Parahulit 9:5 - Marahay na Bareta Biblia

⁵ Aram kan mga buhay na sinda magagadan, alagad an mga gadan mayo nin naaaraman. Dai na sinda magkakaigwa nin premyo; padagos na sindang malilingawan.

Parahulit 9:5 ပူးပေါင်းရင်းမြစ်များ

2 Samuel 14:14

Gabos kita magagadan; arog kita sa tubig na naula sa daga, na dai na pwedeng tiponon giraray. Maski an Dios dai na minabuhay kan nagadan, alagad pwedeng maghanap an hade nin paagi tanganing ikabalik an sarong mayo sa saiyang kaibahan.

An Libro ni Job 14:21

Iginagalang an mga aki niyang lalaki, alagad dai niya iyan aram, ni may magsabi saiya kun sinda nasosopgan.

An Libro ni Job 30:23

Aram kong dadarahon mo ako sa sakong kagadanan, an huring padudumanan kan gabos na nabubuhay.

Salmo 109:15

An saindang kasalan danay logod na magiromdoman nin Kagurangnan; alagad malingawan logod sinda sagkod pa man!

Salmo 6:5

Sa lugar nin mga gadan dai ka nagigiromdoman; sa Sheol siisay an matao saimo nin kaomawan?

Salmo 88:13

Alagad, Kagurangnan, minaagrangay ako saimo; aga-aga namimibi ako saimo.

Parahulit 1:11

Mayo nin nakakagiromdom kan mga nangyari na, asin an mga mangyayari poon ngunyan dai man magigiromdoman ngapit.

Parahulit 2:16

Mayo nin nakakagiromdom sa mga madonong, asin siring man sa mga lolong. Sa maabot na mga aldaw, an gabos malilingawan. An gabos magagadan, madonong man o lolong!

Parahulit 7:2

Mas marahay an magduman sa harong na igwa nin pagmondo ki sa harong na igwa nin bangkete, huli ta an nabubuhay dapat na magromdom na naghahalat sato gabos an kagadanan.

Parahulit 8:10

Dangan nahiling ko an ilinubong na mga tampalasan. Laog-luwas sinda kaidto sa banal na lugar, asin inomaw sa mga syudad saen naggibo sinda nin karatan. Ini mayo man nin halaga.

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Parahulit 9:4

Alagad an nabubuhay sa kinaban kan mga buhay, igwa nin paglaom; an sarong buhay na ayam mas marahay ki sa sarong gadan na leon.

Isaias 26:14

Garadan na sinda ngunyan asin dai na mabubuhay giraray; dai na mabangon an saindang mga kalag, huli ta pinadusahan mo sinda asin saimong ginadan. Mayo nang nakakagiromdom sa sainda ngunyan.

Isaias 63:16

Ika an samong ama. Dai kami minimidbid ni Abraham saka ni Jacob na samong ginikanan, alagad ika, Kagurangnan, na samong ama, iyo an danay na nagliligtas sa samo.

Lukas 20:32

Dangan nagadan man an babae.

Hebreyo 9:27

Itinalaan na sarong beses sana magadan an lambang tawo, dangan an paghukom.