Roma 10:5 - Marahay na Bareta Biblia

⁵ Ini an sinurat ni Moises mapadapit sa kun paano nagigin matanos an tawo sa Dios huli sa pagkuyog kan Katogonan: “An nag-ootob kan Katogonan mabubuhay huli kaiyan.”

Roma 10:5 ပူးပေါင်းရင်းမြစ်များ

Nehemias 9:29

Pinatanidan mo sinda na magkuyog kan saimong mga katukdoan, alagad sa kapaabaw-abawan isinikwal ninda an saimong mga katogonan, maski ngani an pag-otob kaiyan iyo an dalan pasiring sa buhay. Sutil saka matagas an payo na nagsayuma sindang magkuyog.

Isaias 55:3

“Paghinanyog kamo, sakong banwaan, asin dumolok kamo sako; madya kamo sako, asin magkakaigwa nin kapanoan an saindong buhay! Magibo ako saindo nin tipan na daing kataposan asin itatao ko saindo an mga bendisyon na ipinanuga ko ki David.

Ezekiel 20:11

Itinao ko sainda an sakong pagboot asin tinukdoan ko sinda kan sakong mga katogonan, na magdadara nin buhay sa kiisay man na nagkukuyog kan mga iyan.

Ezekiel 20:13

Alagad maski sa kalangtadan, sinuhay ninda ako. Dai sinda naglakaw sosog sa sakong mga pagboot asin tinalikodan ninda an sakong mga togon, na nagtatao nin buhay sa kiisay man na nagkukuyog kan mga iyan. Linapas ninda an Sabbath. Andam na kuta akong iula sainda an labi-labi kong kaanggotan duman sa kalangtadan asin gadanon sinda.

Ezekiel 20:21

“Alagad an henerasyon na idto nagtumang man sako. Dai sinda naglakaw sosog sa sakong mga pagboot asin sinuhay ninda an sakong mga togon, na nagdadara nin buhay sa kiisay man na nagkukuyog kan mga iyan. Linapas ninda an Sabbath. Andam na kuta akong iula sainda an labi-labi kong kaanggotan duman sa kalangtadan asin gadanon sinda.

Levitico 18:5

Sunodon nindo an mga pagboot saka mga togon na itinatao ko saindo; iyan an maligtas saindo. Ako an Kagurangnan.”

Roma 7:10

Kaya an togon na an katuyohan iyo an magtao nin buhay, nagin kagadanan logod para sako.

Galacia 3:12

Alagad an Katogonan dai napapatugmad sa pagtubod, huli ta nasusurat, “An tawong naggigibo kan gabos na ipinagboboot kan Katogonan, mabubuhay sa paagi kaiyan.”

Deuteronomio 4:1

Dangan sinabihan ni Moises an mga tawo, “Kuyogon nindo an gabos na togon asin pagboot na itinutukdo ko, tanganing mabuhay kamo asin masadirihan nindo an daga na itinatao saindo nin Kagurangnan, an Dios kan saindong mga ginikanan.

Filipos 3:9

asin makisumaro saiya. Mayo na ako nin sadiring katanosan, an katanosan na nakukua sa pagkuyog kan Katogonan. Igwa na ako ngunyan nin katanosan na itinatao huli sa pagtubod ki Cristo, katanosan na hale sa Dios asin napapatugmad sa pagtubod.