Roma 16:7 - Marahay na Bareta Biblia

⁷ Komusta man ki Andronico asin ki Junias, mga kapwa ko Judio na nabilanggo kaiba ko; midbid sindang marahay kan mga apostol, asin enot sinda sako na nagtubod ki Cristo.

Roma 16:7 ပူးပေါင်းရင်းမြစ်များ

Isaias 45:17

Alagad ilinigtas nin Kagurangnan an Israel, asin magdadanay sagkod lamang an saiyang kapangganahan; dai nanggad siya mapapasopog asin mawawaraan nin onra sagkod pa man.’”

Isaias 45:25

Ako, an Kagurangnan, an maligtas sa gabos na kapagarakian ni Jacob, asin oomawon ninda ako.

Juan 14:20

Pag-abot kan aldaw na iyan, maaaraman nindo na ako nasa sakong Ama, kamo nasa sako, asin ako nasa saindo.

Juan 15:2

Pinuputol niya sa sako an lambang sanga na dai nagbubunga; tinatakrasan niya an lambang sanga na nagbubunga tanganing orog na magdakul an bunga.

Juan 6:56

An magkakan kan hawak ko saka mag-inom kan dugo ko magdadanay sako; ako magdadanay saiya.

Roma 16:10

Komusta ki Apeles na napatunayan na maimbod ki Cristo, siring man sa pamilya ni Aristobulo.

Roma 16:11

Ikomusta nindo ako ki Herodion na kapwa ko Judio, saka sa pamilya ni Narciso na nagtutubod sa Kagurangnan.

Roma 16:21

Ipinapakomusta kamo diyan ni Timoteo na kaiba ko sa paglingkod, siring man ni Lucio, ni Jason, asin ni Sosipater, na mga kapwa ko Judio.

Roma 16:3

Ikomusta nindo ako ki Priscila saka ki Aquila na kapwa ko mga paralingkod ki Cristo Jesus.

Roma 16:6

Kinokomusta ko si Maria na nagtrabaho nin maigot para saindo.

Roma 16:8

Kinokomusta ko si Ampliato, an namomotan kong katood sa Kagurangnan.

Roma 16:9

Komusta man ki Urbano, an kapwa ta paralingkod ki Cristo, saka sa namomotan kong si Estaquis.

Roma 8:1

Kaya mayo na nin paghukom sa mga tawong namumuhay ki Cristo Jesus.

Roma 8:11

Kun nag-eerok saindo an Espiritu nin Dios na iyo an nagbuhay liwat ki Jesus, an Dios man na iyan an matao nin bagong buhay sa saindong mga hawak na magagadanon sa paagi kan saiyang Espiritu na nag-eerok saindo.

Roma 9:3

para sa mga tugang ko, an mga karasa ko. Mawot ko pang maldisyonon ako nin Dios asin isuhay ki Cristo para sainda.

1 Corinto 1:30

Alagad isinaro kamo nin Dios ki Cristo Jesus; ginibo man niya na si Cristo iyo an magin kadonongan ta. Sa paagi ni Cristo Jesus, kita nagin matanos sa Dios; pinangagin banal kita asin talingkas.

2 Corinto 11:23

Mga sorogoon sinda ni Cristo? Garo ako bua-bua sa pagsabi kaini, alagad mas marahay akong sorogoon ni Cristo ki sa sainda. Nagtrabaho ako nin mas maigot ki sa sainda; dakul na beses akong nabilanggo ki sa sainda, pinaghampak ako labi pa sainda, saka dakul na beses nang dikit pa akong magadan.

2 Corinto 12:2

Igwa akong midbid na sarong Cristianong lalaki na dinara paitaas sagkod sa ikatolong langit, katorseng taon na an nakakaagi. (Dai ko aram kun talagang nangyari ini, o saro sanang bisyon—an Dios sana an nakakaaram).

2 Corinto 5:17

An siisay man na yaon ki Cristo, saro nang bagong linalang; an daan nakalihis na, an bago nagdatong na.

2 Corinto 5:21

Mayo lamang nin kasalan si Cristo, alagad huli sato idinamay siya nin Dios sa satong mga pagkakasala tanganing sa pakisumaro saiya, magkaigwa kita kan katanosan nin Dios.

Galacia 1:22

Dai pa ako kaidto midbid kan mga simbahan ni Cristo sa Judea.

Galacia 2:2

Nagduman ako huli ta ipinahayag sako nin Dios na dapat akong magduman. Sa sarong hilom na pakipag-olay sa mga lider, ipinaliwanag ko sainda an Marahay na Bareta na ipinaghuhulit ko sa mga pagano. Habo kong masayang an sakong gibo sa nakaaging panahon asin sa ngunyan.

Galacia 2:6

Alagad mayo na nin idinagdag sa sinabi ko an mga midbid na mga lider na idto. (Sinasabi ko ini huli ta para sako mayo nin kalaenan kun ano sinda kaidto, huli ta mayong pinapalaen an Dios.)

Galacia 5:6

Huli sa pakisumaro ta ki Cristo Jesus, mayong kalaenan kun pagkaniserkomsisyonado man o bako an tawo; an mahalaga iyo na igwa siya nin pagtubod dahel sa pagkamoot.

Galacia 6:15

Mayo nin kalaenan kun an sarong tawo pagkaniserkomsisyonado man o bako; an mahalaga iyo an pagigin bagong linalang.

Efeso 2:10

Linalang kita nin Dios. Sa pakisumaro ta ki Cristo linalang kita para sa mga gibong karahayan na dati na niyang inandam tanganing gibohon ta.

Colosas 4:10

Si Aristarco na kapwa ko bilanggo nangongomusta saindo; siring man si Markos na primo ni Bernabe. (Nag-ako na kamo nin mga togon dapit ki Markos, na akoon nindo siya kun magdiyan siya saindo.)

Filemon 1:23

Nangongomusta saimo si Epafras, na nabibilanggo man kaiba ko dahel ki Cristo Jesus.

1 Juan 4:13

Huli kaini aram ta na kita nagdadanay sa Dios asin an Dios nagdadanay sato dahel ta tinawan niya kita kan saiyang Espiritu.

1 Juan 5:20

Aram man nyato na an Aki nin Dios nagdigdi saka nagtao sato nin pakasabot, nganing mamidbidan ta an totoong Dios. Yaon kita sa totoong Dios, sa saiyang Aki na si Jesu-Cristo. Iyo ini an totoong Dios, asin an buhay na daing kataposan.

Kapahayagan 1:9

Ako, si Juan na saindong tugang, huli sa pakisumaro ki Jesus, kadamay nindo sa kasakitan asin sa pagtios na minaabot sa mga kaayon sa Kahadean niya. Itinapok ako sa isla kan Patmos huli ta ipinaghulit ko an tataramon nin Dios asin an patotoo kaiyan ni Jesus.