Roma 16:10 - Marahay na Bareta Biblia

¹⁰ Komusta ki Apeles na napatunayan na maimbod ki Cristo, siring man sa pamilya ni Aristobulo.

Roma 16:10 ပူးပေါင်းရင်းမြစ်များ

Roma 14:18

An naglilingkod ki Cristo nin siring kaini, ikinakaogma nin Dios asin naooyonan kan mga tawo.

Roma 16:3

Ikomusta nindo ako ki Priscila saka ki Aquila na kapwa ko mga paralingkod ki Cristo Jesus.

Roma 16:7

Komusta man ki Andronico asin ki Junias, mga kapwa ko Judio na nabilanggo kaiba ko; midbid sindang marahay kan mga apostol, asin enot sinda sako na nagtubod ki Cristo.

Roma 8:11

Kun nag-eerok saindo an Espiritu nin Dios na iyo an nagbuhay liwat ki Jesus, an Dios man na iyan an matao nin bagong buhay sa saindong mga hawak na magagadanon sa paagi kan saiyang Espiritu na nag-eerok saindo.

1 Corinto 11:19

Mayong duwa-duwa na igwa nin pagkabaranga diyan saindo, tanganing mamidbidan nin malinaw kun siisay an mga nasa tama.)

2 Corinto 12:2

Igwa akong midbid na sarong Cristianong lalaki na dinara paitaas sagkod sa ikatolong langit, katorseng taon na an nakakaagi. (Dai ko aram kun talagang nangyari ini, o saro sanang bisyon—an Dios sana an nakakaaram).

2 Corinto 2:9

Ini an dahelan kun tadaw ta sinuratan ko kamo kaidto: tanganing baloon kamo asin aramon kun talagang kinukuyog nindo an gabos na itinukdo ko.

2 Corinto 5:17

An siisay man na yaon ki Cristo, saro nang bagong linalang; an daan nakalihis na, an bago nagdatong na.

2 Corinto 8:22

Kaya sinugo mi an saro pang tugang kaiba ninda; dakul na beses mi na siyang binalo, asin nahiling mi na danay siyang andam na magtabang. Ngunyan na igwa siya nin dakulang paniwala saindo, orog pang boot niyang magtabang saindo.

Galacia 1:22

Dai pa ako kaidto midbid kan mga simbahan ni Cristo sa Judea.

Deuteronomio 8:2

Giromdoma nindo kun paano kamo pinangenotan nin Kagurangnan, na saindong Dios, sa pagbaklay nindo sa desyerto sa laog nin kwarentang taon. Pinasakitan niya kamo sa pagbalo saindo, tanganing aramon an nasa puso nindo, kun makuyog kamo kan saiyang mga togon o dai.

Filipos 2:22

Aram nindo gabos na pinatunayan ni Timoteo an saiyang halaga; garo kami mag-ama na nagtabang para sa katuyohan kan Marahay na Bareta.

1 Timoteo 3:10

Kaipuhan sindang baloon ngona; kun makapasar, saka papaglingkodon bilang diakono.

2 Timoteo 4:19

Kinokomusta ko si Priscila asin si Aquila, saka an pamilya ni Onesiforo.

1 Pedro 1:7

tanganing baloon kun tunay an saindong pagtubod. Maski an bulawan na pwedeng mawara, binabalo sa kalayo; siring man, an saindong pagtubod na mas mahalaga ki sa bulawan dapat baloon, tanganing mahiling na an saindong pagtubod tunay, asin magkamit kamo nin kaomawan, kamurawayan saka paggalang sa Aldaw na ihayag si Jesu-Cristo.