Roma 12:11 - Marahay na Bareta Biblia

¹¹ Dai kamo maghinugak kundi magmahigos; maglingkod kamo sa Kagurangnan.

Roma 12:11 ပူးပေါင်းရင်းမြစ်များ

Exodo 5:17

Nagsimbag an hade, “Mga hugakon! Habo sana kamong magtrabaho kaya nakikimaherak kamong tugotan ko na mag-atang sa Kagurangnan.

Mga Talinhaga 10:26

Garo maalsom na suka saka asong nakakapaluha an sarong hugakon sa nagsusugo saiya.

Mga Talinhaga 13:4

Maski ano an mawoton kan hugakon, dai niya iyan makakamtan. Nakakamtan kan mahigos an saiyang kamawotan.

Mga Talinhaga 18:9

An tawong hugakon tugang kan tawong pararaot.

Mga Talinhaga 22:29

Itukdo mo sako an tawong marahay magtrabaho, asin itutukdo ko man saimo an tawong orog karahay sa gabos saka maninigo sa kaibahan kan mga hade.

Mga Talinhaga 31:15

Bago magsirang an aldaw minabangon na siya tanganing andamon an kakanon kan saiyang pamilya, asin tanganing taraman an saiyang mga sorogoon na babae kan dapat nindang gibohon.

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Isaias 56:10

Nagsasabi siya, “Buta an gabos na lider na iyo kutana an mapatanid sa sakong banwaan! Mayo sindang naaaraman. Arog sinda sa mga ayam na dai nagbabatok—mayo sindang ginigibo kundi maghigda saka mangatorogan. Boot sana nindang magkatorog.

Mateo 24:12

Magdadakul an karatan, kaya mawawara an pagkaminorootan.

Mateo 25:26

Tinaraman siya kan kagurangnan, ‘Saro kang maraot asin hugakon na sorogoon! Aram mo na nag-aani ako sa dai ko sinabwagan asin nagguguno nin mga bunga sa dai ko tinanoman.

Mga Gibo 18:25

Tinukdoan siya kan Dalan nin Kagurangnan, asin pano siya nin entusiasmo kun nagtataram asin nagtutukdo kan katotoohan manongod ki Jesus maski ngani an aram niya sana iyo an bunyag ni Juan.

Mga Gibo 20:19

Naglingkod ako sa Kagurangnan na may kapakumbabaan, pagluha asin mga pagbalo dahel sa dakul na kasakitan na nag-abot sako huli sa homa kan mga Judio.

1 Corinto 7:22

Huli ta an tawo na sarong oripon kan apodon nin Kagurangnan, saro nang talingkas na tawo sa Kagurangnan; siring man, an tawong talingkas kan siya apodon, oripon na ni Cristo.

Efeso 4:28

An parahabon dai na maghabon, kundi magtrabaho sa matanos na paagi tanganing matabangan niya an mga nangangaipo.

Colosas 4:1

Mga kagurangnan, magin marahay kamo asin matanos sa saindong mga oripon. Giromdomon nindo na igwa man kamo nin Kagurangnan duman sa langit.

1 Timoteo 5:13

Laen pa kaiyan, makakanood pa sindang magsayang kan saindang panahon sa pangharong-harong; bako sana iyan kundi makakanood sindang maglibak saka makiaram sa iba, asin magtaram kan dai ninda dapat sabihon.

Hebreyo 12:28

Kaya magpasalamat kita, huli ta inako ta an kahadean na dai pwedeng mayugyog. Omawon asin sambahon ta an Dios sa paaging ikinakaogma niya, may kabanalan saka paggalang,

Santiago 5:16

Kaya ikumpisal nindo sa saindong kapwa an saindong mga kasalan; ipamibi nindo an saindong kapwa, tanganing maomayan kamo. Dakula an nagigin bunga kan pamibi nin sarong matanos na tawo.

1 Pedro 1:22

Ngunyan na malinig na an saindong buhay huli sa pagkuyog kan katotoohan, dangan igwa na kamo nin tunay na pagkamoot sa kapwa nindo mga paratubod, magkaminorootan kamo nin tudok sa puso.

1 Pedro 4:8

Orog sa gabos, magkaminorootan kamo nin tudok sa puso, huli ta an pagkamoot minatahob sa dakul na kasalan.

Kapahayagan 2:4

Alagad igwa ako nin masasabi tumang saimo: dai mo na ako namomotan ngunyan arog kan dati.