian, kutana nagin arog kita sa mga syudad nin Sodoma saka Gomorra.”

Roma 9:29 ပူးပေါင်းရင်းမြစ်များ

Isaias 1:10

Jerusalem, an saimong mga pamayo asin banwaan nakakaarog sa taga Sodoma saka Gomorra. Dangoga an itinataram saimo nin Kagurangnan. Hinanyoga an itinutukdo saimo kan saimong Dios.

Isaias 1:9

Kun an Kagurangnan nin mga hukbo dai nagwalat sato nin dikit na tawo, nakaarog kutana kita sa Sodoma, asin nagin siring sa Gomorra.

Isaias 13:19

An Babilonia iyo an pinakamagayon sa gabos na kahadean; iyan an orgulyo kan saiyang mga namamanwaan. Alagad ako, an Kagurangnan, an marumpag sa Babilonia siring kan ginibo ko sa Sodoma asin sa Gomorra.

Isaias 6:13

Maski mawalat an saro sa sampolo katawo, magagadan man siya; makakaarog siya sa pungo kan pinulak na hamurawon.” (An pungo iyo an tanda kan bagong kapinonan para sa banwaan nin Dios.)

Jeremias 49:18

Mangyayari sa Edom an siring kan nangyari sa Sodoma saka sa Gomorra kan rumpagon an mga ini saka an kataraed na mga banwa. Mayo na nanggad nin mag-eerok duman. Ako, an Kagurangnan, an nagtaram.

Jeremias 50:40

An nangyari sa Sodoma saka sa Gomorra kan raoton ko an mga syudad na iyan asin an mga kataraed na mga banwa, mangyayari man sa Babilon. Mayo na nin tawong mag-eerok duman sagkod lamang. Ako, an Kagurangnan, an nagtaram.

Mga Panambitan 3:22

Mayo nin kataposan an pagkamoot asin an pagkaherak nin Kagurangnan,

Mga Panambitan 4:6

Mas orog an padusa sa sakong banwaan ki sa padusa sa mga taga Sodoma, na bigla sanang buminagsak huli kan kapangyarihan nin Dios.

Amos 4:11

“Tinunaw ko an iba sa saindo arog kan ginibo kong pagtunaw sa Sodoma saka sa Gomorra. An mga natada sa saindo nakaarog sa naglalaad na sanga na kinua sa kalayo, alagad dai man giraray kamo nagbalik sa sako,” an sabi nin Kagurangnan.

Sofonias 2:6

An saindong daga sa tampi kan dagat magigin mga pasabsaban, asin magigin erokan iyan kan mga pastor saka laoman kan mga karnero.

Deuteronomio 29:23

Magigin alang asin tutong an kaomahan na natatambonan nin asupre saka asin; dai iyan tatanoman asin dai tataluboan nin ano man maski kan doot. An saindong daga magigin siring sa mga syudad nin Sodoma saka Gomorra, nin Adma asin Zeboiim, na tinunaw nin Kagurangnan kan siya maanggot nin marahay.

Santiago 5:4

Dai nindo binayadan an mga nagtatrabaho sa saindong mga oma. Dangoga nindo an saindang mga reklamo! An mga kinurahaw ninda nadangog nin Dios, an Kagurangnan nin mga hukbo.

2 Pedro 2:6

Pinadusahan man nin Dios na magin abo an mga syudad nin Sodoma saka Gomorra nganing ipahiling an mangyayari ngapit sa mga tawong maraot.

Judas 1:7

Giromdoma nindo an Sodoma saka an Gomorra asin an mga kataed na syudad, na naggibo man nin karigsokan saka kadustaan, kaya pinadusahan sa paagi nin kalayong daing kataposan. Ini sarong patanid sa gabos.