Roma 1:28 - Marahay na Bareta Biblia

²⁸ Huli ta habo sindang magmidbid sa Dios, pinabayaan na niya sinda sa mga maaati nindang kaisipan, saka sa mga sala nindang gibo.

Roma 1:28 ပူးပေါင်းရင်းမြစ်များ

Genesis 6:5

Kan nahiling nin Kagurangnan an kadakulaan kan karatan kan mga tawo sa kinaban asin an karigsokan kan saindang kaisipan sa gabos na panahon,

2 Samuel 22:27

Mabini ka sa mga tawong mabini, alagad makuri ka sa mga tawong maraot.

Salmo 69:27

An saindang padusa padagos mong dugangan; hare sinda pagtawe nin kaligtasan.

Mga Talinhaga 1:22

“O mga lolong, kontento na daw kamo sa saindong pagkalolong? Sagkod nuarin nindo pag-oolog-ologon an pakaaram? Dai pa nanggad kamo nakakanood?

Mga Talinhaga 1:29

Huli ta naongis kamo sa pakaaram asin dai nindo pinili an pagkatakot sa Kagurangnan;

Mga Talinhaga 1:7

An pagkatakot sa Kagurangnan iyo an kapinonan nin pakaaram; an kadonongan asin katukdoan mayo nin halaga para sa mga lolong.

Mga Talinhaga 17:16

Mayong karahayan na makukua an lolong maski maggasto man siya sa pag-aadal, huli ta mayo siya nin isip.

Jeremias 4:22

An Kagurangnan nagtataram, “Mangmang an sakong banwaan; dai ninda ako midbid. Garo sinda mga aking lolong; mayo sinda nin pakasabot. Eksperto sinda sa paggibo nin maraot alagad dai sinda tataong maggibo nin matanos.”

Jeremias 6:30

Aapodon sindang ati kan metal na mayo nin halaga, huli ta ako, an Kagurangnan, iyo an nagsikwal sainda.”

Jeremias 9:6

Sunod-sunod na kadahasan an ginigibo ninda, asin an gibo nindang pandadaya mayo nin kataposan. An Kagurangnan nagsasabi na isinisikwal siya kan saiyang banwaan.

Ezekiel 14:5

Pinaharayo sa sako kan mga dios-dios na iyan an mga Israelita, alagad huli kan sakong simbag, linalaom kong magigin maimbod giraray sinda sako.

Ezekiel 20:25

“Dangan tinawan ko sinda nin mga pagboot na bakong marahay asin mga togon na dai nagdadara nin buhay.

Oseas 4:6

Mayong paglaom an sakong banwaan huli ta dai ninda ako minimidbid. Kamo man na mga padi habong magmidbid sako asin isinikwal nindo an sakong katukdoan, kaya isinisikwal ko man kamo asin dai ko man aakoon an saindong mga aking lalaki bilang mga padi ko.

Mga Gibo 17:23

Huli ta sa paglakaw-lakaw ko, namasdan ko an mga lugar na pinagsasambahan nindo asin nahiling ko man an sarong altar na may nasusurat nin siring, ‘Sa Dios na Dai Midbid.’ An Dios na ini na sinasamba nindo maski dai nindo midbid, iyo an Dios na irinurukyaw ko saindo.

Mga Gibo 17:32

Kan madangog ninda an sinabi ni Pablo dapit sa pagkabuhay liwat, pinagtuya-tuya siya kan iba, alagad an iba man nagsabi, “Boot ming magtaram ka giraray dapit kaini.”

Roma 1:18

Hale sa langit nahahayag an kaanggotan nin Dios sa mga tawong naggigibo nin karatan asin katampalasan, huli ta an katotoohan tinatahoban kan maraot nindang mga gibo.

Roma 1:21

Maski midbid ninda an Dios, dai ninda siya tinawan kan kaomawan bilang Dios, asin dai sinda nagpasalamat saiya. Kundi nagparaisip sinda nin mga bagay na mayong halaga asin nadikloman an isip ninda.

Roma 1:24

Kaya pinabayaan sinda nin Dios sa mga maati nindang gibo; naggiribo sinda nin kadustaan sa saindang mga hawak.

Roma 1:26

Huli kaiyan, pinabayaan sinda nin Dios sa gibo nindang makasosopog. An mga babae nakikidorog sa kapwa babae.

1 Corinto 15:34

Magtoltol kamo saka dai na magkasala. An iba saindo dai nakakamidbid sa Dios. Sinasabi ko ini nganing masopog kamo.

2 Corinto 10:5

Rinurumpag mi an mga putik na argumento; ginagaba mi an lambang kapaabaw-abawan na nakakaolang sa pakamidbid sa Dios; binibihag mi an gabos na pag-isip tanganing magkuyog ki Cristo.

Efeso 5:4

Bako man maninigo saindo na magtaram nin rapsak, mag-orolay na mayo nin halaga o magkalwag na sala; kundi magpasalamat kamo sa Dios.

2 Tesalonica 1:8

nganing padusahan an mga habong magmidbid sa Dios saka an mga dai nagkukuyog kan Marahay na Bareta ni Jesus na Kagurangnan.

2 Timoteo 3:8

Siring na si Janes saka si Jambres nagtumang ki Moises, an mga tawong ini minasalungat man sa katotoohan—mga tawong maati an isip, asin bakong tunay an pagtubod.

Tito 1:16

Nagsasabi sindang midbid ninda an Dios, alagad salungat sa sinasabi ninda an saindang gibo. Makauuyam sinda saka mga masombikal; dai nanggad makakagibo nin anoman na marahay.

Filemon 1:8

Kaya bilang tugang mo ki Cristo, makosog an boot kong pagbotan ka kan dapat mong gibohon,

2 Pedro 3:5

Talagang tinutuyo nindang dai pahalagahan an katotoohan, na huli sa tataramon nin Dios kaidto, nalalang an langit asin an daga. An daga nahaman hale sa tubig asin huli sa tubig.