Parahulit 9:3 - Marahay na Bareta Biblia

³ Pareho an kataposan kan gabos na tawo, asin ini saro man na karatan arog kan ibang nangyayari sa kinaban na ini. Mantang nabubuhay pa an mga tawo, an saindang isip pano nin karatan saka karungawan, dangan nagagadan sinda tolos.

Parahulit 9:3 ပူးပေါင်းရင်းမြစ်များ

Genesis 6:5

Kan nahiling nin Kagurangnan an kadakulaan kan karatan kan mga tawo sa kinaban asin an karigsokan kan saindang kaisipan sa gabos na panahon,

Genesis 8:21

Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

An Libro ni Job 15:16

gurano pa daw an tawong makauuyam asin maraot, na minainom nin karatan siring sa pag-inom niya nin tubig!

An Libro ni Job 21:26

Alagad an gabos nagagadan dangan ilinulubong; tinatahoban sinda nin mga ulod.

An Libro ni Job 9:22

An gabos mayo nin halaga; kaya minasabi akong pareho niyang ginagadan an matanos asin an maraot.

Salmo 51:5

Uya, namundag ako sa kasombikalan; ipinangidam ako kan sakong ina sa kasalan.

Salmo 64:7

Alagad papanaon sinda nin Dios, asin malulugadan sinda tolos.

Mga Talinhaga 14:32

An tampalasan ibinabagsak kan sadiring karatan, alagad an matanos iniingatan kan sadiring karahayan.

Parahulit 1:17

Hiningowa kong saboton an kalaenan kan pakaaram asin kalolongan, kan kadonongan saka karungawan. Alagad nahiling ko na arog man giraray ini sa paglamag sa doros.

Parahulit 12:7

An satong hawak mabalik sa alpog kan daga, asin an hinangos nin buhay mabalik sa Dios, na iyo an nagtao kaiyan sato.

Parahulit 2:14

An madonong nakakahiling kan saiyang padudumanan, alagad an lolong naglalakaw sa kadikloman. Alagad aram kong saro sana an aabotan ninda gabos.

Parahulit 7:2

Mas marahay an magduman sa harong na igwa nin pagmondo ki sa harong na igwa nin bangkete, huli ta an nabubuhay dapat na magromdom na naghahalat sato gabos an kagadanan.

Parahulit 7:25

Idinusay ko an sakong buhay sa pagsabot saka sa pagsiyasat, sa paghanap nin kadonongan saka nin kasimbagan sa sakong mga hapot, asin sa pagsabot kun gurano karaot asin kalolong an kamangmangan.

Parahulit 8:11

An mga tawo andam sa paggibo nin karatan, huli ta an krimen dai tolos pinapadusahan.

Parahulit 9:11

Nahiling ko man na sa kinaban na ini, bakong an gabos na marikas iyo an nanggagana sa karera; an mga maiisog dai man danay na nanggagana sa gera; bakong an gabos na madonong iyo an nagkakaigwa nin ikabubuhay; bakong an gabos na may abilidad an nagkakaigwa nin kayamanan; bakong an gabos na eksperto an nagkakamit kan haralangkaw na katongdan. An kadimalasan nangyayari sa kiisay man.

Parahulit 9:2

huli ta parareho an kataposan kan gabos, matanos man o tampalasan, marahay man o maraot, malinig man o maati, nagdodolot man nin atang o dai. An tawong banal mayo man nin kalaenan sa tawong parakasala; an tawong minasumpa arog man sa tawong dai minasumpa.

Parahulit 9:4

Alagad an nabubuhay sa kinaban kan mga buhay, igwa nin paglaom; an sarong buhay na ayam mas marahay ki sa sarong gadan na leon.

Jeremias 16:12

Alagad mas maraot an ginibo nindo ki sa ginibo kan saindong mga ginikanan. Kamo gabos matatagas an payo asin mararaot. Dai kamo nagkukuyog sako.

Jeremias 17:10

Ako, an Kagurangnan, an nagsisiyasat sa isip saka nagbabalo kan puso nin tawo. Tinatratar ko an lambang saro sosog sa saiyang pamumuhay, asin mga ginigibo.”

Jeremias 17:9

“Siisay an makakasabot kan puso nin tawo? Mayo nin ibang arog kaiyan kadaya; grabe na an helang kaiyan asin dai na maoomayan.

Lukas 15:17

Kan makapag-isip-isip siya, nagsabi siya, ‘Sobra an kakanon kan gabos na tinatandanan na trabahador duman sa harong kan ama ko, mantang ako magagadan digdi sa gutom!

Lukas 6:11

Grabe an kaanggotan kan mga paratukdo kan Katogonan asin kan mga Fariseo kaya pinag-orolayan ninda kun ano an dapat nindang gibohon ki Jesus.

Mga Gibo 12:23

Pinadusahan tolos si Herodes kan sarong anghel nin Kagurangnan, huli ta dai niya itinao sa Dios an kaomawan. Inulod siya dangan nagadan.

Mga Gibo 26:11

Dakul na beses na ipinahampak ko sinda sa mga sinagoga asin hiningowa kong talikdan ninda an saindang pagtubod. Anggot ako nin marahay, kaya nakaabot ako sagkod sa mga syudad nin ibang nasyon sa pagpasakit sainda.

Mga Gibo 26:24

Mantang nagpapahayag si Pablo kan saiyang depensa kinurahawan siya ni Festo, “Bua ka, Pablo! An sobrang adal mo iyo an nakakapabua saimo!”

Tito 3:3

Huli ta kaidto mga lolong kita, mga masombikal, mga lagalag asin mga oripon kan manlaen-laen na kinabanon na kamawotan asin kawilihan. Namuhay kita kaidto na may maraot na boot asin pagkaara; ikinaongis kita kan ibang mga tawo saka ikinaongis ta man sinda.

2 Pedro 2:16

Alagad tinuyaw siya kan asno niya huli kan saiyang kasalan. Nagtaram ini na garo tawo, saka inontok an karungawan kan propeta.