Roma 3:13 - Marahay na Bareta Biblia

¹³ An saindang halonan sarong bukas na lulubngan, ginagamit ninda an saindang dila sa pagdaya. Mga mararang tataramon, na garo rara nin halas, an nagluluwas sa saindang ngoso;

Roma 3:13 ပူးပေါင်းရင်းမြစ်များ

Salmo 140:3

Matarom an saindang dila siring kan sa halas; marara an saindang tataramon siring sa kamandag kan kobra.

Salmo 36:3

An saiyang ngoso pano nin karatan asin kaputikan; mayo na siyang gibong tama asin marahay.

Salmo 5:9

Huli ta mayo nin katotoohan sa saindang ngoso; karatan an nasa saindang puso. An saindang halonan sarong bukas na lulubngan; an saindang dila pano nin kaputikan.

Salmo 52:2

Bilog na maghapon iniisip mo an pagpakaraot nin iba, an dila mo siring sa matarom na labaha, ika na parapasaluib.

Salmo 57:4

Napapalibotan ako nin mga kaiwal, na garo mga leon na minakakan nin mga tawo; an saindang mga ngipon siring sa mga garod saka pana, an saindang mga dila mga matarom na espada.

Isaias 59:3

An saindong mga kamot nadigtaan nin dugo asin an saindong mga muro nadigtaan nin kadahasan; mga putikon kamo asin mga madaya.

Jeremias 5:16

An saindang mga parapana maiisog na soldados asin mayong herak kun manggadan.

Ezekiel 13:7

Sinasabihan ko sinda: Bakong totoo an mga bisyon na nahihiling nindo asin kaputikan an mga pahayag nindo manongod sa maabot na panahon. Minasabi kamo na mga tataramon ko iyan, alagad dai ako nagtaram saindo!”

Roma 3:12

Gabos sinda nagbaya sa Dios, gabos nagkasala. Mayong naggigibo nin marahay, mayo maski saro.

Roma 3:4

Bako! Maski magin putikon an gabos na tawo, danay na magigin totoo an Dios, siring sa nasusurat, “Kaipuhan mahiling na tama ka; kun hukoman ka kaipuhan manggana ka.”

Deuteronomio 32:33

siring sa arak na ginibo hale sa kamandag nin mga halas.