Roma 5:12 - Marahay na Bareta Biblia

¹² An kasalan nakalaog sa kinaban sa paagi nin sarong tawo; asin an kagadanan, huli kan kasalan niya. Kaya nakalakop an kagadanan sa gabos na tawo, huli ta nagkasala an gabos.

Roma 5:12 ပူးပေါင်းရင်းမြစ်များ

Genesis 2:17

alagad dai ka nanggad magkakan kan bunga kan kahoy nin pakaaram kan marahay asin kan maraot; sa oras na magkakan ka, magagadan ka.”

Genesis 3:19

Magpapatagdo ka nin ganot tanganing mapabunga nin anoman an daga, sagkod na ika magadan. Ginibo ka sa kabokabo nin daga kaya sa kabokabo ka mabalik.”

Genesis 3:6

Nahiling kan babae na magayon an kahoy asin garo masiram pagkakanon an bunga kaini patin naisip niya na an kahoy makakatao nin kadonongan. Kaya kuminua siya kan bunga dangan kuminakan. Dangan tinawan man niya an saiyang agom asin kuminakan man ini.

Salmo 51:5

Uya, namundag ako sa kasombikalan; ipinangidam ako kan sakong ina sa kasalan.

Ezekiel 18:4

Kapot ko an buhay nin lambang tawo, an buhay kan magurang asin kan aki. An tawong nagkakasala iyo an magagadan.

Roma 3:23

huli ta an gabos nagkasala asin harayo sa kamurawayan nin Dios.

Roma 5:18

Kaya siring na huli sa kasalan nin sarong tawo sinilotan an gabos, dahel man sa matanos na gibo nin sarong tawo, an gabos kinalda sa kasalan dangan nagkaigwa nin buhay.

Roma 5:19

Kun huli kan pagsuhay nin sarong tawo, kadakul kan nagin parakasala; dahel man kan pagkuyog nin sarong tawo, dakul an magigin matanos sa Dios.

Roma 5:21

Kaya siring na an kasalan nagdara nin kagadanan, an biyaya nin Dios nagdara sato, na mga pinangagin matanos, nin buhay na daing kataposan sa paagi ni Jesu-Cristo na satong Kagurangnan.

Roma 6:21

Alagad anong karahayan an nakua nindo sa paggibo kan mga bagay na idto na ngunyan ikinakasopog nindo? An bunga kan mga bagay na idto, kagadanan!

Roma 6:23

Huli ta an kabayadan nin kasalan iyo an kagadanan; alagad an regalo nin Dios iyo an buhay na mayong kataposan ki Cristo Jesus na satong Kagurangnan.

1 Corinto 15:56

An kapangyarihan kan kagadanan sa pagkulog, iyo an kasalan; asin an kapangyarihan kan kasalan iyo an Katogonan.

Efeso 2:3

Kita gabos arog man sainda kaidto; sinunod ta an mga bisyo kan satong laman, an mga kamawotan kan satong hawak saka isip. Huli kaini, maninigo sato kaidto an makuring padusa nin Dios arog kan iba.

Santiago 1:15

Kun an mga maraot na kamawotan na iyan nakagamot na, iyan magbubunga nin kasalan; kun nagtalubo na an kasalan, iyan magbubunga nin kagadanan.

Santiago 3:2

Kita gabos nakakaginibo nin mga sala. An tawong dai nasasala sa saiyang pagtaram sarong tawong perpekto; nakakapugol man siya kan saiyang bilog na pagkatawo.