Roma 7:15 - Marahay na Bareta Biblia

¹⁵ Dai ko nasasabotan kun tadaw ta arog kaini an gibo ko. Dai ko ginigibo an boot kong gibohon kundi idtong ikinakaongis ko.

Roma 7:15 ပူးပေါင်းရင်းမြစ်များ

1 Mga Hade 8:46

“Kun magkasala sinda saimo, huli ta mayo nin tawo na dai nagkakasala, asin sa kaanggotan pabayaan mo sindang madaog saka mabihag kan saindang mga kaiwal sa harayo o haraning lugar,

Salmo 1:6

huli ta aram nin Kagurangnan an dalan kan mga matanos, alagad an dalan kan mga maraot mapapahamak.

Salmo 101:3

asin dai ko tutugotan an anoman na maraot. Naoongis ako sa gibo kan mga nagtalikod sa Dios; dai iyan makakaharani sako.

Salmo 119:104

Nakakakua ako nin kadonongan sa saimong mga togon, kaya an lambang maraot na gawe sakong kinaoongisan.

Salmo 119:113

Naoongis ako sa mga tawong bakong maimbod saimo, alagad an saimong katogonan namomotan ko.

Salmo 119:128

Kaya sinusunod ko an gabos mong katukdoan; naoongis ako sa gabos na salang dalan.

Salmo 119:163

Ikinakaongis asin ikinababaldi ko an kaputikan, alagad namomotan ko an saimong katogonan.

Salmo 119:32

Bulahos kong kukuyogon an saimong mga kabotan, huli ta tatawan mo ako nin orog na kadonongan.

Salmo 119:40

Boot kong kuyogon an saimong mga kabotan; sa saimong katanosan tawe ako nin buhay.

Salmo 19:12

Alagad siisay an nakakasabot kan sadiring mga kasalan? Linigi ako sa mga hilom na karatan!

Salmo 36:4

Minamukna siya nin maraot sa saiyang higdaan; mayo na saiya maski anong karahayan, dai siya minasayuma sa anoman na karatan.

Salmo 65:3

huli kan saindang mga kasalan. Nadadaog kami kan samong mga kasalan, alagad pinapatawad mo iyan.

Salmo 97:10

Namomotan nin Kagurangnan an naoongis sa karatan; inaataman niya an buhay kan saiyang mga banal; iliniligtas niya sinda sa kamot kan mga tampalasan.

Mga Talinhaga 13:5

Ikinakaongis kan matanos na tawo an kaputikan, alagad makasosopog saka maraot an mga tataramon kan tampalasan.

Mga Talinhaga 8:13

An pagkatakot sa Kagurangnan iyo an pagkaongis sa karatan; ikinakaongis ko an kapalangkawan asin an kapaabaw-abawan, an mga karatan saka an mga bikong tataramon.

Parahulit 7:20

Sa kinaban, mayo nanggad nin sarong matanos na tawo na danay na naggigibo nin karahayan sa gabos na panahon asin dai nanggad nagkakasala.

Amos 5:15

Kaongisan nindo an maraot, kamotan an tama, asin papagdanayon an hustisya sa mga hukoman; tibaad pa maherakan nin Kagurangnan an mga tawo sa nasyon na ini na nagkakaburuhay pa.

Nahum 1:7

Marahay an Kagurangnan; sinusurog niya an saiyang banwaan sa panahon nin kasakitan; inaataman niya an mga tawong minapaili saiya.

Lukas 11:48

Kaya kamo man sana an nagpapatotoo na oyon kamo sa ginibo kan saindong mga ginikanan; huli ta ginadan ninda an mga propeta dangan kamo an naggibo kan saindang mga pantyon.

Juan 15:15

Dai ko na kamo aapodon na mga sorogoon, huli ta an sorogoon dai nakakaaram kan ginigibo kan saiyang kagurangnan. Aapodon ko kamong mga katood, huli ta sinabi ko saindo an gabos kong nadangog sa sakong Ama.

Roma 12:9

Dapat tunay an pagkaminorootan nindo. Ikaongis nindo an karatan asin magdanay kamo sa karahayan.

Roma 14:22

Ika sana saka an Dios an dapat makaaram kan pagtubod mo dapit sa bagay na ini. Paladan an tawong dai pinagriribok kan saiyang konsyensya huli ta aram niyang tama an ginigibo niya.

Roma 7:16

Ngunyan, kun ginigibo ko an habo kong gibohon, nagpapahiling iyan na oyon ako na an Katogonan tama.

Galacia 5:17

Huli ta an mga kamawotan kan laman tumang sa Espiritu; an mga kamawotan kan Espiritu tumang sa laman. Magkasarungat an duwang ini. Kaya dai ta masusunod an boot tang gibohon.

2 Timoteo 2:19

Alagad masarig an pundasyon na ibinugtak nin Dios, asin nasusurat sa ibabaw kaiyan an mga tataramon na ini: “Midbid nin Kagurangnan an mga tawong sadiri niya” asin, “An siisay man na nag-aapod sa ngaran nin Kagurangnan kaipuhan maglikay sa karatan.”

Hebreyo 1:9

Namomoot ka sa katanosan asin naoongis sa karatan; kaya linahidan ka nin Dios, na saimong Dios, kan lana nin kaogmahan orog ki sa ibang mga hade.”

Santiago 3:2

Kita gabos nakakaginibo nin mga sala. An tawong dai nasasala sa saiyang pagtaram sarong tawong perpekto; nakakapugol man siya kan saiyang bilog na pagkatawo.

Judas 1:23

iligtas nindo an iba sa paagi kan pag-agaw sainda sa kalayo. Siring man maherak kamo sa iba, alagad mag-ingat kamo; kaongisan nindo maski an gubing na nadigtaan kan saindang kadustaan.