Roma 9:22 - Marahay na Bareta Biblia

²² Siring man kaiyan an ginibo nin Dios. Boot niyang ipahiling an saiyang kaanggotan saka ipahayag an saiyang kapangyarihan. Alagad tinios niya an mga tawong nagpaanggot saiya na maninigong tunawon.

Roma 9:22 ပူးပေါင်းရင်းမြစ်များ

Genesis 15:16

Apat na henerasyon pa an maagi bago makabalik digdi an saimong kapagarakian huli ta dai ko papahaleon an mga Amoreo sagkod na dai pa nagsobra an saindang karatan kaya kaipuhan nang padusahan sinda.”

Salmo 90:11

Siisay an nakakasabot kan makuri mong kaanggotan? Siisay an nakakaaram kan takot na dara kan saimong kaanggotan?

Exodo 9:16

Alagad binuhay taka tanganing ipahiling saimo an sakong kapangyarihan, asin tanganing makalakop sa bilog na kinaban an sakuyang ngaran.

Mga Talinhaga 16:4

An gabos na ginibo nin Kagurangnan igwa nin katuyohan; asin an kataposan kan maraot iyo an kapahamakan.

Mga Panambitan 3:22

Mayo nin kataposan an pagkamoot asin an pagkaherak nin Kagurangnan,

Mga Bilang 14:11

Tinaraman nin Kagurangnan si Moises, “Sagkod nuarin ako isisikwal kan mga tawong ini? Sagkod nuarin sinda dai matubod sako minsan pinahilingan ko na sinda nin mga milagro?

Mga Bilang 14:18

‘Ako, an Kagurangnan, dai tolos naaanggot saka dakula sa pagkamoot, nagpapatawad kan kasalan patin kasombikalan. Alagad papadusahan ko an mga aki asin makoapo sagkod sa ikatolo patin ikaapat na henerasyon huli kan mga kasalan kan saindang mga magurang.’

Roma 1:18

Hale sa langit nahahayag an kaanggotan nin Dios sa mga tawong naggigibo nin karatan asin katampalasan, huli ta an katotoohan tinatahoban kan maraot nindang mga gibo.

Roma 9:17

Huli ta nasa kasuratan an sinabi niya sa hade nin Egipto, “Ginibo takang hade tanganing sa paagi mo, ikapahiling ko an sakong kapangyarihan saka ikapahayag an ngaran ko sa bilog na kinaban.”

Roma 9:20

Alagad siisay ka man na makikisimbagan sa Dios? Nakakahapot daw an dalipay na koron sa tawong naggibo saiya, “Tadaw ta ginibo mo akong siring kaini?”

Roma 9:21

An paragibo nin koron makakapagboot kun ano an boot niyang gibohon sa laboy; makakagibo siya nin duwang klaseng koron: an saro para sa espesyal na okasyon, an saro para sa aroaldaw na gamit.

1 Tesalonica 2:16

Hiningowa pa nindang paontokon kami sa paghulit sa mga pagano kan mensahe na magliligtas sa mga ini. Huli kaini uminabot na sa kasagkoran an gabos na kasalan na danay nindang ginigibo. Kaya ngunyan uminabot na an kaanggotan nin Dios sainda.

1 Tesalonica 5:9

Dai kita pinili nin Dios tanganing magdusa sa saiyang kaanggotan kundi tanganing magkamit kan kaligtasan sa paagi ni Cristo Jesus na satong Kagurangnan.

2 Timoteo 2:20

Sa sarong dakulang harong igwa nin gabos na klaseng plato saka mangko. An iba gibo sa bulawan o plata, an iba gibo sa kahoy o laboy. An iba ginagamit para sa mga espesyal na okasyon, an iba para sa aroaldaw na gamit.

1 Pedro 2:8

Nasasabi pa sa kasuratan, “Iyo ini an gapong masisingkogan nin mga tawo, an gapong makakapatumba sainda.” Nasingkog sinda huli ta dai sinda nagtubod sa tataramon nin Dios; iyo ini an itinalaga para sainda.

1 Pedro 3:20

Ini an mga kalag kan mga dai nagkuyog kaidtong panahon ni Noe, kan an Dios nagparahalat sainda mantang ginigibo ni Noe an arka. Dikit sana an tawo—walo katawo gabos an nakaligtas sa paagi kan tubig.

2 Pedro 2:3

Huli sa saindang kapasloan, dadayaon ninda kamo sa paagi nin putik na katukdoan; alagad haloy nang andam an hatol sa sainda asin an magadan sainda dai nagtotorog!

2 Pedro 2:9

Kaya an Kagurangnan tataong magligtas kan mga tawong diosnon sa mga pagbalo sainda, dangan tataong magpadusa sa mga maraot na tawo sagkod sa Aldaw nin Paghukom.

2 Pedro 3:15

Giromdoma nindo na an pagkamatinios nin Kagurangnan sarong oportunidad na itinatao saindo nganing makaligtas kamo, siring kan isinurat saindo ni Pablo na satong namomotan na tugang, sosog sa kadonongan na itinao saiya nin Dios.

Judas 1:4

Huli ta may nagkapirang tawo na dai nagtutubod sa Dios an hilom na nakaayon sato, mga tawo na kaidto pa nakatalaan nang hukoman, mga mayong dios na ginigibong karompotan an biyaya nin satuyang Dios, asin isinisikwal ninda si Jesu-Cristo, an iyo sanang Kagrogaring saka Kagurangnan ta.