Roma 9:20 - Marahay na Bareta Biblia

²⁰ Alagad siisay ka man na makikisimbagan sa Dios? Nakakahapot daw an dalipay na koron sa tawong naggibo saiya, “Tadaw ta ginibo mo akong siring kaini?”

Roma 9:20 ပူးပေါင်းရင်းမြစ်များ

2 Samuel 16:10

Sinabihan kan hade si Abisai asin an tugang niyang si Joab, “Dai kamo makilabot digdi. Kun maldisyonon niya ako huli ta sinabihan siya nin Kagurangnan, siisay an may deretsong maghapot kun tadaw ta ginigibo niya iyan?”

An Libro ni Job 16:3

Dai pa daw kamo maontok sa pagtaram? Kaipuhan daw na saindo maghale an huring tataramon?

An Libro ni Job 33:13

Tadaw ta nakikipasuhay ka saiya sa pagsabing, ‘Dai niya sisimbagon an arin man sa sakong tataramon?’

An Libro ni Job 36:23

Siisay an nagtalaga para sa saiya kan saiyang dalan, o siisay an makakasabi, ‘Guminibo ka nin karatan’?

An Libro ni Job 40:2

“Job, inagyat mo an Makakamhan na Dios; maontok ka na o masimbag pa?”

An Libro ni Job 40:5

Ikinataram ko na an labi pa sa dapat kong sabihon.”

An Libro ni Job 40:8

Boot mong patunayan na bako akong matanos— tanganing ipahiling na ako nasasala asin ika an nasa tama?

An Libro ni Job 9:32

Huli ta an Dios bakong tawong arog sako, na pwede kong simbagon, na pwede kong darahon sa hukoman.

Isaias 10:15

Alagad nagtataram an Kagurangnan, “Makasabi daw an patok na mas dakula siya ki sa tawong naggagamit kaiyan? Mas dakula daw an lagadi ki sa tawong naggagamit kaiyan? Dai man binubuhat kan pamakol an tawo; an tawo an minabuhat kan pamakol.”

Isaias 29:16

Binabalintong ninda an gabos. Arin an orog na mahalaga, an paragibo nin koron o an laboy? Makakataram daw sa tawong kaggibo saiya an anoman asin magsabing, “Bakong ika an naggibo sako”? O pwede daw magsabi iyan saiya nin, “Dai ka tatao kan saimong ginigibo”?

Isaias 64:8

Alagad ika an samong ama, Kagurangnan. Garo kami laboy, asin arog ka sa paragibo nin koron. Ika an naglalang samo,

Jeremias 18:6

“Dai ko daw magigibo saindo, mga taga Israel, an ginibo sa laboy kan paragibo nin koron? Nasa kamot ko kamo, arog kan laboy sa kamot kan paragibo nin koron.

Daniel 4:35

An mga tawo sa daga hinihiling niya na mayo nin halaga; an mga anghel sa langit saka an mga tawo sa daga nasa irarom kan saiyang kabotan. Mayo nin makakasalungat kan saiyang kabotan o makakahapot saiya nin, ‘Ano an ginigibo mo?’

Mikas 6:8

Dai, sinabihan na kita nin Kagurangnan kun ano an marahay. An hinahagad niya sato iyo ini: an paggibo kan matanos, an danay na mamoot, asin an mamuhay na mapakumbaba sa kaibahan nin satong Dios.

Mateo 20:15

Dai daw ako makapagboot kan boot kong gibohon sa sadiri kong kwarta? O naoori ka ta ako matinao?’”

Lukas 12:14

Sinimbag siya ni Jesus, “Lalaki, siisay an naggibo sakong hukom o parahiras kan pagsadiri nindong duwa?”

Roma 14:4

Siisay ka na mahukom sa sorogoon kan iba? An Kagurangnan niya sana an makakasabi kun siya maninigo o bako. Ibibilang siyang maninigo huli ta magigibo iyan saiya kan Kagurangnan.

Roma 2:1

Kaya, katood ko, dawa siisay ka pa, mayo ka nin dahelan na maghukom sa iba. Sa paghukom mo sa iba, kinokondenar mo man an sadiri mo, huli ta ika na naghuhukom minagibo man kan gibo ninda.

Roma 2:3

Naghohona ka katood ko, na makakadulag ka sa paghukom nin Dios kun hukoman mo an naggigibo nin sala, na ginigibo mo man?

Roma 9:21

An paragibo nin koron makakapagboot kun ano an boot niyang gibohon sa laboy; makakagibo siya nin duwang klaseng koron: an saro para sa espesyal na okasyon, an saro para sa aroaldaw na gamit.

Roma 9:22

Siring man kaiyan an ginibo nin Dios. Boot niyang ipahiling an saiyang kaanggotan saka ipahayag an saiyang kapangyarihan. Alagad tinios niya an mga tawong nagpaanggot saiya na maninigong tunawon.

1 Corinto 1:20

Kun siring, ano na an kamugtakan kan mga madonong? o kan mga haralangkaw an inadalan? o kan mga matitibay na paradebate sa panahon na ini? An kadonongan kan kinaban na ini, ginibo nin Dios na kalolongan!

1 Corinto 7:16

Paratubod na babae, paano mo naaaraman na ikakaligtas mo an saimong agom? Paratubod na lalaki, paano mo naaaraman na ikakaligtas mo man an saimong agom?

1 Timoteo 6:5

dangan pasuruhay sa tahaw nin mga tawong dai naggagamit kan saindang mga isip asin dai nakakamidbid kan katotoohan. Naghohona sinda na an relihiyon sarong paagi nin pagpayaman.

2 Timoteo 2:20

Sa sarong dakulang harong igwa nin gabos na klaseng plato saka mangko. An iba gibo sa bulawan o plata, an iba gibo sa kahoy o laboy. An iba ginagamit para sa mga espesyal na okasyon, an iba para sa aroaldaw na gamit.

Tito 2:9

Dapat kuyogon saka paogmahon kan mga oripon an saindang mga kagurangnan sa gabos na bagay. Dai sinda dapat makipagsimbagan

Santiago 2:20

Boot mong maaraman, o tawong lolong, na gadan an pagtubod na mayong gibo?