Roma 7:18 - Marahay na Bareta Biblia

¹⁸ Aram ko na mayong marahay na yaon sako, boot sabihon, sa sakong laman. Huli ta maski boot kong maggibo nin marahay, dai ko iyan nagigibo.

Roma 7:18 ပူးပေါင်းရင်းမြစ်များ

Genesis 6:5

Kan nahiling nin Kagurangnan an kadakulaan kan karatan kan mga tawo sa kinaban asin an karigsokan kan saindang kaisipan sa gabos na panahon,

Genesis 8:21

Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

An Libro ni Job 14:4

Siisay an makakapaluwas nin malinig na bagay hale sa maati? Mayo nin siisay man.

An Libro ni Job 25:4

Paano, kun siring, magigin matanos an sarong tawo sa saiyang atubang? Paano magigin malinig an sarong namundag sa sarong babae?

Salmo 119:173

Magin andam logod an saimong kamot sa pagtabang sako, huli ta pinili ko an mga pagboot mo.

Salmo 119:176

Nalagalag ako siring sa sarong nawawarang karnero; hanapa an saimong sorogoon, huli ta dai ko nalilingawan an saimong katogonan.

Salmo 119:32

Bulahos kong kukuyogon an saimong mga kabotan, huli ta tatawan mo ako nin orog na kadonongan.

Salmo 119:40

Boot kong kuyogon an saimong mga kabotan; sa saimong katanosan tawe ako nin buhay.

Salmo 119:5

Linalaom ko na magigin maimbod ako sa pag-otob kan saimong mga katukdoan!

Salmo 51:5

Uya, namundag ako sa kasombikalan; ipinangidam ako kan sakong ina sa kasalan.

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Mateo 15:19

Huli ta sa puso minagikan an mga maraot na kaisipan, an panggadan, panambay, an paggibo nin mga bagay na imoral, panghabon, pagputik asin pagpakaraot sa iba.

Lukas 11:13

Kun kamo nganing mga maraot, tataong magtao nin marahay na mga bagay sa saindong mga aki, an Ama pa daw nindong langitnon an dai magtao kan Espiritu Santo sa mga naghahagad saiya?”

Juan 3:6

An namumundag sa laman, laman; an namumundag sa Espiritu, espiritu.

Roma 13:14

Isulot nindo an armas na iyo si Jesu-Cristo asin dai nindo pagsunodon an mga kamawotan kan saindong laman.

Roma 7:15

Dai ko nasasabotan kun tadaw ta arog kaini an gibo ko. Dai ko ginigibo an boot kong gibohon kundi idtong ikinakaongis ko.

Roma 7:19

Embes na gibohon ko an marahay na boot ko, an maraot logod na habo ko iyo an ginigibo ko.

Roma 7:25

Salamat sa Dios na nagkalda sako sa paagi ni Jesu-Cristo na satong Kagurangnan! Kaya ini ngunyan an kamugtakan ko: inootob ko an katogonan nin Dios sa isip sana, alagad an sakong laman nagsusunod sa katogonan nin kasalan.

Roma 7:5

Huli ta kan kita nabubuhay pa sosog sa laman, an satong makasalan na mga kamawotan na pinukaw kan Katogonan aktibong marahay sa satuya asin ini nagbubunga nin kagadanan.

Galacia 5:17

Huli ta an mga kamawotan kan laman tumang sa Espiritu; an mga kamawotan kan Espiritu tumang sa laman. Magkasarungat an duwang ini. Kaya dai ta masusunod an boot tang gibohon.

Galacia 5:24

An laman, kaiba kan mga bisyo saka mga kamawotan kaiyan, ipinako na sa krus kan mga tawong sadiri ni Cristo Jesus.

Filipos 2:13

huli ta nagtatrabaho saindo an Dios tanganing mawoton asin gibohon nindo an saiyang katuyohan.

Filipos 3:12

Dai ko sinasabi na nakamtan ko na ini, o na ako mayo na nin kakulangan; kundi padagos akong nagdadalagan tanganing masadirihan ko an premyo, siring na ako nasadirihan ni Cristo Jesus.

Tito 3:3

Huli ta kaidto mga lolong kita, mga masombikal, mga lagalag asin mga oripon kan manlaen-laen na kinabanon na kamawotan asin kawilihan. Namuhay kita kaidto na may maraot na boot asin pagkaara; ikinaongis kita kan ibang mga tawo saka ikinaongis ta man sinda.

1 Pedro 4:2

Poon ngunyan gamiton nindo an natatada pang panahon sa buhay na ini sosog sa kabotan nin Dios, bakong sosog sa mga kamawotan nin laman.