Roma 6:5 - Marahay na Bareta Biblia

⁵ Huli ta kun nakisumaro kita ki Cristo sa kagadanan na arog kan kagadanan niya, siring man, makikisumaro kita saiya sa pagkabuhay liwat na arog kan pagkabuhay niya liwat.

Roma 6:5 ပူးပေါင်းရင်းမြစ်များ

Salmo 92:13

Siring sinda sa mga kahoy na itinanom sa harong nin Kagurangnan, nagtatalubo sinda sa mga patyo nin satong Dios,

Isaias 5:2

Kinalot niya an daga asin hinale an mga gapo, dangan tinanoman nin mga piling balagon. Nagpatindog siya nin sarong bantayan sa tahaw kaiyan, asin naggibo nin kalot na pagpupugaan kan mga ubas. Naghalat siyang maghinog an mga ubas alagad kan ini mahinog, maalsom an lambang saro.

Jeremias 2:21

Itinanom taka arog sa sarong piling poon nin ubas na hale sa pinakamarahay na banhi. Tano ta nagin saro kang maraot na tinanom, sarong ubas na mayong halaga?

Mateo 15:13

Nagsimbag si Jesus, “An arin man na tanom na dai itinanom nin sakong Ama sa langit, gagaboton.

Juan 12:24

Sa katotoohan sinasabihan ko kamo, kun an sarong banhi nin trigo dai mahulog sa daga saka magadan, danay na saro sana iyan. Alagad kun iyan magadan, mamumunga iyan nin dakul.

2 Corinto 4:10

Sa gabos na oras dara mi sa samong mga hawak an kagadanan ni Jesus tanganing an saiyang buhay mahayag sa samong mga hawak.

Colosas 2:12

Kan binunyagan kamo, ilinubong kamo kaiba ni Cristo; sa bunyag na iyan binuhay kamo liwat kaiba niya, huli sa pagtubod nindo sa kapangyarihan nin Dios na iyo an nagbuhay liwat ki Cristo.

Colosas 3:1

Binuhay kamo liwat kaiba ni Cristo, kaya hanapon nindo an mga bagay na nasa langit, saen nagtutukaw si Cristo sa saiyang trono sa too nin Dios.