Roma 1:23 - Marahay na Bareta Biblia

²³ Tinalikodan ninda an Dios na mayong kagadanan; an sinamba ninda iyo an mga ginibong ladawan na kabaing sa mga tawo o mga gamgam o mga hayop na apat an bitis asin mga hayop na nagkakamang.

Roma 1:23 ပူးပေါင်းရင်းမြစ်များ

Salmo 106:20

Ladawan nin baka na doot an kinakakan an isinangle ninda sa kamurawayan nin Dios.

Isaias 40:18

Sa kiisay nindo ikakabaing an Dios? Paano nindo ilaladawan kun ano siya?

Isaias 40:26

Hilinga nindo an langit! Siisay an naglalang kan mga bitoon na saindong nahihiling? Siya na nangengenot sainda paluwas arog sa sarong hukbo, siya an nakakaaram kan saindang bilang, asin saro-saro niyang inaapod an saindang ngaran! Dakulang marahay an saiyang kapangyarihan— kaya mayong nawawara sainda maski saro man!

Isaias 44:13

Sinusukol kan karpintero an kahoy. Kinukuritan niya iyan nin korteng tawo dangan sinasapsapan kan saiyang mga kagamitan sagkod na makagibo siya nin magayon na rebulto nin tawo na ibubugtak niya sa saiyang harong.

Jeremias 2:11

Igwa daw nin nasyon na nagribay kan saiyang mga dios-dios, maski ngani an mga iyan bakong tunay? Alagad rinibayan ako kan sakong banwaan, ako na nagtao sainda nin kaomawan, irinibay sako an mga dios-dios na dai makakatabang sainda.

Ezekiel 8:10

Kaya naglaog ako asin naghiling. An mga lanob igwa nin mga ladawan nin mga halas saka iba pang maating mga hayop, asin iba pang mga bagay na sinasamba kan mga Israelita.

Mga Gibo 10:12

Yaon duman an mga hayop na naglalakaw asin nagkakamang, saka mga gamgam.

Mga Gibo 17:29

Huli ta kita mga aki nin Dios, dai kita mag-isip na garo siya sarong ladawan na bulawan o plata o gapo, na ginibo nin tawo sosog sa saiyang kakayahan saka kadonongan.

Roma 1:25

Tinalikodan ninda an katotoohan manongod sa Dios dangan nagtubod sinda sa kaputikan. Sinamba ninda saka pinaglingkodan an linalang, bako an Kaglalang na iyo an dapat omawon sagkod pa man! Amen.

1 Corinto 12:2

Aram nindo na kan kamo bako pang mga paratubod, nadara kamo sa manlaen-laen na paagi nin pagsamba sa mga dios-dios na mayong buhay.

Deuteronomio 5:8

“‘Dai kamo maggibo nin ladawan kan anoman na nasa langit o nasa daga o nasa tubig sa irarom kan daga.

1 Pedro 4:3

Kanigoan nang panahon an ginamit nindo kaidto sa paggibo kan ginigibo kan mga pagano. Namuhay kamo sa karigsokan, sa mga kamawotan nin laman, sa bururatan, sa sobrang karakanan, sa irinoman asin sa pagsamba sa mga ipinangangalad na dios-dios.

Kapahayagan 9:20

Alagad an mga tawong dai nagadan kan mga pesteng ini dai nagbakle kan saindang mga gibo. Dai sinda nag-ontok magsamba sa mga demonyo saka sa mga ginibo nindang dios-dios na bulawan, plata, bronse, gapo o kahoy, na dai nakakahiling ni nakakadangog o nakakalakaw.