Roma 9:25 - Marahay na Bareta Biblia

²⁵ Ini an sinabi niya sa libro ni Oseas: “An banwaan na bako kong sadiri, aapodon kong ‘banwaan ko’; an nasyon na dai ko namotan kaidto, aapodon kong ‘sakong namomotan.’

Roma 9:25 ပူးပေါင်းရင်းမြစ်များ

2 Samuel 7:24

An Israel ginibo mong saimong sadiring banwaan sagkod pa man, asin ika, Kagurangnan, iyo an nagin saindang Dios.

Ezekiel 16:8

“Pag-agi ko giraray, nahiling kong panahon na tanganing mamoot ka. Tinahoban ko kan sakong alikboy an huba mong hawak, saka nanuga akong mamomotan taka. Nakipagtipan ako saimo kaya nagin sadiri taka.” Ini an tataramon nin Kagurangnan Dios.

Oseas 2:23

Papadanayon ko an sakong banwaan sa daga asin papauswagon ko sinda. Ipapahiling ko an pagkamoot sa mga inapod “Dai Namotan,” asin sa mga nginaranan “Bako Kong Banwaan.” Masabi akong, “Kamo an sakong banwaan,” asin masimbag sindang, “Ika an samong Dios.”

Juan 16:27

huli ta namomotan kamo kan Ama. Namomotan niya kamo huli ta namomotan nindo ako asin minatubod kamo na gikan ako sa Ama.

Roma 1:7

Kaya sinusuratan ko kamo gabos diyan sa Roma na namomotan nin Dios saka pinili niyang magin banal: Mapasaindo an biyaya asin katoninongan na hale sa satong Dios Ama asin sa Kagurangnan na Jesu-Cristo.

1 Pedro 2:10

Kaidto bako kamong banwaan nin Dios, alagad ngunyan banwaan na niya kamo. Kaidto dai nindo nakamtan an pagkaherak nin Dios, alagad ngunyan nakamtan na nindo an saiyang pagkaherak.