Parahulit 9:1 - Marahay na Bareta Biblia

¹ Ini gabos sakuyang inisip asin siniyasat nin marahay, kaya nasabotan ko na nasa kamot nin Dios an mga gibo kan mga matanos saka kan mga madonong, maski an saindang pagkamoot asin pagkaongis. Dai ninda aram kun ano an aatubangon ninda sa maabot na panahon,

Parahulit 9:1 ပူးပေါင်းရင်းမြစ်များ

An Libro ni Job 12:10

Yaon sa Dios an buhay kan lambang linalang, asin an hinangos kan gabos na tawo.

An Libro ni Job 27:12

Uya, kamo gabos nakahiling na kaiyan; tadaw ta nagtataram kamo nin basang sana?”

An Libro ni Job 5:8

“Kun ako saimo, hahanapon ko an Dios asin sa saiya ko idodolok an sakong kaso.

Salmo 10:14

Alagad nahihiling mo; namamasdan mo an kahorasaan asin kasakitan; danay kang andam sa pagtao nin tabang. An dukha minasarig sa saimo; ika an danay na nagtatabang sa mga ilo.

Salmo 119:109

Danay na nasa pag-alaman an sakong buhay, alagad dai ko nalilingawan an saimong katogonan.

Salmo 31:5

Sa saimong kamot dusay ko an sakong espiritu; Kagurangnan, maimbod na Dios, ako tinubos mo.

Salmo 73:3

huli ta naara ako sa mga mapaabaw-abaw, kan mahiling ko an kauswagan kan tampalasan.

Mga Talinhaga 16:3

Idusay mo sa Kagurangnan an gabos mong gibo, asin maootob an saimong mga plano.

Parahulit 1:17

Hiningowa kong saboton an kalaenan kan pakaaram asin kalolongan, kan kadonongan saka karungawan. Alagad nahiling ko na arog man giraray ini sa paglamag sa doros.

Parahulit 10:14

An lolong taram sanang taram. Mayong nakakaaram kun ano an sunod na mangyayari, asin mayong makakataram kun ano an mangyayari sato pakatapos na kita magadan.

Parahulit 7:15

Sa sakong mayong halagang buhay nahiling ko an gabos na bagay. An sarong matanos na tawo pwedeng magadan mantang an saro padagos na nabubuhay, maski siya sarong maraot na tawo.

Parahulit 7:25

Idinusay ko an sakong buhay sa pagsabot saka sa pagsiyasat, sa paghanap nin kadonongan saka nin kasimbagan sa sakong mga hapot, asin sa pagsabot kun gurano karaot asin kalolong an kamangmangan.

Parahulit 8:14

Alagad iyan masakit na saboton. Kun minsan igwa nin mga matanos na iyo an nag-aako kan padusa kan mga tampalasan; kun minsan an mga tampalasan iyo an nag-aako kan premyo kan mga matanos. Minasabi ako na ini mayo man nin halaga.

Parahulit 8:16

Kan hiningowa kong magin madonong asin masabotan an nangyayari sa kinaban, nasabotan kong maski aldaw-bangging dai magtorog an tawo,

Parahulit 8:7

Mayo satong nakakaaram kun ano an mangyayari, asin mayong mataram sato.

Parahulit 9:6

Kaiba nindang nagadan an saindang pagkamoot, an saindang pagkaongis asin pagkaori. Mayo na sinda nin kahirasan sa mga nangyayari sa kinaban.

Isaias 26:12

Papauswagon mo kami, Kagurangnan; an gabos na samong nahahaman iyo an bunga kan saimong ginibohan.

Jeremias 43:6

mga lalaki, mga babae, mga aki, asin an mga aking babae kan hade. Dinara ninda an lambang tawo na ibinugtak ni Nebuzaradan, an pinakahalangkaw na opisyal, sa pamamahala ni Gedalias; kaiba ako asin si Baruc sa mga dinara ninda.

Deuteronomio 33:3

Namomotan nin Kagurangnan an saiyang banwaan; an mga sadiri niya, saiyang inaataman. Kaya nagduduko kita sa saiyang pamitisan, asin nagkukuyog kan saiyang mga kabotan.

2 Timoteo 1:12

iyan an dahelan kaya nagtitios ako kan mga bagay na ini. Alagad dai ako nasosopog huli ta midbid ko an sakong tinutubod, asin naniniwala ako na iingatan niya sagkod sa huring Aldaw an ipinaniwala niya sakuya.

1 Pedro 1:5

Huli sa pagtubod, iniingatan kamo kan kapangyarihan nin Dios, sagkod na makamtan nindo an kaligtasan na andam nang ihayag sa kataposan nin panahon.

1 Samuel 2:9

“Binabantayan niya an mga maimbod saiya, alagad an mga maraot nawawara sa kadikloman; huli ta bakong sa sadiring kosog nanggagana an sarong linalang.