Roma 13:9 - Marahay na Bareta Biblia

⁹ Ining mga togon, “Dai ka magdorog sa bako mong agom; dai ka maggadan; dai ka maghabon; dai ka maara,” dangan an iba pang mga togon, nabibilog sa saro sanang togon, “Kamotan mo an kapwa mo, arog kan pagkamoot mo sa sadiri mo.”

Roma 13:9 ပူးပေါင်းရင်းမြစ်များ

Levitico 19:18

Dai kamo magbalos o magrimpos nin maraot na boot sa kiisay man, kundi kamotan nindo an saindong kapwa siring kan pagkamoot nindo sa saindo man sana. Ako an Kagurangnan.

Levitico 19:34

Gibohon nindo sainda an ginigibo nindo sa kapwa nindo Israelita. Kamotan nindo sinda siring kan pagkamoot nindo sa saindo man sana. Giromdomon nindo na kamo nagin mga dayuhan man sa Egipto. Ako an Kagurangnan na saindong Dios.

Mateo 22:39

An ikaduwa arog man kaiyan: ‘Kamotan mo an saimong kapwa arog kan pagkamoot mo sa saimo man sana.’

Markos 10:19

Tatao ka kan mga togon: ‘Dai ka maggadan; dai ka magdorog sa bako mong agom; dai ka maghabon; dai ka magsaksi nin putik; dai ka magdaya; galangan mo an saimong ama asin ina.’”

Markos 12:31

An ikaduwa iyo ini: ‘Kamotan mo an saimong kapwa arog kan pagkamoot mo sa saimo man sana.’ Mayo nin ibang togon na mas mahalaga pa ki kan duwang ini.”

Lukas 10:27

Nagsimbag an lalaki, “Kamotan mo an Kagurangnan mong Dios sa bilog mong puso, sa bilog mong kalag, sa bilog mong kosog, asin sa bilog mong isip; kamotan mo man an saimong kapwa siring kan pagkamoot mo sa sadiri mo.”

Lukas 18:20

Aram mo an mga togon: ‘Dai ka magsambay; dai ka maggadan; dai ka maghabon; dai ka magsaksi nin putik; galangan mo an saimong ama asin ina.’”

Galacia 5:13

Mga tugang, inapod kamo na magin talingkas. Alagad dai nindo gibohon iyan na dahelan na magpadaog kamo sa mga kamawotan kan laman. Kundi magpatarabang-tabang kamo dahel sa pagkamoot.