Parahulit 9:15 - Marahay na Bareta Biblia

¹⁵ Igwang nag-erok duman na sarong dukha alagad madonong na lalaki, na pwede kutanang magligtas kan syudad. Alagad mayo man lamang nin nakagiromdom saiya.

Parahulit 9:15 ပူးပေါင်းရင်းမြစ်များ

Genesis 40:23

Alagad dai nagiromdoman si Jose kan kopero kan hade; nalingawan na siya kaini.

2 Samuel 20:22

Dangan nagduman an babae sa saiyang mga kahimanwa asin sinabihan sinda kan saiyang plano. Pinugotan ninda nin payo si Sheba asin itinapok an payo sa ibong kan kudal pasiring ki Joab. Kaya pinatanog ni Joab an trompeta bilang tanda para sa saiyang mga tawohan na maghale na sa syudad asin magpuli sa saindang mga harong. Nagbalik si Joab sa Jerusalem asin sa hade.

Mga Talinhaga 21:22

Masasakop kan madonong na heneral an syudad na may makokosog na bantay, asin magagaba niya an mga kudal na saindang sinasarigan.

Parahulit 2:16

Mayo nin nakakagiromdom sa mga madonong, asin siring man sa mga lolong. Sa maabot na mga aldaw, an gabos malilingawan. An gabos magagadan, madonong man o lolong!

Parahulit 4:13

Mas marahay an sarong hoben na dukha alagad madonong ki sa sarong gurang nang hade alagad mangmang asin habo nang magpahatol,

Parahulit 7:19

An kadonongan nagtatao nin kosog sa sarong tawo orog pa ki sa magigibo nin sampolong pamayo para sa sarong syudad.

Parahulit 8:10

Dangan nahiling ko an ilinubong na mga tampalasan. Laog-luwas sinda kaidto sa banal na lugar, asin inomaw sa mga syudad saen naggibo sinda nin karatan. Ini mayo man nin halaga.