Roma 4:15 - Marahay na Bareta Biblia

¹⁵ An Katogonan nagdadara kan padusa; alagad kun mayo nin katogonan, mayo man nin paglapas kaiyan.

Roma 4:15 ပူးပေါင်းရင်းမြစ်များ

2 Mga Hade 22:13

“Magduman kamo dangan hapoton nindo an Kagurangnan para sako para sa banwaan, asin para sa gabos na taga Juda manongod sa mga tataramon na yaon sa librong ini. Anggot sato an Kagurangnan huli ta dai kinuyog kan satong mga ginikanan an dapat na gibohon siring sa sinasabi kan librong ini.”

Jeremias 4:8

Kaya magsulot kamo nin sako, magtangis kamo saka maghaya huli ta an mabangis na kaanggotan nin Kagurangnan sa Juda dai nahahale.

Mga Panambitan 2:22

Inalok mo an mga kaiwal ko na magselebrar nin sarong pyesta nin takot sa palibot ko. Sa aldaw nin saimong kaanggotan, mayo nin nakadulag o natadang buhay. Ginadan ninda an sakong mga aki, na sakong pinadakula asin namotan.

Ezekiel 7:19

An saindang mga bulawan saka plata itatapok ninda sa mga tinampo siring sa mga ati, huli ta dai sinda ikakaligtas kan mga iyan kun iula na nin Kagurangnan an saiyang kaanggotan. Dai ninda iyan magagamit sa paghale kan saindang kagutoman. An bulawan saka plata iyo an nagdara sainda sa kasalan.

Sofonias 1:18

Sa aldaw na ipahiling nin Kagurangnan an labi-labi niyang kaanggotan, dai sinda ikakaligtas maski kan gabos nindang plata o bulawan. An bilog na daga raraoton kan kalayo nin saiyang kaanggotan. Tataposon niya an gabos na nag-eerok sa daga—sarong bigla na kataposan.

Mga Bilang 32:14

Ngunyan kamo an nakasalihid sa saindong mga ama, sarong bagong henerasyon nin parakasalang mga lalaki na mapaanggot giraray sa Kagurangnan laban sa Israel.

Juan 15:22

Dai kutana sinda nagkasala kun dai ako nagdigdi asin nagtaram sainda. Kaya ngunyan, mayo na sindang sarahotan kan saindang kasalan.

Juan 3:36

An nagtutubod sa Aki may buhay na daing kataposan; alagad an dai nagtutubod sa Aki dai magkakamit nin buhay, kundi mapapasaiya an padusa nin Dios.

Roma 1:17

Huli ta ipinapahayag kan Marahay na Bareta kun paano pinangagin matanos nin Dios sa saiya an tawo: sa paagi nin pagtubod magpoon sa kapinonan sagkod sa kataposan. Siring sa nasusurat, “An tawong pinangagin matanos sa Dios sa paagi nin pagtubod, mabubuhay.”

Roma 5:13

Bago itinao an Katogonan, yaon na an kasalan sa kinaban; alagad huli ta mayo nin katogonan, mayo man nin ibinibilang na kasalan.

1 Corinto 15:56

An kapangyarihan kan kagadanan sa pagkulog, iyo an kasalan; asin an kapangyarihan kan kasalan iyo an Katogonan.

Galacia 3:10

An mga nagsasarig sa pagkuyog kan Katogonan nasa pag-alaman nin maldisyon. Huli ta nasusurat, “An siisay man na dai naggigibo kan gabos na nasusurat sa libro kan Katogonan nasa pag-alaman nin maldisyon!”

Galacia 3:19

Kun siring, ano an katuyohan kan Katogonan? Idinagdag iyan tanganing mahiling kun ano an gibong sala; igwa iyan nin halaga sagkod na dai pa minaabot an aki ni Abraham na iyo an pinanongdan kan panuga. An Katogonan itinao sa paagi nin mga anghel sa tabang nin sarong tagapagultanan.

Efeso 5:6

Dai kamo magpadaya sa kiisay man na nagsasabi kan mga bagay na mayo nin kahulogan; an mga bagay na iyan an dahelan kan pag-abot kan kaanggotan nin Dios sa mga dai nagkukuyog saiya.

Colosas 3:6

Huli kan mga bagay na ini maabot an makuring padusa nin Dios (sa mga dai nagkukuyog saiya).

1 Juan 3:4

An siisay man na nagkakasala, naglalapas kan katogonan nin Dios, huli ta kasalan an paglapas kan katogonan.

Kapahayagan 19:15

Nagluwas sa saiyang ngoso an sarong matarom na espada na iyo an gagamiton niya sa pagdaog kan mga nasyon. Magsasakop siya sainda na may kapot na pamakol na lansang, dangan papaluwason niya sa gilingan nin ubas an arak kan makangingirhat na kaanggotan nin Dios na Makakamhan.