Roma 12:19 - Marahay na Bareta Biblia

¹⁹ Namomotan kong mga tugang, dai nanggad kamo magbalos; pabayaan nindong an kaanggotan nin Dios an magbalos, huli ta nasusurat, “Sako an pagbalos, ako an mabayad, an sabi nin Kagurangnan.”

Roma 12:19 ပူးပေါင်းရင်းမြစ်များ

Mga Talinhaga 20:22

Dai ka mag-isip na balosan nin maraot an maraot; halaton mo an Kagurangnan, asin tatabangan ka niya.

Mga Talinhaga 24:29

Dai ka magtaram nin, “Gigibohon ko saiya an ginibo niya sako tanganing makabalos ako!”

Jeremias 51:36

Kaya tinaraman nin Kagurangnan an mga taga Jerusalem, “Makikilaban ako para saindo; ibabalos ko kamo. Papamarahon ko an dagat asin burabod kan Babilonia.

Ezekiel 25:12

Nagtaram an Kagurangnan Dios, “Huli ta nagbalos an Edom sa banwaan nin Juda, asin an pagbalos na iyan sarong makuring kasalan kan Edom,

Levitico 19:18

Dai kamo magbalos o magrimpos nin maraot na boot sa kiisay man, kundi kamotan nindo an saindong kapwa siring kan pagkamoot nindo sa saindo man sana. Ako an Kagurangnan.

Mateo 5:39

Alagad ngunyan sinasabihan ko kamo: dai kamo magbalos sa naggigibo saindo nin maraot. Kun may sumampaling kan too mong pisngi, ipasampaling mo pa an sa ibong.

Roma 12:14

Bendisyonan nindo an mga nagpapasakit saindo, bakong maldisyonon.

Roma 12:17

Kun gibohan kamo nin maraot, dai kamo magbalos nin maraot. Hingowahon nindong danay na magibo an pinaghohonang marahay kan gabos na tawo.

Roma 13:4

Huli ta siya sorogoon nin Dios na naglilingkod para sa ikakarahay mo. Alagad kun maraot an gibo mo, dapat kang matakot saiya huli ta may kapangyarihan siya sa pagpadusa saimo. Sorogoon siya nin Dios asin dara niya an padusa nin Dios sa mga tawong maraot an gibo.

Efeso 4:27

Dai nindo pagtawan nin lugar an Diablo.

Deuteronomio 32:35

An Kagurangnan an mabalos asin mapadusa sainda; maabot an panahon nin saindang pagkapadungkal; harani na an panahon nin saindang pagkagadan.

Deuteronomio 32:43

“Mga nasyon, mag-omaw kamo sa banwaan nin Kagurangnan, huli ta pinapadusahan nin Kagurangnan an minagadan sainda; binabalos niya an saiyang mga kaiwal asin pinapatawad an kasalan kan saiyang banwaan.”

1 Tesalonica 4:6

Sa bagay na ini mayo nin siisay man na magdigta o magraot sa saiyang tugang, huli ta makuri an padusa nin Kagurangnan sa gabos na maggibo kan mga bagay na ini, siring sa ipinatanid mi na saindo kaidto.

2 Timoteo 4:14

Dakulang karatan an ginibo sako ni Alejandro na panday nin mga metal; babalosan siya nin Kagurangnan sosog sa saiyang ginibo.

Hebreyo 10:30

Huli ta midbid nyato an nagsabi, “Ako an mabalos, ako an mabayad.” Nagsabi pa siya, “Huhukoman nin Kagurangnan an saiyang banwaan.”

1 Samuel 25:26

An Kagurangnan an nagpugol saimo tanganing dai mo mabalos asin magadan an saimong mga kaiwal. Minasumpa ako saimo sa ngaran kan buhay na Kagurangnan na papadusahan an saimong mga kaiwal asin an gabos na nagmamawot na darahan ka nin karatan arog ki Nabal.

1 Samuel 25:33

Salamat sa Dios huli kan marahay mong kaisipan asin huli kan paglikayan mo sako sa paggadan asin sa pagbalos ngunyan na aldaw.

1 Samuel 26:10

Siring na buhay an Kagurangnan,” an padagos ni David, “aram kong an Kagurangnan mismo an magadan ki Saul, magin iyan sa natural na paagi o sa gera.

1 Samuel 26:11

Dai logod itugot nin Kagurangnan na ako an magbikyaw kan sakong kamot tanganing gadanon an saiyang linahidan! Alagad kuaha an saiyang garod saka an dulay, asin maghale na kita.”