Roma 6:12 - Marahay na Bareta Biblia

¹² Dai na nindo tugotan na maghade an kasalan sa saindong hawak na magagadanon, tanganing dai kamo magkuyog kan mga kamawotan kaiyan.

Roma 6:12 ပူးပေါင်းရင်းမြစ်များ

Genesis 4:7

Kun tama an ginibo mo, inako ko kuta an dolot mo alagad nin huli ta maraot an ginibo mo, an kasalan naghihipa sa saimong pintoan. Gusto kang paghadean kaiyan, alagad kaipuhan daogon mo.”

Salmo 119:133

Siring sa saimong panuga, likayan ako sa pagkapadungkal; hare ako pagpadaogan sa karatan.

Salmo 19:13

Ligtasan man ako, sa mga tuyong kasalan; hare pagtugot na maghade sako an mga iyan. Dangan ako magigin dalisay asin ligtas sa karatan nin kasalan.

Levitico 13:40

Kun an sarong lalaki mawaraan nin buhok sa saiyang payo o sa saiyang angog, kalbo siya o angas, alagad malinig.

Mga Bilang 33:55

Alagad kun dai nindo pahaleon an gabos na nag-eerok sa daga, an matatada magigin garo mga puling sa saindong mga mata asin mga tonok sa saindong mga hirog. Lalabanan ninda kamo sa dagang eerokan nindo.

Roma 13:14

Isulot nindo an armas na iyo si Jesu-Cristo asin dai nindo pagsunodon an mga kamawotan kan saindong laman.

Roma 2:8

Alagad an mga tawo na sadiring karahayan sana an iniisip asin habong magmidbid kan tama, huli ta mas sinusunod ninda an sala, maako kan makuring kaanggotan nin Dios.

Roma 5:21

Kaya siring na an kasalan nagdara nin kagadanan, an biyaya nin Dios nagdara sato, na mga pinangagin matanos, nin buhay na daing kataposan sa paagi ni Jesu-Cristo na satong Kagurangnan.

Roma 6:14

Dai kamo dapat na magpasakop sa kasalan, huli ta bako na kamong nabubuhay sa irarom kan katogonan kundi sa irarom kan biyaya nin Dios.

Roma 6:16

Aram nindo na kun magpaoripon kamo, sakop kamo kan kagurangnan nindo asin an pagboot niya an kinukuyog nindo. Kun sa kasalan kamo magpaoripon, madara iyan saindo sa kagadanan; kun sa pagkamakinuyog-kuyog, madara iyan saindo sa katanosan.

Roma 8:11

Kun nag-eerok saindo an Espiritu nin Dios na iyo an nagbuhay liwat ki Jesus, an Dios man na iyan an matao nin bagong buhay sa saindong mga hawak na magagadanon sa paagi kan saiyang Espiritu na nag-eerok saindo.

Roma 8:13

Huli ta kun namumuhay kamo sosog sa laman, magagadan kamo; alagad kun ginagadan nindo an mga gibo nindong maraot sa tabang nin Espiritu, mabubuhay kamo.

2 Corinto 4:11

Sa bilog ming pagkabuhay, danay kaming nasa pag-alaman nin kagadanan huli ki Jesus, tanganing an saiyang buhay mahayag sa hawak ming ini na may kagadanan.

2 Corinto 5:4

Huli ta mantang yaon pa kita sa hawak tang daganon, nag-aagrangay kita sa kahaditan. Bakong huli ta boot tang mawara an hawak tang daganon, kundi boot tang maribayan na iyan nin hawak na langitnon, tanganing an magagadanon masanglean kan mayo nin kagadanan.

Galacia 5:16

Ini an sinasabi ko: mamuhay kamo sa Espiritu; dai nindo pagsunodon an mga kamawotan kan laman.

Galacia 5:24

An laman, kaiba kan mga bisyo saka mga kamawotan kaiyan, ipinako na sa krus kan mga tawong sadiri ni Cristo Jesus.

Efeso 2:3

Kita gabos arog man sainda kaidto; sinunod ta an mga bisyo kan satong laman, an mga kamawotan kan satong hawak saka isip. Huli kaini, maninigo sato kaidto an makuring padusa nin Dios arog kan iba.

Efeso 4:22

Kaya hubaon na nindo an daan na pagkatawo na pinaraot kan saindong mga marumpot na kamawotan.

Deuteronomio 7:2

Kun itao na sinda nin Kagurangnan sa saindong kamot asin madaog na nindo sinda, kaipuhan gadanon nindo sinda gabos. Dai kamo makipagtipan sainda, asin dai kamo maherak sainda.

1 Tesalonica 4:5

bakong sa karigsokan arog kan mga pagano na dai nakakamidbid sa Dios.

2 Timoteo 2:22

Kaya maglikay ka sa mga kamawotan na sa hoben. Hingowahon mong makamtan an katanosan, pagtubod, pagkamoot, asin katoninongan, kaiba kan mga tawong malinig an puso na naghahagad nin tabang sa Kagurangnan.

Tito 2:12

An biyayang iyan an nagtutukdo sato na magbaya sa bakong diosnon na pamumuhay saka sa mga pagmawot na kinabanon. Nagtutukdo man iyan sato na mamuhay kita na tataong magpugol sa sadiri, matanos saka maki-Dios sa kinaban na ini,

Tito 3:3

Huli ta kaidto mga lolong kita, mga masombikal, mga lagalag asin mga oripon kan manlaen-laen na kinabanon na kamawotan asin kawilihan. Namuhay kita kaidto na may maraot na boot asin pagkaara; ikinaongis kita kan ibang mga tawo saka ikinaongis ta man sinda.

1 Pedro 1:14

Magkuyog kamo sa Dios; dai kamo mamuhay sosog sa mga kamawotan nindo kaidto kan dai pa nindo aram an katotoohan.

1 Pedro 2:11

Mga namomotan kong tugang, nakikiolay ako saindo na kamo, bilang mga dayuhan saka mga nasa destyero sa kinaban na ini, dai kamo magpadaog sa mga kamawotan kan laman na danay na nakikilaban sa mga kalag nindo.

Judas 1:16

An mga tawong ini danay na naggugumod-gumod saka nagbabasol sa iba; sinusunod ninda an saindang maraot na mga kamawotan; mga mapalangkaw sinda, asin sagin-sagin na inoomaw an mga tawo huli sa pakinabang na makukua ninda.

Judas 1:18

Sinabihan ninda kamo, “Sa huring mga aldaw, matunga an mga tawong mag-oolog-olog saindo; mga tawong nagsusunod kan saindang maraot na mga kamawotan.”

Hukom 2:3

Kaya sinasabihan ko kamo ngunyan na dai ko papahaleon an mga tawong ini sa pagdangadang nindo. Magigin mga kaiwal nindo sinda asin an pagsamba sa saindang mga dios-dios iyo an magigin siod nindo.”