Roma 12:1 - Marahay na Bareta Biblia

¹ Kaya, mga tugang, huli sa dakulang pagkaherak nin Dios sato, nakikiolay ako saindo: Idolot nindo sa Dios an sadiri nindong hawak bilang sarong buhay na atang, banal asin maaako niya. Ini an tunay na pagsamba na dapat nindong itao sa Dios.

Roma 12:1 ပူးပေါင်းရင်းမြစ်များ

Salmo 116:12

Ano an pwede kong idolot sa Kagurangnan huli kan gabos niyang karahayan sako?

Salmo 19:14

An mga itinaram nin sakong ngoso asin an kaisipan kan sakong puso maako mo logod, O Kagurangnan, sakuyang pailihan, asin sakuyang paratubos!

Isaias 56:7

“Dadarahon ko kamo sa Sion, an sakong banal na bukid, tatawan ko nin kaogmahan sa sakong harong nin pamibian, asin aakoon ko an mga sakripisyo na idinodolot nindo sa sakong altar. An sakong Templo aapodon na harong nin pamibian para sa gabos na banwaan.”

Jeremias 6:20

Mayong halaga sako an insensong hale sa Sheba, ni an mga pahamot na hale pa sa harayong lugar na dinadara ninda sako. Dai ko maaako an saindang mga tinutong na atang asin dai ako mawiwili sa saindang mga sakripisyo.

Oseas 14:2

Magbalik kamo sa Kagurangnan, asin an pamibing ini iyo logod an saindong dolot sa saiya: “Patawada an gabos ming kasalan asin dangoga an samong pamibi, dangan oomawon mi ika siring sa samong ipinanuga.

Lukas 7:47

Kaya sinasabihan taka, an ipinahiling niyang dakulang pagkamoot nagpapatunay na an dakul niyang mga kasalan pinatawad na. An pinatawad nin dikit, kadikit man an ipinapahiling na pagkamoot.”

Roma 12:2

Dai kamo makibagay sa kinaban na ini, kundi bayaan nindong bagohon kamo nin Dios huli sa pagbago kan saindong isip, tanganing mapatotoohan nindo kun ano an marahay, an maaako asin an mayong kakulangan na kabotan nin Dios.

Roma 15:16

na magin sorogoon ni Cristo Jesus sa mga pagano. Naglilingkod ako arog sa sarong padi na naghuhulit kan Marahay na Bareta hale sa Dios, tanganing an mga pagano magin sarong dolot na maaako nin Dios, dolot na kinonsagra saiya kan Espiritu Santo.

Roma 15:30

Nakikimaherak ako saindo, mga tugang, nin huli sa Kagurangnan tang Jesu-Cristo asin sa pagkamoot kan Espiritu Santo, na mamibi kita sa Dios para sako.

Roma 2:4

O tibaad hinahaboan mo an saiyang dakulang pagkamaboot, pagkamatinios asin pagkapasensyoso? Dai mo aram na maboot siya saimo huli ta boot ka niyang magbakle?

Roma 6:13

Dai nindo ipaghunod an anoman na kabtang kan saindong hawak sa kasalan bilang kasangkapan sa paggibo nin karatan, kundi idusay nindo an saindong buhay sa Dios bilang mga tawong nagadan alagad binuhay liwat. Idolot nindo saiya an bilog nindong buhay bilang kasangkapan sa paggibo nin katanosan.

Roma 6:16

Aram nindo na kun magpaoripon kamo, sakop kamo kan kagurangnan nindo asin an pagboot niya an kinukuyog nindo. Kun sa kasalan kamo magpaoripon, madara iyan saindo sa kagadanan; kun sa pagkamakinuyog-kuyog, madara iyan saindo sa katanosan.

Roma 6:19

Mga simpleng tataramon sana an ginagamit ko huli kan saindong kaluyahan.) Kun kaidto ihinunod nindo an saindong hawak sa mga kadustaan saka nagin orog kamo karaot, ngunyan kaipuhan idusay nindo an saindong hawak sa katanosan para sa mga banal na katuyohan.

Roma 9:23

Ginibo niya ini tanganing mabantog an kayamanan nin saiyang kamurawayan na itinao niya sato na mga naherakan niya asin mga inandam niya para sa saiyang kamurawayan.

1 Corinto 1:10

Sa ngaran ni Jesu-Cristo na satong Kagurangnan, nakikimaherak ako saindo, mga tugang, na magkaoroyon kamo nganing dai kamo magkabaranga; magkasararo kamo sa isip saka sa katuyohan.

