Roma 14:2 - Marahay na Bareta Biblia

² May tawong nagtutubod na pwede siyang magkakan nin maski ano, alagad may tawo na maluya sa pagtubod, kaya gulay sana an kinakakan.

Roma 14:2 ပူးပေါင်းရင်းမြစ်များ

Genesis 1:29

Itinatao ko saindo an gabos na klase nin tinanom na nagtatao nin banhi asin nin mga kahoy na nagtatao nin bunga; iyan an saindong magigin pagkakan.

Genesis 9:3

Itatao ko saindo bilang kakanon an lambang linalang na may buhay kaiba an mga berdeng tinanom. Itinatao ko saindo an gabos.

Mga Talinhaga 15:17

Mas marahay pang magkakan nin gulay kaiba an saimong mga namomotan ki sa magkakan nin masiram na karne na igwa nin kaanggotan.

Daniel 1:12

“Baloa kami sa laog nin sampolong aldaw; tawan mo sana kami nin gulay na makakakan saka tubig na maiinom,

Daniel 1:16

Kaya poon kaidto nagtugot an bantay na magkakan sinda nin gulay embes kan itinataong pagkakan kan hade.

Roma 14:1

Akoa nindo an tawong maluya sa pagtubod, alagad dai nindo siya pagdiskutiron dapit sa saiyang mga opinyon.

Roma 14:14

Dahel sa sakong pakisumaro sa Kagurangnan na Jesus, naniniwala ako na mayong kakanon na masasabing maati; alagad kun an sarong tawo nagtutubod na an siring na kakanon maati, an kakanon na iyan maati para saiya.

Roma 14:20

Dai mo pagraoton an gibo nin Dios huli sana sa kakanon. Pwedeng kaonon an gabos na kakanon, alagad sala an magkakan nin anoman na magigin dahelan kan pagkasala nin iba.

Roma 15:1

Kitang mga makosog an pagtubod dapat magtabang sa mga maluya an pagtubod, asin bakong an sadiri ta sanang karahayan an isipon ta.

1 Corinto 10:25

Pwede kamong magkakan kan anoman na ipinagpapabakal sa saodan, alagad dai na kamo maghapot nin anoman tanganing dai mapurisaw an saindong konsyensya.

1 Corinto 8:9

Alagad maglikay man giraray kamo ta tibaad sa pagkakan nindo nin anoman na kakanon makapakasala kamo sa mga maluya pa sa pagtubod.

1 Corinto 9:22

Sa mga maluluya an pagtubod, nagigin maluya ako arog sainda tanganing madara ko sinda. Kaya nakikipareho ako sa gabos na klase nin tawo, ikaligtas ko lamang an iba sainda sa anoman na paagi.

Galacia 2:12

Bago nag-abot duman an nagkapirang tawo na sinugo ni Santiago, nagkakakan si Pedro kaiba kan mga pagano, alagad pag-abot ninda, suminiblag siya sa mga pagano, huli ta natakot siya sa mga tawong boot serkomsisyonon an mga pagano.

1 Timoteo 4:4

An gabos na linalang nin Dios marahay; mayo nin anoman na dapat isikwal, kundi akoon gabos iyan nin may pagpasalamat.

Tito 1:15

Para sa mga tawong malinig an isip, an gabos malinig; alagad para sa mga maati an isip asin dai nagtutubod, an gabos maati, huli ta nadigtaan an saindang mga isip asin konsyensya.

Hebreyo 13:9

Dai kamo magpadagka sa laen saka bakong midbid na mga katukdoan. Mas marahay na an satong mga puso mapakosog kan biyaya nin Dios, bakong sa pagkuyog kan mga pagsusundon dapit sa mga kakanon na dai lamang nakakatabang sa mga nagkukuyog kaiyan.

Hebreyo 9:10

An gibo nindang iyan manonongod sana sa kakanon, inomon, saka manlaen-laen na rito nin paglinig, na gabos sana para sa hawak asin mahalaga sana sagkod na dai pa ibinubugtak nin Dios an sarong bagong sistema.