Roma 14:6 - Marahay na Bareta Biblia

⁶ An naglilihi nin aldaw, naglilihi sa pag-omaw sa Kagurangnan. An nagkakakan nin karne, nagkakakan kaiyan sa pag-omaw sa Kagurangnan, huli ta nagpapasalamat siya sa Dios para sa kakanon. An dai nagkakakan kaiyan, nag-omaw sa Kagurangnan asin nagpapasalamat sa Dios.

Roma 14:6 ပူးပေါင်းရင်းမြစ်များ

Exodo 12:14

Kaipuhan na selebraron nindo an aldaw na ini bilang sarong pyesta tanganing magiromdoman nindo an sakong ginibo. Gigibohon nindo ini sagkod pa man. Ako an Kagurangnan.”

Exodo 12:42

An bangging idto iyo an banggi nin pagbantay kan Kagurangnan tanganing iluwas sinda sa Egipto; kaya an bangging idto sarong banggi nin pagbantay na itinalaan para sa Kagurangnan kan banwaan nin Israel sagkod pa man.

Exodo 16:25

Nagsabi si Moises, “Kakanon nindo iyan ngunyan, huli ta ngunyan iyo an Sabbath, an aldaw nin pahingalo para sa Kagurangnan asin mayo kamong makukuang pagkakan sa luwas.

Isaias 58:5

Kun nag-aayuno kamo, pinapasakitan nindo an saindong mga hawak; idinuduko nindo an saindong payo siring sa sarong dahon nin doot, asin binibiklad nindo an sako dangan minahigda kamo sa abo. Aapodon daw nindong pag-aayuno an siring? Sa paghona nindo, mawiwili ako sa siring na gibo?

Zacarias 14:21

An gabos na kagamitan sa pagluto sa Jerusalem asin sa Juda lalaenon tanganing gamiton sa pagsamba sa Kagurangnan nin mga hukbo. Gagamiton an mga iyan kan mga tawong nagdodolot nin sakripisyo para sa paglabon nin karne. Pag-abot kan panahon na iyan, dai na magkakaigwa nin negosyante sa Templo kan Kagurangnan nin mga hukbo.

Mateo 14:19

Pinagbotan niyang magturukaw an mga tawo sa doot. Dangan kinua niya an limang tinapay saka an duwang sira, nagtingkalag siya sa langit asin nagpasalamat. Binaraak niya an mga tinapay saka itinao sa mga disipulo; dangan itinao man kan mga disipulo sa mga tawo.

Mateo 15:36

Dangan kinua niya an pitong tinapay asin an sira, nagpasalamat, binaraak niya idto, itinao sa mga disipulo asin itinao man kan mga ini sa mga tawo.

Juan 6:28

Kaya hinapot siya ninda, “Ano an dapat ming gibohon tanganing maotob mi an kabotan nin Dios?”

Galacia 4:10

Tinatawan pa giraray nindo nin halaga an ibang mga aldaw, mga bulan, mga panahon, saka mga taon.