Roma 1:15 - Marahay na Bareta Biblia

¹⁵ Ini an dahelan kaya boot kong ipaghulit an Marahay na Bareta saindo diyan sa Roma.

Roma 1:15 ပူးပေါင်းရင်းမြစ်များ

1 Mga Hade 8:18

Alagad tinaraman siya nin Kagurangnan, ‘Marahay an saimong kamawotan na magtugdok nin Templo para sa sakong ngaran,

Isaias 6:8

Dangan nadangog kong naghapot an Kagurangnan, “Siisay an sakong susugoon? Siisay an satong magigin sugo?” Nagsimbag ako, “Uya ako! Ako an sugoa.”

Mateo 9:38

Makimaherak kamo sa kagsadiri kan anihon na magpadara siya nin dakul na paraani.”

Markos 14:8

Ginibo kan babaeng ini an saiyang makakaya: linahidan niya nin pahamot an sakong hawak bilang pag-andam sa paglubong sako.

Juan 4:34

Sinabihan sinda ni Jesus, “An kakanon ko iyo an pag-otob kan kabotan kan nagsugo sako, asin an paghaman kan ipinagibo niya.

Mga Gibo 21:13

Alagad nagsimbag siya, “Tadaw ta nagtatangis kamo asin pinapaluya nindo an boot ko? Andam ako bako sanang magpabilanggo kundi maski magpagadan sa Jerusalem dahel sa Kagurangnan na Jesus.”

Roma 10:15

Paanong ipaghulit nin mga tawo an mensahe nin Dios kun dai man sinda sinugo? Siring sa nasusurat, “Magayon an mga bitis kan nagdadara kan Marahay na Bareta!”

Roma 12:18

Sagkod sa makakaya nindo, mamuhay kamong matoninong sa kaibahan nin gabos na tawo.

Roma 15:20

An danay kong mawot iyo an paghulit kan Marahay na Bareta sa mga lugar na dai pa lamang midbid si Cristo tanganing dai ko matugdokan an tinugdokan na nin iba.

1 Corinto 9:17

Kun gibohon ko ini sa sadiri ko sanang kabotan, maglalaom akong bayadan; alagad ginigibo ko ini bilang pag-otob sa katongdan na itinao sako nin Dios.

2 Corinto 8:12

Kun talagang maigot kamo sa pagtao, aakoon nin Dios an saindong dolot, sosog sa ikakatao nindo asin bakong sosog sa dai nindo ikakatao.