Roma 3:4 - Marahay na Bareta Biblia

⁴ Bako! Maski magin putikon an gabos na tawo, danay na magigin totoo an Dios, siring sa nasusurat, “Kaipuhan mahiling na tama ka; kun hukoman ka kaipuhan manggana ka.”

Roma 3:4 ပူးပေါင်းရင်းမြစ်များ

An Libro ni Job 36:3

Dakul an sakong naaaraman; gagamiton ko gabos iyan tanganing ipahiling ko na matanos an Dios, na sakong Kaglalang.

An Libro ni Job 40:8

Boot mong patunayan na bako akong matanos— tanganing ipahiling na ako nasasala asin ika an nasa tama?

Salmo 100:5

Marahayon an Kagurangnan; an saiyang pagkamoot daing kasagkoran, an saiyang pagkamaimbod magdadanay sagkod pa man.

Salmo 116:11

maski kan ako natakot asin nagsabi, “Mayo nang tawong masasarigan.”

Salmo 119:160

Katotoohan iyo an puso kan saimong katogonan; an lambang matanos mong paghukom mayo nin kataposan.

Salmo 138:2

Minaduko ako sa atubang kan saimong banal na Templo asin minaomaw kan saimong ngaran, huli kan danay mong pagkamoot asin kaimbodan; huli ta an saimong ngaran asin tataramon ginibo mong halangkaw sa gabos.

Salmo 51:4

Tumang saimo, sa saimo sana, nagkasala ako. Ginibo ko an maraot sa atubang mo. Kaya matanos ka sa paghukom sako; dai nasasala sa pagpadusa sako.

Salmo 62:9

An tawo siring sana sa sarong hinangos; dakula man o sadit, mayong halaga an gabos. Bugtakan sinda sa timbangan, asin mayo sinda nin gabat; mas magian pa sinda sa sarong hinangos.

Mikas 7:20

Ipapahiling mo sa saimong banwaan, an mga kapagarakian ni Abraham asin ni Jacob, an saimong kaimbodan saka danay na pagkamoot, siring sa ipinanuga mo sa samong mga ginikanan kaidtong panahon.

Mateo 11:19

Kan an Aki nin Tawo an nagdigdi, nagkakan siya asin nag-inom, alagad nagsabi an mga tawo, ‘Hilinga saro siyang paslo, paraburat, katood kan mga parasingil nin buhis saka mga parakasala!’ Alagad an kadonongan nin Dios napapatotoohan kan saiyang mga gibo.”

Lukas 20:16

Dudumanon niya an mga tumatawo dangan gagadanon sinda; pakatapos, ipapaataman niya sa iba an ubasan.” Kan madangog ini kan mga tawo, nagsabi sinda, “Dai man logod iyan mangyari!”

Juan 3:33

An minaako kan saiyang patotoo minapahayag na totoo an sinasabi nin Dios.

Roma 11:1

Kaya ini an hapot ko: Isinikwal na daw nin Dios an sadiri niyang banwaan? Dai! Israelita man ako; si Abraham an sakong ginikanan asin kabilang ako sa tribu ni Benjamin.

Roma 11:11

Ini an hapot ko: Kan masingkog an mga Judio, idto na daw an saindang kataposan? Bako! Dahel sa pagkasala ninda, nag-abot an kaligtasan sa mga pagano, tanganing an mga Judio mag-imon sainda.

Roma 3:31

Isinisikwal ta na daw an Katogonan huli sa pagtubod na ini? Dai; kundi pinapakosog ta iyan.

Roma 6:15

Kun siring, ano palan? Magkasala daw kita huli ta bako na kita nasa irarom kan katogonan kundi nasa irarom na kan biyaya nin Dios? Dai!

Roma 6:2

Dai! Gadan na kita sa kasalan kaya paano pa kita mabubuhay diyan?

