Roma 5:7 - Marahay na Bareta Biblia

⁷ Masakit an magpagadan para sa sarong matanos na tawo, alagad pwedeng may mangahas na magdusay nin buhay para sa tawong marahay.

Roma 5:7 ပူးပေါင်းရင်းမြစ်များ

2 Samuel 18:27

Nagsabi an bantay, “Garong ki Ahimaaz an dadalaganon kan naeenot.” Nagsabi an hade, “Marahay siyang tawo, asin marahay an dara niyang bareta.”

2 Samuel 18:3

Nagsimbag sinda, “Dai ka dapat mag-iba samo; huli ta kun magdulag kami, mayo iyan nin kahulogan sa mga kaiwal. Kun magadan an kabanga samo, mayo man giraray iyan nin kahulogan sainda; alagad sampolong ribo an saimong katimbang. Mas marahay na digdi ka sana sa syudad asin padarahan mo kami nin tabang.”

Salmo 112:5

Paladan an tawo na matinao asin mapinasubli, na dai nagdadaya sa saiyang negosyo.

Mateo 13:15

huli ta kulapos an isip kan mga tawong ini; tinatahoban ninda an saindang mga talinga, pinipirong ninda an saindang mga mata, ta tibaad sinda makamaan, o makadangog, o makasabot, dangan magdolok sako nganing paomayan ko.’

Juan 15:13

Mayo nin pagkamoot na mas dakula pa ki sa pagkamoot nin sarong tawo na minadusay kan saiyang buhay para sa mga katood niya.

Mga Gibo 11:24

Marahay na tawo si Bernabe, pano nin Espiritu Santo asin nin pagtubod. Kaya dakul na tawo an nadara niya sa Kagurangnan.

Roma 16:4

Ibinugtak ninda sa pag-alaman an saindang buhay ngani sana akong ikaligtas; kaya nagpapasalamat ako sainda—bako sanang ako, kundi an gabos na simbahan kan mga pagano.

Roma 5:6

Kan kita mga maluya pa, nagadan si Cristo para sa mga makasalan, sa panahon na itinalaan nin Dios.

Roma 5:8

Alagad ipinahiling nin Dios an saiyang dakulang pagkamoot sato kan si Jesus nagadan para sato kan kita mga parakasala pa!

1 Juan 3:16

Naaraman ta kun ano an pagkamoot kan idolot ni Cristo an saiyang buhay para sato. Kaya dapat man na idolot ta an satong buhay para sa satong mga tugang!