Roma 3:9 - Marahay na Bareta Biblia

⁹ Ano palan? Mas marahay daw an kamugtakan tang mga Judio ki sa iba? Bako nanggad! Pinatunayan ko, na an gabos na tawo, Judio o bako, anas nasa irarom kan kapangyarihan nin kasalan.

Roma 3:9 ပူးပေါင်းရင်းမြစ်များ

Mga Talinhaga 20:9

Siisay an makakasabi na malinig an saiyang puso, asin mayo siya nin kasalan?

Isaias 65:5

Dangan minasabi sindang, ‘Magrayo kamo samo. Mga banal kami asin dai kami dapat na madutaan nindo!’ Dai ko maaako an mga tawong siring kaiyan—an sakong kaanggotan tumang sainda nakakaagid sa sarong kalayo na dai napapalsok.

Lukas 7:39

Kan mahiling ini kan Fariseo, nagsaboot siya, “Kun an tawong ini sarong propeta, aram kutana niya kun siisay an babaeng ini na nagduduta saiya, huli ta saro siyang parakasala.”

Roma 1:18

Hale sa langit nahahayag an kaanggotan nin Dios sa mga tawong naggigibo nin karatan asin katampalasan, huli ta an katotoohan tinatahoban kan maraot nindang mga gibo.

Roma 11:32

Ibinibilanggo nin Dios an gabos na tawo sa kasombikalan tanganing an gabos saiyang maherakan.

Roma 11:7

Kun siring, ano? Dai nakua kan mga Israelita an saindang hinahanap. An mga pinili sana nin Dios an nakakua; an kadaklan nagbinongog sa apod nin Dios.

Roma 2:1

Kaya, katood ko, dawa siisay ka pa, mayo ka nin dahelan na maghukom sa iba. Sa paghukom mo sa iba, kinokondenar mo man an sadiri mo, huli ta ika na naghuhukom minagibo man kan gibo ninda.

Roma 3:1

Kun siring, ano an karahayan kan pagigin sarong Judio sa pagano? May halaga daw an pagigin pagkaniserkomsisyonado?

Roma 3:19

Ngunyan aram tang an nasasabi sa Katogonan gabos ipinapanongod sa mga tawong nasasakopan kan Katogonan, tanganing mayo nanggad nin dahelan an siisay man, asin tanganing an bilog na kinaban iatubang sa paghukom nin Dios.

Roma 3:5

Alagad ano an sasabihon ta kun an sala tang gibo iyo mismo an nagpapahayag na tama an Dios? Masabi daw kita na bakong tama an Dios sa pagpadusa sato? (Siring an kaisipan nin tawo.)

Roma 6:15

Kun siring, ano palan? Magkasala daw kita huli ta bako na kita nasa irarom kan katogonan kundi nasa irarom na kan biyaya nin Dios? Dai!

Roma 7:14

Aram ta na an Katogonan espiritwal; alagad ako tawo, oripon nin kasalan.

1 Corinto 10:19

Ano an boot kong sabihon? Na an dios-dios igwang halaga o na an kakanon na idinolot sa mga dios-dios may halaga?

1 Corinto 14:15

Kun siring, ano an dapat kong gibohon? Mamimibi ako sa espiritu, asin mamimibi man ako sa isip; mag-aawit ako sa espiritu, asin mag-aawit man ako sa isip.

1 Corinto 4:7

Huli ta siisay an nagpalaen saindo? Ano an yaon saindo na dai nindo inako? Kun inako nindo, tadaw ta nag-oorgulyo kamo na garong dai nindo iyan inako?

Galacia 3:10

An mga nagsasarig sa pagkuyog kan Katogonan nasa pag-alaman nin maldisyon. Huli ta nasusurat, “An siisay man na dai naggigibo kan gabos na nasusurat sa libro kan Katogonan nasa pag-alaman nin maldisyon!”

Galacia 3:22

Alagad nasasabi sa kasuratan na an bilog na kinaban nasa kapangyarihan nin kasalan; kaya, an ipinanuga nin Dios huli sa pagtubod ki Jesu-Cristo, itinatao sa mga tawong igwa nin pagtubod.

Filipos 1:18

Alagad dai bale! Naoogma ako dapit kaiyan, basta sanang ikahulit si Cristo sa anoman na paagi, tama man o sala an mga katuyohan. Padagos akong magigin maogma,