Roma 7:13

Nangangahulogan daw iyan na an marahay nagin dahelan kan sakong kagadanan? Dai! An kasalan an nagin dahelan kan sakong kagadanan sa paagi kan karahayan, tanganing ikapahiling an tunay na kolor kan kasalan. Kaya sa paagi nin togon ipinapahiling na maraot na gayo an kasalan.

Roma 7:7

Masabi daw kita na maraot an Katogonan? Dai nanggad! An Katogonan an nagpaliwanag sako kun ano an kasalan. Kun dai sinabi sa Katogonan an “Dai ka maara sa anoman na bakong saimo,” dai ko kutana maaraman kun ano an pagkaara.

Roma 9:14

Ano na an masasabi ta? Na an Dios may pinagkikilingan? Dai.

1 Corinto 6:15

Dai nindo aram na an hawak nin lambang saro saindo kabtang kan hawak ni Cristo? Kukuahon ko daw an kabtang na iyan kan hawak ni Cristo tanganing gibohon kong kabtang kan hawak nin sarong maraot na babae? Dai nanggad!

2 Corinto 1:18

Siring na an itinataram nin Dios totoo, an pangako ko bakong “Iyo” o “Dai.”

Galacia 2:17

Kun totoo mananggad na kita parakasala arog kan mga pagano huli sa pagmawot tang magin matanos sa Dios diyan ki Cristo, nangahulogan daw iyan na si Cristo an dahelan kan satong pagkasala? Bako!

Galacia 2:21

Dai ko isinisikwal an biyaya nin Dios. Huli ta kun an tawo nagigin matanos sa Dios sa paagi kan Katogonan, mayong halaga an pagkagadan ni Cristo.

Galacia 6:14

Alagad para sako, an ipag-oorgulyo ko sana iyo an krus ni Jesu-Cristo na satong Kagurangnan, huli ta sa paagi kan saiyang krus, an kinaban gadan na para sako; ako man gadan na para sa kinaban.

Deuteronomio 32:4

“An Kagurangnan an saindong paraligtas, sa gabos niyang gibo, matanos asin mayong kakulangan. Dios na maimbod asin mayong karatan; matanos siya asin banal.

1 Timoteo 3:16

Mayong makakanegar na totoong dakulang misteryo an satong relihiyon: Nagpahiling siya kan siya nagin tawo, pinatotoohan siya kan Espiritu Santo, asin nahiling kan mga anghel. Ipinaghulit siya sa mga nasyon, tinubod sa bilog na kinaban, dinara sa kamurawayan.

Tito 1:2

basado sa paglaom tang magkaigwa nin buhay na daing kataposan. An Dios, na dai nagpuputik, nanuga sato kan buhay na iyan bago pa lalangon an kinaban.

Hebreyo 6:18

Kaya an sumpa saka an panuga iyo an duwang bagay na dai maliliwat, asin dapit kaini an Dios dai nanggad magpuputik. Kaya kita na nakakua saiya nin pailihan, minakosog an boot na magsarig sa paglaom na itinao niya sato.

1 Juan 5:10

Kaya an siisay man na minatubod sa Aki nin Dios igwa kan patotoong ini sa saiyang puso; alagad an dai minatubod sa Dios, ginigibo niyang putikon an Dios, huli ta dai siya minatubod kan sinabi nin Dios dapit sa saiyang Aki.

1 Juan 5:20

Aram man nyato na an Aki nin Dios nagdigdi saka nagtao sato nin pakasabot, nganing mamidbidan ta an totoong Dios. Yaon kita sa totoong Dios, sa saiyang Aki na si Jesu-Cristo. Iyo ini an totoong Dios, asin an buhay na daing kataposan.

Kapahayagan 3:7

“Suratan mo an anghel kan simbahan sa Filadelfia: “Iyo ini an mensahe kan Banal asin Totoo, na nagkakapot kan lyabe ni David; an pintoan na binubuksan niya mayo nin nakakasera; an sineserahan niya mayo nin nakakabukas.