Parahulit 8:4 - Marahay na Bareta Biblia

⁴ Mapangyari an tataramon kan hade asin mayo nin makakasalungat sa ginigibo niya.

Parahulit 8:4 ပူးပေါင်းရင်းမြစ်များ

2 Samuel 24:4

Alagad ipinaotob kan hade ki Joab saka sa mga opisyal niya an saiyang pagboot; naghale sinda sa atubang kan hade dangan naglakaw tanganing sensohon an mga tawo sa bilog na Israel.

1 Mga Hade 1:30

na ootobon ko ngunyan an panugang ginibo ko saimo sa ngaran nin Kagurangnan, an Dios nin Israel, na an saimong aking si Solomon iyo an masalihid sako bilang hade.”

1 Mga Hade 2:25

Dangan sinugo ni Hadeng Solomon si Benaias. Nagluwas si Benaias asin ginadan si Adonias.

1 Mga Hade 2:46

Dangan pinagbotan kan hade si Benaias; nagluwas si Benaias asin ginadan si Simei. Kaya nagin pusog an kahadean sa palakaw ni Solomon.

Esdras 6:13

Dangan siring sa itinaram ni Emperador Dario, an gabos na ipinagboot kan emperador kinuyog ni Tatenai na gobernador kan probinsya sa ibong kan Salog nin Eufrates, ni Setar-bozenai, asin kan mga kairiba ninda.

An Libro ni Job 9:12

Kinukua niya an saiyang mawoton, asin mayo nin nakakapugol saiya; mayo nin nangangahas na maghapot saiya, ‘Ano an saimong ginigibo?’

Exodo 1:18

Kaya ipinaapod sinda kan hade dangan hinapot, “Tano ta dai kamo nagsunod? Tadaw ta pinabayaan nindong mabuhay an mga aking lalaki?”

Mga Talinhaga 19:12

An kaanggotan kan hade garo ungal kan leon, alagad an saiyang karahayan garo ambon sa ibabaw kan doot.

Mga Talinhaga 20:2

An kaanggotan nin hade garo ungal kan leon; an minapaanggot saiya nawawaraan kan sadiring buhay.

Mga Talinhaga 30:31

an kanding, an mabaskog na solog na manok, asin an mga hade sa atubang kan saindang nasasakopan.

Daniel 3:15

Ngunyan pagkadangog nindo kan tanog kan trompeta, plawta, lira, gimbal, arpa, asin kan gabos na instrumento, magduko kamo asin magsamba sa estatwa. Kun dai kamo magsamba, itatapok kamo tolos sa nagkakalayong horno. Sa paghona nindo igwa nin dios na maligtas saindo?”

Daniel 4:35

An mga tawo sa daga hinihiling niya na mayo nin halaga; an mga anghel sa langit saka an mga tawo sa daga nasa irarom kan saiyang kabotan. Mayo nin makakasalungat kan saiyang kabotan o makakahapot saiya nin, ‘Ano an ginigibo mo?’

Roma 9:20

Alagad siisay ka man na makikisimbagan sa Dios? Nakakahapot daw an dalipay na koron sa tawong naggibo saiya, “Tadaw ta ginibo mo akong siring kaini?”