Roma 2:3 - Marahay na Bareta Biblia

³ Naghohona ka katood ko, na makakadulag ka sa paghukom nin Dios kun hukoman mo an naggigibo nin sala, na ginigibo mo man?

Roma 2:3 ပူးပေါင်းရင်းမြစ်များ

2 Samuel 10:3

nagsabi ki Hanun an mga lider na Ammonita, “Sa paghona mo, sinugo ni David an mga lalaking iyan sa pakidumamay saimo huli sa pag-omaw sa saimong ama? Bako daw na sinugo niya sinda sa pagsiyasat asin pagmanman kan daga tanganing saiyang sakopon?”

An Libro ni Job 35:2

“Bakong matanos na ika magsabi na mayo ka nin sala sa atubang nin Dios,

Salmo 50:21

An gabos na ini ginibo mo, asin ako nag-alo, kaya naghona kang arog ako saimo. Alagad sinagwe taka ngunyan asin ipinaliwanag an bagay na ini saimo.

Salmo 56:7

Padusahan mo sinda, O Dios, huli kan saindang karatan; sa kaanggotan mo, daoga an siring na katawohan.

Mga Talinhaga 11:21

Laomon mo na papadusahan an maraot na tawo, alagad ililigtas an matanos.

Mga Talinhaga 16:5

Ikinakaongis nin Kagurangnan an gabos na mapaabaw-abaw; laomon mo na dai sinda makakadulag sa saiyang padusa.

Ezekiel 17:15

Alagad nagrebelde saiya an hade nin Juda asin nagpadara nin mga sugo sa Egipto tanganing magkua nin mga kabayo asin nin sarong dakulang hukbo. Manggana daw siya? Makakaligtas daw an naggibo kaiyan? Pwede daw niyang salungaton an tipan asin makaligtas sa padusa?

Ezekiel 17:18

Linapas niya an saiyang panuga asin an tipan na ginibo niya. Ginibo niya an mga ini, asin ngunyan dai siya makakadulag.”

Daniel 10:19

Nagsabi siya, “Lalaking namomotan nin marahay, dai ka matakot, mapasaimo an katoninongan; magmakosog ka asin magmaisog.” Pakasabi niya kaini, namatean kong orog akong nagkosog asin nagsabi ako, “Kagurangnan, tarami ako kan sasabihon mo huli ta napakosog mo na ako.”

Mateo 23:33

Mga halas! Kapagarakian nin mga rimoranon! Paano kamong makakadulag sa padusa sa impyerno?

Mateo 26:53

Dai mo aram na makakahagad ako sa sakong Ama nin labi pa sa doseng batalyon na anghel na ipapadara niya tolos sako?

Lukas 12:14

Sinimbag siya ni Jesus, “Lalaki, siisay an naggibo sakong hukom o parahiras kan pagsadiri nindong duwa?”

Lukas 22:58

Dai nahaloy, sarong lalaki an nakahiling saiya dangan nagsabi, “Saro ka man sainda!” Alagad nagsabi si Pedro, “Bako ako!”

Lukas 22:60

Alagad nagsimbag si Pedro, “Lalaki, dai ko aram an pinagsasabi mo!” Nagtataram pa siya kan biglang magturaok an manok.

Roma 1:32

Aram nindang sinasabi sa katogonan nin Dios na maninigong gadanon an mga tawong arog kaiyan an ginigibo, alagad padagos pa sinda sa paggibo nin maraot asin inooyonan pa ninda an mga naggigibo nin siring.

Roma 2:1

Kaya, katood ko, dawa siisay ka pa, mayo ka nin dahelan na maghukom sa iba. Sa paghukom mo sa iba, kinokondenar mo man an sadiri mo, huli ta ika na naghuhukom minagibo man kan gibo ninda.

Roma 2:2

Aram tang tama an Dios sa paghukom sa mga tawong arog kaiyan an gibo.

Roma 9:20

Alagad siisay ka man na makikisimbagan sa Dios? Nakakahapot daw an dalipay na koron sa tawong naggibo saiya, “Tadaw ta ginibo mo akong siring kaini?”

1 Tesalonica 5:3

Kun an mga tawo nagsasabi, “An gabos matoninong saka mayong pag-alaman,” dangan biglang maabot an kapahamakan sainda! Maabot iyan arog kan kulog na namamate kan babaeng madali nang mangaki; dai ninda iyan madudulagan.

Hebreyo 12:25

Mag-ingat kamo na dai nindo ipagsikwal an nagtataram saindo. Kun dai nakadulag an mga dai nagdangog sa mga patanid nin Dios kan magtaram siya sa paagi ni Moises, kita pa daw an makadulag kun isikwal ta an nagpapatanid sato hale sa langit?

Hebreyo 2:3

Kun siring, paano kitang makakadulag sa padusa kun dai ta tinatawan nin halaga an siring kadakulang kaligtasan? An Kagurangnan mismo an enot na nagpahayag kan kaligtasan na ini, dangan pinatotoohan iyan sato kan mga nakadangog saiya.