Roma 10:3 - Marahay na Bareta Biblia

³ Dai ninda nasasabotan an katanosan na gikan sa Dios, kaya naghahanap sinda nin sadiring paagi, embes na mag-oyon sa katanosan nin Dios.

Roma 10:3 ပူးပေါင်းရင်းမြစ်များ

Nehemias 9:33

Nagin matanos ka sa pagpadusa sa samo; nagin maimbod ka, maski ngani kami nagkasala.

An Libro ni Job 33:27

Masabi siya sa atubang nin mga tawo, ‘Nagkasala ako. Dai ako naggibo kan matanos alagad ilinigtas ako nin Dios.

Salmo 71:19

An saimong katanosan, O Dios, nakakaabot sa kalangitan. Mga dakulang ngangalasan an saimong ginibo; mayo nin arog saimo.

Isaias 51:1

Nagsasabi an Kagurangnan, “Pagdangog kamo sako, kamo na boot na makaligtas, kamo na minadolok sako tanganing magpatabang. Isipa nindo an gapong saindong hinalean, an lugar na pinagkuahan saindo.

Isaias 51:6

Tingkalagan an saindong mga mata sa kalangitan, asin hilinga nindo an daga! An kalangitan mawawara siring sa aso; an daga magigin siring sa daan na gubing; an gabos na tawo diyan magagadan siring sa mga langaw. Alagad an sakong kaligtasan magdadanay sagkod lamang; an sakong pagligtas mayo nanggad nin kataposan.

Isaias 51:8

mawawara sinda siring sa gubing na kinakan nin mga anay! Alagad an sakong kaligtasan magdadanay sagkod lamang; an sakong pagligtas para sa gabos na henerasyon.”

Isaias 56:1

Nagsasabi an Kagurangnan sa saiyang banwaan, “Giboha nindo an matanos asin tama, huli ta maabot asin mahahayag na an gigibohon kong pagligtas.

Isaias 57:12

Naghohona kamong tama an saindong ginigibo, alagad ihahayag ko an saindong mga gawe, asin dai kamo matatabangan kan saindong mga dios-dios.

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Mga Panambitan 3:22

Mayo nin kataposan an pagkamoot asin an pagkaherak nin Kagurangnan,

Daniel 9:24

“Kwatro syentos nubentang taon an itinalaan nin Dios sa pagtalingkas sa saimong banwaan saka sa saimong syudad sa kasalan asin sa karatan. Papatawadon an kasalan asin papadanayon an hustisya, tanganing patotoohan an bisyon saka an propesiya, asin konsagrahon giraray an banal na Templo.

Levitico 26:41

kaya tinalikodan ko sinda asin ipinadarang mga bihag sa daga kan saindang mga kaiwal. Alagad kun magpakumbaba an saindong kapagarakian asin mabayadan na ninda an padusa kan saindang mga kasalan,

Lukas 10:29

Alagad, huli ta boot magpakamatanos an lalaki, hinapot niya giraray si Jesus, “Siisay an sakong kapwa?”

Lukas 16:15

Alagad sinabihan sinda ni Jesus, “Kamo an mga nagpapakamatanos sa atubang nin mga tawo, alagad aram nin Dios an nasa puso nindo. Huli ta an pinapahalagahan nin mga tawo, ikinakaongis nin Dios.

Roma 1:17

Huli ta ipinapahayag kan Marahay na Bareta kun paano pinangagin matanos nin Dios sa saiya an tawo: sa paagi nin pagtubod magpoon sa kapinonan sagkod sa kataposan. Siring sa nasusurat, “An tawong pinangagin matanos sa Dios sa paagi nin pagtubod, mabubuhay.”

Roma 10:2

Makakapatotoo ako na talagang mga malodok sinda sa Dios, alagad an saindang pagkamalodok dai napapatugmad sa tunay na pakasabot.

Roma 10:20

Mas pusoan si Isaias na minataram, “Nakua ako kan mga dai naghanap sako; nagpahiling ako sa mga dai naghapot kun haen ako.”

Roma 11:7

Kun siring, ano? Dai nakua kan mga Israelita an saindang hinahanap. An mga pinili sana nin Dios an nakakua; an kadaklan nagbinongog sa apod nin Dios.

Roma 3:22

Pinangagin matanos nin Dios an tawo sa paagi kan pagtubod ninda ki Jesu-Cristo. Ginibo iyan nin Dios sa gabos na nagtutubod ki Cristo. Mayo nin kalaenan an gabos na tawo,

Roma 5:19

Kun huli kan pagsuhay nin sarong tawo, kadakul kan nagin parakasala; dahel man kan pagkuyog nin sarong tawo, dakul an magigin matanos sa Dios.

2 Corinto 5:21

Mayo lamang nin kasalan si Cristo, alagad huli sato idinamay siya nin Dios sa satong mga pagkakasala tanganing sa pakisumaro saiya, magkaigwa kita kan katanosan nin Dios.

Deuteronomio 6:25

Para samuya, sarong katanosan an pagkuyog sa gabos na togon na ipinagboot samo nin Kagurangnan na samuyang Dios.’

Filipos 3:9

asin makisumaro saiya. Mayo na ako nin sadiring katanosan, an katanosan na nakukua sa pagkuyog kan Katogonan. Igwa na ako ngunyan nin katanosan na itinatao huli sa pagtubod ki Cristo, katanosan na hale sa Dios asin napapatugmad sa pagtubod.

2 Pedro 1:1

Surat hale ki Simon Pedro na sorogoon saka apostol ni Jesu-Cristo. Para sa mga tinawan nin pagtubod na arog kahalaga kan samong pagtubod huli sa katanosan nin satong Dios asin ni Jesu-Cristo na satong Paraligtas.