Roma 4:2 - Marahay na Bareta Biblia

² Kun pinangagin siyang matanos nin Dios huli sa saiyang mga ginibo, igwa kutana siya nin ipag-oorgulyo. Alagad dai siya makakapag-orgulyo sa atubang nin Dios.

Roma 4:2 ပူးပေါင်းရင်းမြစ်များ

Genesis 12:18

Kaya ipinaapod kan hade si Abram asin hinapot, “Ano ining ginibo mo sako? Tano ta dai ka nagtaram na agom mo an babaeng ini?

Genesis 12:20

Nagboot an hade sa mga tawohan niya manongod ki Abram, kaya pinahale ninda ini sa Egipto kaiba an saiyang agom asin an gabos niyang rogaring.

Ezekiel 8:9

Sinabihan niya ako, “Lumaog ka asin hilingon mo an maraot saka makauuyam na mga bagay na ginigibo ninda duman.”

Roma 15:17

Kaya sa kaibahan ni Cristo Jesus pwede kong ipag-orgulyo an paglingkod ko sa Dios.

1 Corinto 1:29

Kaya mayo nin siisay man na pwedeng makapagpaabaw-abaw sa atubang nin Dios.

1 Corinto 1:31

Kaya siring sa nasusurat, “An boot magpaabaw-abaw, magpaabaw-abaw sa Kagurangnan.”

1 Corinto 4:7

Huli ta siisay an nagpalaen saindo? Ano an yaon saindo na dai nindo inako? Kun inako nindo, tadaw ta nag-oorgulyo kamo na garong dai nindo iyan inako?

1 Corinto 9:16

Maski naghuhulit ako kan Marahay na Bareta, dai ako pwedeng magpalangkaw, huli ta iyan an katongdan na itinao sako. Herak man sako kun dai ko ipaghulit an Marahay na Bareta!

2 Corinto 11:12

Ipapadagos ko an ginigibo ko tanganing an mga apostol na iyan dai magkaigwa nin dahelan na makapag-orgulyo asin makapagsabi na nagtatrabaho man sinda siring kan pagtrabaho mi.

2 Corinto 11:30

Kun kaipuhan na mag-orgulyo ako, ipag-oorgulyo ko an mga bagay na nagpapahayag kan kaluyahan ko.

2 Corinto 5:12

Dai kami liwat nagpapaomaw saindo, kundi boot mi sanang tawan kamo nin dahelan na ikapag-orgulyo nindo kami, tanganing masimbag nindo an mga tawong nag-oorgulyo dapit sa panluwas na porma nin tawo alagad bako an dapit sa saiyang puso.

Galacia 3:22

Alagad nasasabi sa kasuratan na an bilog na kinaban nasa kapangyarihan nin kasalan; kaya, an ipinanuga nin Dios huli sa pagtubod ki Jesu-Cristo, itinatao sa mga tawong igwa nin pagtubod.

Efeso 2:9

Mayo saindong pwedeng mag-orgulyo dapit kaini, huli ta bako ining bunga kan sadiri nindong mga gibo.

Filipos 3:9

asin makisumaro saiya. Mayo na ako nin sadiring katanosan, an katanosan na nakukua sa pagkuyog kan Katogonan. Igwa na ako ngunyan nin katanosan na itinatao huli sa pagtubod ki Cristo, katanosan na hale sa Dios asin napapatugmad sa pagtubod.

Josue 24:2

Sinabihan ni Josue an mga tawo, “Iyo ini an tataramon nin Kagurangnan, an Dios nin Israel: ‘Kaidtong panahon, an saindong mga ginikanan nag-erok sa ibong kan Salog nin Eufrates asin nagsamba sa ibang mga dios. An saro sa mga ginikanan na ini iyo si Tera, na ama ni Abraham asin ni Nahor.