2 Corinto 10:1

Ako, si Pablo, nakikiolay saindo sa kapakumbabaan asin sa kabootan ni Cristo. Sinasabi na ako daa maboot kun yaon saindo, alagad maisog kun harayo saindo.

2 Corinto 4:1

Sa pagkaherak nin Dios, itinao niya samo an ministeryong ini, kaya dai nanluluya an samong boot.

2 Corinto 4:16

Kaya dai nanluluya an samuyang boot. Maski ngani an samong hawak pinanluluya na, alagad an samong espiritu pinapakosog aroaldaw.

2 Corinto 5:20

Kaya, nagtataram kami ngunyan para ki Cristo na garo an Dios mismo an nakikiolay saindo sa paagi mi. Nakikimaherak kami saindo sa ngaran ni Cristo na makipag-olian na kamo sa Dios.

2 Corinto 6:1

Kaya bilang mga kaiba sa paglingkod sa Dios, nakikimaherak kami saindo, na mga nag-ako kan biyaya nin Dios na dai nindo iyan pagsayangon.

Efeso 4:1

Kaya ako, na sarong bilanggo dahel sa Kagurangnan, nakikiolay saindo na mamuhay kamo na maninigo sa buhay na inapodan saindo nin Dios.

Efeso 5:10

Maghingowa kamong manodan an ikinakaogma nin Kagurangnan.

Deuteronomio 14:2

Huli ta kamo sarong banwaan na banal para sa Kagurangnan na saindong Dios, asin pinili niya kamo na magin sadiring banwaan hale sa gabos na banwaan sa bilog na daga.

Filipos 1:20

An minamawot ko asin linalaom iyo na dai nanggad ako magkulang sa sakong katongdan kundi magin maisog sa gabos na oras, orog na ngunyan, tanganing an bilog kong pagkatawo, sa buhay o sa kagadanan, makatao nin kaomawan ki Cristo.

Filipos 2:17

Kun an sakong dugo papabuloson bilang kabtang kan saindong atang nin pagtubod, maoogma ako asin makikipag-ogma saindo gabos.

Filipos 4:18

Uya an patotoo na an gabos inako ko na saindo; sobra pa ngani an inako ko orog na ngunyan na dinara na ni Epaprodito an saindong mga regalo. Ini sarong mahamot na dolot sa Dios, sarong atang na ikinakaogma niyang akoon.

1 Tesalonica 4:1

Sa kataposan, mga tugang, nakikimaherak kami saindo asin sinasadol mi kamo sa ngaran ni Jesus na Kagurangnan, na mamuhay kamo nin orog pa kan pamumuhay nindo ngunyan—pamumuhay na sosog sa nanodan nindo samo—nganing mapaogma nindo an Dios.

1 Tesalonica 4:10

Totoong namomotan nindo an gabos na tugang sa bilog na Macedonia. Alagad sinasadol mi kamo, mga tugang, na mag-orog pa logod an saindong pagkamoot.

1 Tesalonica 5:12

Ipinapakiolay mi saindo, mga tugang, na galangan nindo an mga naglilingkod diyan saindo, na namamayo saka nagtutukdo saindo kan pamumuhay na Cristiano.

1 Timoteo 2:3

Marahay iyan asin nakakapaogma sa Dios na satong Paraligtas,

1 Timoteo 5:4

Kun an babaeng balo igwa nin mga aki o mga makoapo, sinda ngona an dapat mag-otob kan saindang katongdan sa sadiri nindang pamilya. Sa siring na paagi makakabalos sinda sa saindang mga magurang asin mga apo, huli ta ini an nakakapaogma sa Dios.

Filemon 1:10

Kaya nakikimaherak ako saimo para ki Onesimo na nagin espiritwal kong aki digdi sa bilanggoan.

Filemon 1:9

alagad huli sa pagkamoot, nakikimaherak ako saimo—ako, si Pablo, na sarong sugo ni Cristo Jesus asin ngunyan nabibilanggo dahel saiya.

Hebreyo 13:22

Nakikimaherak ako saindo, mga tugang ko, na maghinanyog kamo nin maigot sa mga tataramon na ini nin pagsadol; huli ta halipot sana an surat kong ini saindo.

1 Pedro 2:20

Ano an halaga kun natagalan nindo an pasakit saindo dahelan kan sala nindong gibo? Alagad kun natagalan nindo an mga pasakit saindo maski tama an gibo nindo, bebendisyonan kamo nin Dios.

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.