Roma 8:14 - Marahay na Bareta Biblia

¹⁴ An gabos na nagsusunod sa Espiritu nin Dios, mga aki nin Dios.

Roma 8:14 ပူးပေါင်းရင်းမြစ်များ

Salmo 143:10

Tukdoe ako na maotob an saimong kabotan, huli ta ika an sakuyang Dios. Pangenotan logod ako kan saimong espiritu sa dalan na patag asin ligtas.

Mga Talinhaga 8:20

Naglalakaw ako sa dalan nin katanosan; sinusunod ko an mga agihan nin hustisya.

Oseas 1:10

An mga taga Israel magigin siring kadakul sa baybay kan dagat, na dai pwedeng takadon o bilangon. Ngunyan sinasabihan sinda nin Dios, “Bako ko na kamong banwaan,” alagad maabot an aldaw na sasabihan niya sinda, “Kamo an mga aki kan Dios na buhay!”

Mateo 5:9

“Paladan an mga parapatoninong huli ta aapodon sindang mga aki nin Dios!

Juan 1:12

Alagad an mga nag-ako saka nagtubod saiya, tinawan niya nin deretso na magin mga aki nin Dios.

Roma 8:19

An gabos na linalang tudok sa puso na naghahalat na ihayag kan Dios an saiyang mga aki.

Roma 8:5

Huli ta an mga namumuhay sosog sa laman, nag-iisip kan mga bagay na sa laman; alagad an mga namumuhay sosog sa Espiritu, nag-iisip kan mga bagay na sa Espiritu.

Roma 8:9

Alagad dai kamo namumuhay sa laman kundi sa Espiritu, kun talagang an Espiritu nin Dios yaon saindo. An siisay man na mayo kan Espiritu ni Cristo bakong sadiri ni Cristo.

Roma 9:26

Sa mismong lugar na pinagsabihan sainda, ‘Bako ko kamong banwaan;’ duman sinda aapodon na ‘mga aki kan buhay na Dios.’”

Roma 9:8

Ini nangangahulogan na bakong an mga aki sa laman an mga aki nin Dios; kundi an mga aking namundag sosog sa panuga, iyo an ibinibilang na tunay na kapagarakian.

2 Corinto 6:18

Ako an magigin ama nindo, kamo an magigin mga aki ko, olay kan Makakamhan na Kagurangnan.”

Galacia 3:26

Huli kan saindong pagtubod ki Cristo Jesus, kamo gabos nagin mga aki nin Dios.

Galacia 4:5

Nagdigdi siya sa pagligtas kan mga nasa irarom kan Katogonan, tanganing magin kitang mga aki nin Dios.

Galacia 4:6

Asin huli ta kamo mga aki niya, sinugo niya an Espiritu kan saiyang Aki sa puso nyato; iyan an minapakurahaw sato nin “Ama! Ama ko!”

Galacia 5:16

Ini an sinasabi ko: mamuhay kamo sa Espiritu; dai nindo pagsunodon an mga kamawotan kan laman.

Galacia 5:18

Kun an Espiritu an nangengenot saindo, dai kamo sakop kan Katogonan.

Efeso 1:5

itinalaga kita nin Dios na magin mga aki niya huli ki Jesu-Cristo; sadiri niyang kabotan iyan saka katuyohan.

Efeso 5:9

huli ta an bunga nin liwanag makukua sa lambang karahayan, katanosan, saka katotoohan.

1 Juan 3:1

Hilingon nindo kun gurano kadakula an pagkamoot nin Dios sa sato, kun kaya inapod kitang mga aki nin Dios, asin iyan totoo. Dai kita midbid kan kinaban nin huli ta bakong midbid kaiyan an Dios.

1 Juan 3:24

An siisay man na nag-ootob kan mga togon nin Dios, yaon sa Dios, asin an Dios yaon saiya. Aram nyato na yaon sato an Dios huli kan Espiritu Santo na itinao niya sato.

Kapahayagan 21:7

An siisay man na manggagana, maako sako kan pamanang ini: ako magigin Dios niya asin siya magigin aki ko.