Roma 9:21 - Marahay na Bareta Biblia

²¹ An paragibo nin koron makakapagboot kun ano an boot niyang gibohon sa laboy; makakagibo siya nin duwang klaseng koron: an saro para sa espesyal na okasyon, an saro para sa aroaldaw na gamit.

Roma 9:21 ပူးပေါင်းရင်းမြစ်များ

Mga Talinhaga 16:4

An gabos na ginibo nin Kagurangnan igwa nin katuyohan; asin an kataposan kan maraot iyo an kapahamakan.

Isaias 10:15

Alagad nagtataram an Kagurangnan, “Makasabi daw an patok na mas dakula siya ki sa tawong naggagamit kaiyan? Mas dakula daw an lagadi ki sa tawong naggagamit kaiyan? Dai man binubuhat kan pamakol an tawo; an tawo an minabuhat kan pamakol.”

Isaias 45:9

Herak man sa nakikipasuhay sa kaggibo saiya, an sarong koron sa paragibo nin koron! Minahapot daw an laboy sa paragibo nin koron kun ano an ginigibo kaini? Minareklamo daw an koron na dai tatao an naggibo saiya?

Isaias 64:8

Alagad ika an samong ama, Kagurangnan. Garo kami laboy, asin arog ka sa paragibo nin koron. Ika an naglalang samo,

Jeremias 22:28

Nagsabi ako, “Arog daw sa sarong pasang tapayan, na isinikwal, itinapok saka dai nagustohan nin siisay man si Hadeng Jehoiakin? Tadaw ta itinapok siya saka an saiyang mga aki sa sarong daga na dai ninda aram?”

Oseas 8:8

Nakaarog na an Israel sa ibang nasyon asin mayo na siya nin halaga siring sa sarong pasang koron.

Mga Gibo 9:15

Sinabihan siya nin Kagurangnan, “Dumuman ka, huli ta pinili ko siyang maglingkod sako, tanganing ipamidbid niya an sakong ngaran sa mga pagano, sa mga hade saka sa mga Israelita.

Roma 9:11

Alagad tanganing an pagpili kan sarong aki magin sosog mananggad sa sadiring katuyohan nin Dios, nagsabi an Dios ki Rebeca, “An matua malingkod sa ngohod.” Sinabi niya ini bago pa sinda magkamurundag asin bago sinda makagibo nin anoman, marahay man o maraot; kaya an pagpili nin Dios huli sa saiyang pag-apod, bakong sa anoman na saindang ginibo.

Roma 9:18

Kaya maheherakan niya an boot niyang maherakan; papatagason niya an puso kan boot niyang patagason.

Roma 9:20

Alagad siisay ka man na makikisimbagan sa Dios? Nakakahapot daw an dalipay na koron sa tawong naggibo saiya, “Tadaw ta ginibo mo akong siring kaini?”