Roma 12:7 - Marahay na Bareta Biblia

⁷ Kun balaog sa paglingkod an itinao sato, maglingkod kita; kun sa pagtukdo, magtukdo kita;

Roma 12:7 ပူးပေါင်းရင်းမြစ်များ

Salmo 34:11

Madya kamo, mga aki, dangoga ako, asin tutukdoan ko kamo kan pagkatakot sa Kagurangnan.

Salmo 51:13

Dangan itutukdo ko sa mga parakasala an saimong mga dalan, asin mabalik saimo an mga makasalan.

Parahulit 12:9

Nin huli ta madonong an Parahulit, padagos niyang tinukdoan an mga tawo kan naaaraman niya. Nag-adal siya nin mga talinhaga asin binalo niya nin marahay an katotoohan kan mga iyan.

Isaias 21:8

Dangan nag-apod an bantay, “Kagurangnan, aldaw-banggi akong nagbabantay sa sakong namumugtakan.”

Mateo 28:19

Kaya paduman kamo sa gabos na tawo saen man na lugar; gibohon nindo sindang mga disipulo ko. Bunyagan nindo sinda sa ngaran nin Ama, nin Aki, asin nin Espiritu Santo.

Juan 3:2

Sarong banggi, nagduman siya ki Jesus saka nagsabi, “Rabbi, aram nyamo na saro kang paratukdo na sinugo nin Dios, huli ta mayo nin siisay man na makakagibo kan mga milagrong ginigibo mo kun mayo saiya an Dios.”

Mga Gibo 13:1

Sa simbahan duman sa Antiokia, igwa nin nagkapirang propeta asin mga paratukdo: si Bernabe, si Simeon (na inaapod Negro), si Lucio (na taga Cirene), si Manaen (na nagdakula sa palasyo kasabay ni Gobernador Herodes), asin si Saulo.

Mga Gibo 20:20

Dai ako nagpabaya sa paghulit saindo kan ikakarahay nindo; tinukdoan ko kamo sa publiko saka sa saindong mga harong.

Mga Gibo 20:28

Kaya ingati nindo an saindong sadiri asin an bilog na katiriponan na ipinapaataman saindo kan Espiritu Santo. Magin pastor kamo kan simbahan nin Dios, na nagin sadiri niya huli kan kagadanan nin saiyang Aki.

Mga Gibo 6:1

Kan an mga disipulo nagdadakul na, nagkaigwa nin iriwal an mga Griyegong Judio saka an mga Hebreyo. Nagsarabi an mga Griyegong Judio na an saindang mga balong babae napapabayaan na tawan kan sa aroaldaw na rasyon.

1 Corinto 12:28

Ibinugtak nin Dios sa simbahan, enot, an mga apostol; ikaduwa, an mga propeta; ikatolo, an mga paratukdo; dangan an naggigibo nin mga milagro; sunod an mga nagbobolong nin mga naghehelang, an mga nagtatabang, an mga lider, saka an mga may kakayahan na magtaram sa manlaen-laen na lengwahe.

1 Corinto 12:5

Manlaen-laen an paagi nin paglingkod, alagad saro sana an Kagurangnan.

1 Corinto 14:26

Ano an boot kong sabihon, mga tugang? Kun nagtitiripon kamo sa pagsamba, an iba saindo may himno, an iba may katukdoan, an iba may kapahayagan hale sa Dios, may nakakataram sa manlaen-laen na lengwahe; an iba man may kapaliwanagan kaiyan. Gibohon nindo an gabos tanganing magtalubo an simbahan.

Galacia 6:6

Dapat hirasan kan tawong tinutukdoan kan mensahe nin Dios an saiyang maestro kan gabos na marahay na bagay na yaon saiya.

Efeso 4:11

Siya an “nagtao nin mga balaog sa mga tawo.” An iba ginibo niyang apostol, an iba propeta, an iba ebanghelista, an iba mga pastor saka mga paratukdo.

Deuteronomio 33:10

Huhulitan ninda an saimong banwaan na magkuyog kan saimong katogonan; madolot sinda nin mga atang sa ibabaw kan saimong altar.

Colosas 4:17

Sabihan nindo si Arquipo na taposon nanggad niya an trabahong inako niya sa Kagurangnan.

1 Timoteo 2:7

Iyan an dahelan kaya sinugo ako bilang apostol saka paratukdo sa mga pagano, tanganing ipahayag sainda an mensahe nin pagtubod asin katotoohan. Dai ako nagpuputik. Totoo an sinasabi ko!

1 Timoteo 3:2

An lider dapat sarong tawo na mayong digta an pamumuhay. Dapat saro sana an agom niya, tataong magpugol sa sadiri, toltol sa isip, may dignidad, bukas an harong sa pagpadagos sa kapwa, marahay magtukdo.

1 Timoteo 4:16

Ingatan mo an saimong gibo saka pagtukdo. Padagosa an paggibo kan mga bagay na ini, huli ta sa siring na gibo makakaligtas ka sagkod an mga nagdadangog saimo.

1 Timoteo 5:17

Dapat bayadan nin doble an mga kamagurangan na marahay an gibo bilang lider, orog na idtong nagtatrabaho nin maigot sa paghulit saka sa pagtukdo.

2 Timoteo 2:2

An mga katukdoan na nadangog mong ipinahayag ko sa atubang nin dakul na saksi, itukdo mo man sa mga tawong masasarigan, na makakatukdo man sa iba.

2 Timoteo 2:24

An sorogoon nin Kagurangnan bakong parapakiiwal. Dapat siyang magin maboot sa gabos na tawo, marahay na paratukdo asin matinios,

2 Timoteo 4:2

na ipaghulit mo an mensahe, magmaigot ka sa pagpahayag kaiyan, nasa panahon man o bako; mandagka ka, magsagwe, saka magsadol; gabos gibohon na may kahoyoan asin tanganing makatukdo.

1 Samuel 12:23

Siring man dapit sako, irayo logod nin Kagurangnan na magkasala ako saiya huli sa pag-ontok sa pagpapamibi para saindo. Tutukdoan ko kamo kan marahay asin tamang paagi.