Roma 8:31 - Marahay na Bareta Biblia

³¹ Ano pa an masasabi ta dapit kaini? Kun an Dios kaapil ta, siisay an makakalaban sato?

Roma 8:31 ပူးပေါင်းရင်းမြစ်များ

Genesis 15:1

Pakatapos kan mga pangyayaring ini, nagtaram an Kagurangnan ki Abram sa sarong bisyon, “Dai ka matakot, Abram. Ako an saimong kalasag; dakula nin marahay an saimong magigin premyo.”

1 Mga Hade 8:57

Ibahan logod kita nin Kagurangnan na satong Dios siring na inibahan niya kaidto an satong mga ginikanan; dai man logod niya kita pagbayaan o pagpabayaan;

2 Mga Hade 6:16

Nagsimbag si Eliseo, “Dai ka matakot huli ta mas dakul kita ki sa sainda.”

1 Mga Cronica 19:15

Kan nahiling kan mga Ammonita na nagdurulag an mga Siro, nagdurulag man sinda ki Abisai asin naglaog sa saindang syudad. Kaya, nagbalik si Joab sa Jerusalem.

1 Mga Cronica 5:22

Ginadan ninda an kadaklan sa mga kaiwal, huli ta pagboot nin Dios an gera. Padagos sindang nag-erok sa teritoryong idto sagkod kan panahon kan pagtapokan sainda.

Salmo 118:6

An Kagurangnan kaapil ko, dai ako matatakot; ano an magigibo nin tawo laban sako?

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 46:7

An Makakamhan na Kagurangnan kaibahan nyato; satong pailihan an Dios ni Jacob.

Salmo 56:11

Minasarig ako sa Dios asin dai ako natatakot. Ano an magigibo nin tawo sa sako?

Salmo 56:4

Minasarig ako sa Dios asin dai ako natatakot. Inoomaw ko siya huli kan saiyang panuga. Ano an magigibo nin tawo sa sako?

Salmo 56:9

Sa aldaw na ako mag-apod saimo, magdudurulag an sakong mga kaiwal. Ini an aram ko: na an Dios kaapil ko—

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 54:17

Alagad mayo nin armas na makakakulog saimo; magkakaigwa ka nin kasimbagan sa gabos na mag-akusar saimo. Susurogon ko an sakong mga sorogoon asin tatawan ko sinda nin kapangganahan.” An Kagurangnan an nagtaram.

Isaias 8:10

Maggibo kamo nin mga plano! Alagad dai mangyayari an mga iyan. Mag-orolay kamo sagkod na boot nindo! Alagad an gabos mayo nin halaga, huli ta an Dios nasa sato.

Jeremias 20:11

Alagad ika, Kagurangnan, kasurog taka; makosog ka saka mapangyari; an mga naglalamag sako magkakadarapa. Mawawaran sinda nin onra sagkod lamang huli ta dai sinda manggagana. An pagkawara kan saindang onra dai nanggad malilingawan.

Jeremias 42:11

Dai kamo matakot sa hade nin Babilonia. Kaibahan nindo ako, asin ililigtas ko kamo sa saiyang kapangyarihan.

Mga Bilang 14:9

Dai kamo magtumang sa Kagurangnan. Dai man kamo matakot sa mga nag-eerok duman huli ta madali ta sindang madaog. Kaiba ta an Kagurangnan asin nadaog na niya an mga dios-dios na nagsusurog sainda; kaya dai kamo matakot.”

Mateo 1:23

“Mangingidam an sarong birhen asin mangangaki nin lalaki na aapodon Emmanuel” (na an boot sabihon, “an Dios nasa sato”).

Roma 3:5

Alagad ano an sasabihon ta kun an sala tang gibo iyo mismo an nagpapahayag na tama an Dios? Masabi daw kita na bakong tama an Dios sa pagpadusa sato? (Siring an kaisipan nin tawo.)

Roma 4:1

Ano naman an masasabi ta dapit ki Abraham na ginikanan kan samong rasa?

Deuteronomio 33:29

Paladan ka, O Israel! Mayo nin arog saimo, banwaan na ilinigtas nin Kagurangnan. Siya iyo an kalasag kan saimong tabang, an saimong espada nin kapangganahan. Madolok asin makikimaherak saimo an mga kaiwal, alagad sinda saimong titimaktimakan.

Josue 10:42

Dinaog ni Josue an mga hade duman asin sinakop an saindang mga teritoryo sa laog nin saro sanang pagsalakay, huli ta nakipaglaban para sa mga Israelita an Kagurangnan na Dios nin Israel.

1 Juan 4:4

Alagad sadiri kamo nin Dios, mga aki. Dinaog na nindo an mga bakong tunay na propeta, huli ta an Espiritu na yaon saindo mas mapangyari ki kan espiritu na yaon sa mga tawong sadiri kan kinaban.

1 Samuel 14:6

Sinabihan ni Jonatan an hoben na nagdadara kan saiyang armas, “Magduman kita sa kampo kan bakong sirkomsisyonadong mga Filisteo. Tibaad tabangan kita nin Kagurangnan; kun tabangan niya kita, mayong makakapugol saiya sa pagtao sato nin kapangganahan, maski dikit sana kita.”