Parahulit 9:10 - Marahay na Bareta Biblia

¹⁰ Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Parahulit 9:10 ပူးပေါင်းရင်းမြစ်များ

Genesis 37:35

Dinalaw si Jacob kan gabos niyang aking lalaki asin babae tanganing rangahon, alagad padagos siyang nagmondo. Olay niya, “Magagadan akong nagmomondo para sa sakong aki.” Siring kaiyan an pagmondo ni Jacob para ki Jose.

1 Mga Cronica 22:19

Kaya maglingkod kamo sa Kagurangnan na saindong Dios sa bilog nindong puso asin kalag. Poonan na nindo an pagtugdok kan Templo, tanganing ikabugtak nindo diyan an Kaban nin Tipan nin Kagurangnan saka an banal na mga kagamitan para sa pagsamba saiya.”

1 Mga Cronica 28:20

Dangan sinabihan ni David si Solomon na saiyang aki, “Pagmakosog asin pagmaisog. Gibohon mo an trabaho; dai ka matakot ni manluya an boot, huli ta iibahan ka kan Kagurangnan Dios, na sakuyang pinaglilingkodan. Dai ka niya papabayaan sagkod na matapos an gabos na trabaho sa Templo.

Nehemias 2:12

dai ko sinabi maski kiisay an ipinasabong sako nin Dios na gibohon ko para sa Jerusalem. Dangan sa kamatangaan nin banggi, nagbangon ako saka nagluwas kaiba an nagkapirang lalaki. An dara ming hayop iyo sana an asno na sakong linunadan.

Nehemias 4:2

Sa atubangan kan saiyang mga kairiba asin kan hukbo nin Samaria, nagsabi siya, “Ano an ginigibo kan mga maluluyang Judiong ini? Boot daw nindang patindogon giraray an syudad? Naghohona daw sinda na kun magdolot sinda nin sakripisyo, matatapos ninda an trabaho sa laog nin saro sanang aldaw? Makakagibo daw sinda nin mga gapo hale sa tambak nin sinulong ragpa?”

Nehemias 4:6

Kaya ipinadagos mi an paghirahay kan kudal; dai nahaloy naabot mi an kabangaan kan langkaw kaini, huli ta bilog an boot kan mga tawo sa pagtrabaho.

An Libro ni Job 10:21

bago ako magduman saen mayo na nin makakabalik, sa daga na mamondo saka madiklom,

An Libro ni Job 10:22

daga nin kadikloman, mga anino, saka karibongan, na an ilaw iyo an madikloman.”

An Libro ni Job 21:13

Namumuhay sinda sa kauswagan asin matoninong na nagagadan.

Salmo 6:5

Sa lugar nin mga gadan dai ka nagigiromdoman; sa Sheol siisay an matao saimo nin kaomawan?

Mga Talinhaga 3:28

Dai ka nanggad magsabi sa saimong kapwa na maghalat sagkod sa sunod na aldaw, kun makakaya mong tabangan siya ngunyan.

Parahulit 11:3

Kun an langit madampog, totoong mauran; kun matumba an sarong kahoy maski saen na direksyon, duman iyan mahigda sa hinugpaan.

Parahulit 11:6

Magtanom ka sa aldaw asin man sa banggi, huli ta dai mo nanggad maaaraman kun an gabos na itinanom mo matalubo nin marahay o kun an saro mamumunga nin dakul ki sa saro.

Isaias 38:10

Naghona ako na sa kaodtohan nin buhay maduman na ako sa kinaban kan mga gadan, tanganing duman na mag-erok sagkod pa man.

Jeremias 29:13

Mahanap kamo sako asin makukua nindo ako, huli ta bilog na puso nindo akong hahanapon.

Mga Bilang 13:30

Pinakaalo ni Caleb an mga tawo na nakapalibot ki Moises dangan nagsabi, “Salakayon na nyato ngunyan asin sakopon an daga; kaya tang sakopon idto.”

Mateo 20:7

‘Mayo kayang nag-alok samo na magtrabaho,’ an sabi ninda. ‘Magduman man kamo asin magtrabaho sa sakong ubasan,’ an sabi niya sainda.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

Juan 4:34

Sinabihan sinda ni Jesus, “An kakanon ko iyo an pag-otob kan kabotan kan nagsugo sako, asin an paghaman kan ipinagibo niya.

Juan 5:4

huli ta igwa nin panahon na minahilig sa tangke an anghel nin Kagurangnan asin hinihiro an tubig. An maenot na bumuntog sa tubig pakahiroa kaiyan, naoomayan.

Juan 9:4

Dapat na gibohon ta an ipinapagibo kan nagsugo sako, mantang aldaw pa; maabot an banggi asin mayo na nin makakapagtrabaho.

Roma 12:11

Dai kamo maghinugak kundi magmahigos; maglingkod kamo sa Kagurangnan.

1 Corinto 15:10

Alagad huli kan biyaya nin Dios sako nagin siring ako kaini ngunyan, asin an biyaya niya sako dai nasayang. Sa katotoohan, nagtrabaho ako nin mas maigot ki sa ibang mga apostol, maski ngani bako mananggad ako an naggigibo, kundi an biyaya nin Dios na nasa sako.

1 Corinto 16:10

Pag-abot diyan ni Timoteo, akoon nindo siya nin marahay, huli ta pareho ko man siyang naglilingkod sa Kagurangnan.

1 Corinto 9:24

Aram man sana nindo na sa karera, dakul an minadalagan, alagad saro sana an nakakakua kan premyo. Kaya dumalagan kamo nin maigot tanganing makua an premyo.

1 Corinto 9:26

Kaya dai ako minadalagan na daing direksyon. Kun baga sa sarong boksingero, dai ako minasuntok sa doros.

Efeso 5:16

Pakarahayon nindo an paggamit kan panahon, huli ta an mga aldaw ngunyan maraot.

Colosas 3:23

Anoman an saindong ginigibo, gibohon nindo nin tudok sa puso na garo man sana naglilingkod kamo sa Kagurangnan, bakong sa tawo.

1 Samuel 10:7

Kun mangyari an mga tandang ini, gibohon mo an ano man na ipinapasabong saimo nin Dios.